Öll viljum við geta horft bjart­sýn til fram­tíð­ar, eygt fram­farir og betri hag. Tæki­færin eru mýmörg en það verður að grípa þau. Það ætlar Við­reisn að gera.

Látum okkur dreyma

Gott er að láta sig dreyma um bjarta fram­tíð fjöl­skyld­unn­ar, fyr­ir­tæk­is­ins og sam­fé­lags­ins alls. Ég giska á að margir myndu nefna rýmri fjár­ráð, vissu um greiðslu­byrði lána, ódýr­ari mat­ar­körfu og stöðugan gjald­mið­il.  Aðrir myndu nefna sann­gjarnan hlut þjóð­ar­innar af nýt­ingu auð­linda og að umhverf­is- og lofts­lags­mál væru tekin föstum tökum og enn aðrir ábyrgð í rík­is­fjár­málum svo ekki sé talað um rekstr­ar­um­hverfi fyr­ir­tækja. Margir myndu minn­ast á greiðan aðgang að heil­brigð­is­þjón­ustu, þjón­ustu sál­fræð­inga, sjúkra­þjálf­ara og tal­meina­fræð­inga. Enn aðrir jafnt atkvæða­vægi við Alþing­is­kosn­ing­ar.

Draumar geta ræst

Veru­leiki líð­andi stundar er oft annar en sá sem fólk lætur sig dreyma um. Hann breyt­ist ekki nema við gerum eitt­hvað sjálf til þess að draumar okkar ræt­ast. Kom­andi 25. sept­em­ber er nokk­urs konar óska­stund en þá göngum við til kosn­inga sem ráða miklu um fram­tíð okk­ar. Þá er nauð­syn­legt að átta sig á því hvað þarf til þess að draum­arnir geti ræst og hvaða stjórn­mála­flokkur talar fyrir þeim lausnum og leið­um. Óska­stund verður að nýta vel - óska­stundir sem koma bara á fjög­urra ára fresti. Þá er líka gott að rifja upp hvernig fór með ósk­irnar fyrir fjórum árum, átta árum eða lengra aftur í tím­ann. Hvernig fóru þeir stjórn­mála­flokkar sem stjórn­uðu land­inu með drauma ykkar og óskir sem þið trúðuð þeim fyr­ir?

Sægur af tæki­færum

Fram­tíðin er handan við horn­ið. Þrátt fyrir allt getum við ráðið miklu um hvað hún ber í skauti sér. Við þurfum hins vegar að veita fram­tíð­inni nóg af góðum tæki­færum í vega­nesti. Við­reisn sér sæg af tæki­færum til að gefa fram­tíð­inni.

Tæki­færi á borð við að tengja krón­unnar við evru, sem leiðir til lægri vaxta og dregur úr sveiflum í verð­lagi inn- og útflutn­ings og eykur fyr­ir­sjá­an­leika í afborg­unum lána. Tæki­færi sem felst í bland­aðri leið í heil­brigð­is­kerf­inu þar sem þjón­ustan er sett í önd­vegi, en styrk­leikar bæði einka- og opin­bers rekstrar fá að njóta sín. Tæki­færi sem fel­ast í því að jafna atkvæða­vægi og jafna ábyrgð okkar allra á lands­byggðum og höf­uð­borg­ar­svæði. Tæki­færi sem felst í því að tryggja með óyggj­andi hætti að almenn­ingur njóti ávaxt­anna af auð­lindum sín­um, með leigu nýt­ingar þeirra til tak­mark­aðs tíma í senn gegn gjaldi sem ræðst á mark­aði. Tæki­færi sem felst í því að ákveða að Ísland ætli sér að stíga stór skref án mála­leng­inga í lofts­lags­málum og nýta til þess græna hvata og þá krafta sem búa í íslenskum fyr­ir­tækj­um.

Gefðu fram­tíð­inni tæki­færi - kjóstu Við­reisn.

Höf­undur er alþing­is­maður og skipar 2. sæti í Reykja­vík norður á lista Við­reisn­ar.