Það kom fæstum í við­skipta­líf­inu á óvart þegar til­kynnt var um það í dag að Birgir Jóns­son, sem var ráð­inn aðstoð­ar­for­stjóri WOW air í nóv­em­ber síð­ast­liðn­um, hefði látið af störfum. Ástæðan fyrir þeim skorti á undrun hefur ekk­ert með Birgi að gera, enda þaul­reyndur flug­rekstr­ar­mað­ur, heldur það að WOW air hefur verið ákaf­lega dug­legt að skipta um stjórn­endur und­an­farin ár. Og miðað við tíðn­ina virt­ist orðið tíma­bært að hreinsa til á ný.

WOW air hóf áætl­un­ar­flug sum­arið 2012. Síðan þá hefur starfs­manna­veltan á meðal fram­kvæmda­stjóra og lyk­il­stjórn­enda fyr­ir­tæk­is­ins slegið nálægt Íslands­meti.

Allt hófst þetta á for­stjóra­skiptum í lok sum­ars 2012, þegar Skúli Mog­en­sen, eig­andi WOW air, tók sjálfur við stjórn­ar­taumunum af Baldri Oddi Bald­urs­syni.

Næstur til að láta af störfum var Matth­ías Ims­land, þá fram­kvæmda­stjóri flug­rekstr­ar­sviðs WOW air. Hann hætti í októ­ber 2012 og snéri sér að því að stýra kosn­inga­bar­áttu Fram­sókn­ar­flokks­ins í Suð­vest­ur­kjör­dæmi. Hann er nú aðstoð­ar­maður Eyglóar Harð­ar­dótt­ur, félags- og hús­næð­is­mála­ráð­herra.

Næstur í röð­inni til að yfir­gefa WOW air var Guð­mundur Arnar Guð­munds­son, þá for­stöðu­maður mark­aðs­sviðs, en hann hætti í apríl 2013 eftir að hafa starfað hjá félag­inu í rúm­lega eitt ár. Í des­em­ber það ár hætti Guð­rún Ein­ars­dótt­ir, sem hafði verið starfs­manna­stjóri WOW air í um átta mán­uði, störfum og í febr­úar 2014 var röðin komin að Ágústu Hrund Stein­ars­dótt­ur, þá mark­aðs­stjóra WOW air, að hætta störf­um.

Árið 2014 var stórt ár hjá WOW-hringekj­unni. Í mars var greint frá því að Inga Birna Ragn­ars­dóttir hefur látið af störfum sem fram­kvæmda­stjóri og aðstoð­ar­for­stjóri flug­fé­lags­ins WOW air. Í maí hætti Linda Jóhanns­dótt­ir, þá fram­kvæmda­stjóri fjár­mála­sviðs WOW air, störfum eftir að hafa starfað hjá fyr­ir­tæk­inu í um tvö ár og í ágúst var þeim Tómasi Inga­syni, þá for­stöðu­manni við­skipta­þró­un­ar­sviðs WOW air, og Arn­ari Má Arn­þórs­syni, þá fram­kvæmda­stjóra sölu- og mark­aðs­sviðs, sagt upp störf­um. Tómas hafði starfað hjá fyr­ir­tæk­inu frá því í byrjun árs 2014 og Arnar í rúma þrjá mán­uði.

Í apríl 2015 var greint frá því að Björn Ingi Knúts­son, fram­kvæmda­stjóri flug­rekstr­ar­sviðs WOW air, hefði sagt starfi sínu lausu. Hann hafði starfað hjá fyr­ir­tæk­inu í tæp tvö ár. Í ágúst síð­ast­liðnum var til­kynnt að Stefán Sig­urðs­son hefði verið ráð­inn fjár­mála­stjóri WOW og að Guð­rún Valdi­mars­dótt­ir, sem gegnt hafði því starfi, myndi fara í önnur störf á vegum fjár­fest­inga­fé­lags Skúla Mog­en­sen, Tít­an.

Í dag var svo til­kynnt um að Birgir væri hætt­ur. Hann er reyndar ekki óvanur því að staldra stutt við hjá flug­fé­lagi því í andaslitrum Iceland Express náði Birgir að vera for­stjóri fyr­ir­tæk­is­ins í heila tíu daga, áður en hann hætti á eft­ir­minni­legan hátt eftir deilur við eig­and­ann Pálma Har­alds­son.

Í bak­her­berg­inu velta menn því fyrir sér hvað valdi því að fram­kvæmda­stjórar og lyk­il­starfs­menn hald­ist svona illa í starfi hjá WOW air. Skúli Mog­en­sen sagði sjálfur í við­tali við Frétta­blaðið í fyrra, þegar enn ein upp­sagn­ar­hrinan var nýlega afstað­in, að fyr­ir­tækið gerði kröfur og ætl­aði sér enn stærri hluti í fram­tíð­inni. „Það er alveg ljóst að það hentar ekki öllum að vinna undir slíku álagi til lengdar og það er líka mjög eðli­legt að skipta um mann­skap. Það þarf mis­mun­andi hæfi­leika til að fara úr núll í tíu millj­arða og svo úr tíu í 30 millj­arða.“

Það þarf því ekk­ert að vera að Skúli sé það erf­iður í sam­starfi að tólf yfir­menn hafi verið reknir eða hætt hjá WOW air á þremur árum. Kannski er þetta bara mjög eðli­leg starfs­manna­velta eftir allt sam­an.