Í vik­unni hringdi Frétta­blaðið í nærri 1.300 Íslend­inga og spurði þá hvað ætti að gera við pen­ing­ana sem munu fást með stöð­ug­leika­samn­ingum við kröfu­hafa föllnu bank­anna eða sér­stökum stöð­ug­leika­skatti á slita­bú­in. Stjórn­völd búast við því að þegar allt verður talið munu um 650 millj­arðar renna til rík­is­ins við losun fjár­magns­hafta. Um 57 pró­sent aðspurðra sögð­ust vilja nota hluta pen­ing­anna til að byggja nýjan spít­ala.

Það er gaman að láta sig dreyma um hvað gera má við hell­ing af pen­ing­um. Sem dæmi hefur leik­ur­inn Frúin í Ham­borg notið vin­sælda á Íslandi um ára­tuga­skeið. Í leiknum kaupir fólk sér stór hús, flotta bíla og fer í utan­lands­ferð­ir, allt án þess að segja „já, nei, svart eða hvítt“. Fæstir aðspurðra í Frúnni í Ham­borg segj­ast ætla að greiða niður skuld­ir.

Afleið­ingar þess að alþing­is­menn spili Frúna í Ham­borg með kröfu­hafa­pen­inga yrðu dýr­keyptar öll­um. Að nota pen­ing­ana í rík­is­út­gjöld frekar en að greiða niður skuldir myndi að mörgu leyti virka eins og pen­inga­prent­un, verð­bólga myndi rýra virði íslensku krón­unnar enn frekar og verð­tryggð lán heim­il­anna hækka. Í frum­varpi fjár­mála­ráð­herra um stöð­ug­leika­skatt er sér­stak­lega kveðið á um að ráð­stafa skuli fjár­mun­unum þannig að það sam­rým­ist mark­miðum um efna­hags­legan stöð­ug­leika. Til að ekki fari illa þurfa stjórn­völd að standa við það og því til­gangs­laust að velta því upp hvort byggja eigi nýjan spít­ala fyrir pen­ing­ana eða ekki.