Skop­mynd Helga Sig­urðs­son­ar, skop­mynda­teikn­ara Morg­un­blaðs­ins, sem birt­ist í blað­inu í gær hefur vakið mikla athygli, og hlotið gríð­ar­lega gagn­rýni. Hana má sjá hér að ofan. Sam­fé­lags­miðlar hafa hrein­lega logað vegna hennar og umræða um hana verið lituð miklum hita. Flestum virð­ist þykja myndin afar ósmekk­leg, end­ur­spegla óþol eða ill­vilja í garð flótta­manna og bera öll merki þröng­sýni og jafn­vel kyn­þátta­for­dóma (enda allir skip­verjar á mynd­inni svart­ir). Þá hefur rit­stjórn Morg­un­blaðs­ins einnig verið harð­lega gagn­rýnd fyrir að birta mynd­ina. Sumir úr hópi gagn­rýnenda hafa gengið allt of langt og heimtað skerð­ingu á atvinnu­frelsi teikn­ar­ans, sem þó birtir efni sitt á ábyrgð rit­stjórnar Morg­un­blaðs­ins. Flestir hafa hins vegar látið sér nægja að lýsa skoð­unum sínum á mynd­inni.

Margir sjálf­skip­aðir unn­endur frelsis hafa séð sér leik á borði og vaðið af fullri hörku í þá sem gagn­rýna mynd Helga. Þeirra á meðal er þing­mað­ur­inn Brynjar Níels­son sem sagði á Face­book-­síðu sinni að „fólkið sem hafði mikla þörf á að tjá ást sína á Charlie Hebdo er froðu­fellandi af reiði vegna skop­myndar í Mogg­anum í gær. Þetta er mikið til sama fólkið og er upp­tekið af frið­helgi einka­lífs­ins og per­sónu­vernd nema þegar kemur að fjár­málum og tekjum ann­arra. Telur sig jafn­vel styðja frelsi í atvinnu og við­skiptum ef und­an­skilið er áfengi og allt kyn­lífstengt. Ég held að þetta fólk hafi litla ást á tján­ing­ar­frelsi og öðrum borg­ar­legum rétt­indum nema þegar það hentar þeim sjálf­um. Er þetta ekki sjálfselska frekar en ást á Charlie Hebdo?“

Í bak­her­berg­inu eru menn sam­mála um að fólk sem sýndi Charlie Hebdo sam­stöðu eftir að vopn­aðir menn réð­ust inn á skrif­stofur tíma­rits­ins og skutu ell­efu manns til bana sé ekki að sýna af sér óheyri­lega hræsni með því að gagn­rýna skop­mynd Helga Sig. Í gagn­rýni, jafn­vel þótt hún sé lituð með stórum lýs­ing­ar­orð­um, fel­ast nefni­lega ekki ­rit­stjórn­ar­til­burðir og þaðan af síður hótun eða beit­ing ofbeld­is.

Helga Sig er frjálst að búa til ósmekk­legar skop­myndir og Morg­un­blað­inu er frjálst að birta þær. En á sama hátt er þeim sem finnst lítið til verks­ins koma full­frjálst að gagn­rýna það. Í því felst tján­ing­ar­frels­ið.