Það er ekki oft sem útgáfur á vönd­uðum skýrslum Seðla­banka Íslands, sem geyma mik­il­væga inn­sýn í gang mála í hag­kerf­inu, þurfa að bíða birt­ingar úr takti við útgáfu­á­ætlun sem fyrir ligg­ur. Skýrsl­urnar eru með mik­il­væg­ari gögnum sem fram koma á hverjum tíma, fyrir fjár­mála­mark­að­inn. Til þeirra er horft og ákvarð­anir geta verið á þeim byggð­ar, eða í það minnsta geta þær haft áhrif á það hvernig staða mála er ­greind á hverjum tíma og hlutum hrint í fram­kvæmd.

Hinn 6. októ­ber, sléttum sjö árum eftir að for­dæma­lausum neyð­ar­lögum var beitt til þess að vernda fjár­hags­legt sjálf­stæði Íslands, barst stutt til­kynn­ing frá Seðla­banka Íslands þar sem frá því var greint að útgáfu rits­ins Fjár­mála­stöð­ug­leika þyrfti að fresta. Orð­rétt segir í til­kynn­ing­unni. „Seðla­banki Íslands hefur ákveðið að fresta útgáfu rits­ins Fjár­mála­stöð­ug­leiki um nokkra daga þar sem komið hefur í ljós að áður ákveðin útgáfu­dag­setn­ing í dag hefur reynst óheppi­leg í ljósi þess að ekki hefur tek­ist að ljúka því sam­ráðs- og kynn­ing­ar­ferli sem reiknað var með að yrði lokið áður en ritið yrði birt. Ný útgáfu­dag­setn­ing verður birt fljót­lega. Kynn­ingin á efni rits­ins fellur því að sjálf­sögðu einnig nið­ur.“

Þessi stutta til­kynn­ing hefur gert lítið annað en að skilja eftir ósvar­aðar spurn­ing­ar, sem svo fá vængi, með réttu eða röngu, í umræðu á mark­aði. Kurr er kom­inn í hóp kröfu­hafa, sem spyrja nú hvort það geti verið að stjórn­völd og seðla­bank­inn séu að deila um ein­hver mál sem tengj­ast slita­bú­unum eða losun hafta. Hugs­an­lega sem snúa að stöð­ug­leika­fram­lag­inu, sem á að skila 334 millj­örðum í rík­is­sjóð, en ekki 500 eins og fram kom í glæru­kynn­ingu fram­kvæmda­hóps um afnám hafta í Hörp­u­nni í sum­ar.

Seðla­bank­inn ætti að hafa það hug­fast, að hinn íslenski örmark­að­ur, inni­lok­aður í fjár­magns­höftum sem allt kapp er nú lagt á að losa um, er allur að fylgj­ast með því sem gengur á þessa dag­ana, og byggt á fyrri reynslu, þá ætti líka að ganga út frá því að það muni aldrei takast að halda upp­lýs­ingum frá almenn­ingi í myrkum bak­her­bergjum til lengd­ar.

Rit­stjórn Fjár­mála­stöð­ug­leika, sem að sjálf­sögðu á ekki að haga störfum sínum að neinu leyti eftir afskiptum stjórn­valda, mætti gefa betri og ítar­legri skýr­ingar á því hvers vegna útgáfa skýrsl­unn­ar, sem átti að birt­ast 6. októ­ber, hefur taf­ist. Því miður hafa þessar efn­islitlu skýr­ingar nú ekki gert neitt annað en dregið úr trú­verð­ug­leika seðla­bank­ans, í ljósi hinnar við­kvæmu og mik­il­vægu stöðu sem uppi er, vegna fram­kvæmd­ar­innar á áætlun um losun fjár­magns­hafta.