Hvar er best að auglýsa á netinu?

Jón Heiðar Þorsteinsson
facebook_vef.jpg
Auglýsing

Nýverið var sagt frá því að íslensk fyr­ir­tæki verji meiri fjár­munum til birt­ingu staf­rænna aug­lýs­inga en til birt­inga í sjón­varpi. Jafn­framt munar litlu á því fjár­magni sem fer í birt­ingu staf­rænna aug­lýs­inga og aug­lýs­inga í dag­blöð­um.  Þó að straumur aug­lýs­inga­fjár leiti til nets­ins þá eiga Íslend­ingar nokkuð í land að verja jafn háu hlut­falli birt­ing­ar­fjár í netið og tíðkast á Norð­ur­lönd­unum þar sem þetta hlut­fall er um 40 - 47%.

Harðn­andi sam­keppni á íslenska met­mark­að­inum



Sam­keppnin á milli íslensku vef­miðl­ana um aug­lýs­ingafé er hörð og val­kostum fjölgar stöðugt. Til dæmis má nefna að frétta­miðlum fjölgar, til við­bótar við ris­ana mbl.is og vis­ir.is hafa bæst við sprækir miðlar á borð við Kjarn­ann, Nútím­ann og Stund­ina. Face­book og Google taka einnig til sín stóran hlut af því fé sem íslenskir aug­lýs­ingar verja í birt­ingar á net­inu.

Öfl­ugir inn­lendir vef­miðlar



Kost­irnir við að aug­lýsa á stóru inn­lendu vef­miðl­unum eru aug­ljós­ir, þeir eru mikið not­aðir og efni þeirra og við­mót er sér­sniðið að íslenskum not­end­um. Þeir eru vel til þess fallnir til að búa til vit­und fyrir vöru, þjón­ustu eða vöru­merkjum á skömmum tíma. Gall­inn er kannski helst sá að fæstir þeirra bjóða aug­lýsendum mögu­leika til að meta árangur af aug­lýs­ingum eða beina aug­lýs­ingum að ákveðnum mark­hóp­um. Aug­lýsendur  geta þó nýtt sér svo­kall­aðan Google URL Builder og lið­inn Campaigns í Google Ana­lyt­ics vef­mæl­ing­ar­kerf­inu til að sjá virkni aug­lýs­inga­miðla og bera þá saman út frá neð­an­greindum breyt­um:



  • Fjöldi smella og þá kostnað per heim­sókn


  • Verð­mæti her­ferða í beinni sölu frá vef


  • Hlut­fall not­enda sem skoða meira en eina síðu


  • Fjöldi not­enda


  • Síður per heim­sókn


  • Með­al­lengd heim­sóknar


  • Sölu­hlut­fall


  • Fjöldi færslna og tekjur




Sjálf­sagt er að nýta þetta til að velja á milli aug­lýs­inga­miðla og besta her­ferð­ir.

Hroll­vekj­andi aug­lýs­inga­mögu­leikar



Stóru alþjóð­legu vef­miðl­arnir Goog­le, Lin­kedin og Face­book bjóða aug­lýsendum góða mögu­leika á að beina aug­lýs­ingum að mark­hópum og meta virkni aug­lýs­inga. Allir þessir miðlar eiga það sam­merkt að safna miklum upp­lýs­ingum um áhuga­svið og per­sónu­leika not­enda sinna. Þegar mið­ill­inn er ókeypis er það not­and­inn sem er varan eins og oft hefur verið bent á. Hér er farið afar stutt­lega yfir þá mögu­leika sem þessir miðla bjóða aug­lýsend­um. Hér skal varað við því að sumum finnst lest­ur­inn vafa­lítið nokkuð hroll­vekj­andi.

Google AdWords



Google hefur lengi verið ríkj­andi á aug­lýs­ingum á net­inu en netris­inn hefur eign­ast skæðan sam­keppn­is­að­ila sem er Face­book. Það má velta því upp hvort þessir miðlar hafi ekki mis­mun­andi styrk­leika. Face­book er mið­ill augna­bliks­ins og hentar mjög vel fyrir aug­lýs­ingar á neyt­enda­mark­aði og til að kynna við­burði. Google aug­lýs­ingar eru góðar fyrir aug­lýs­ingar á fyr­ir­tækja­mark­aði eða fyrir vörur og þjón­ustu sem á sér langan líf­tíma og útheimtir rann­sókn­ar­vinnu hjá kaup­end­um. Þetta er þó auð­vitað ekki ein­hlítt.

Í Google AdWords má velja nokkrar teg­undir af aug­lýs­inga­her­ferðum en í grunn­inn eru þær þrenns­kon­ar:



  • Aug­lýs­ingar sem birt­ast með leit­ar­nið­ur­stöðum í Google leit­ar­vél­inni sjálfri. Það er hægt að skrifa all­nokkrar greinar um hvernig stilla má slíkar aug­lýs­ingar í Google AdWords en í grunn­inn gengur þetta út á að ná til fólks þegar það leitar sér upp­lýs­inga um vöru og þjón­ustu


  • Aug­lýs­inga­borðar (Dis­play campaign) sem koma fram á vef­síðum og öppum sem birta aug­lýs­ingar frá Google. Ef aug­lýsandi velur að setja upp slíka her­ferð getur hann til dæmis hand­valið þau vef­setur og öpp sem birta aug­lýs­ing­arn­ar. Hægt er að beina aug­lýs­ingum að kyni, ald­urs­hóp­um, stað­setn­ingu og að not­endum sem tala ákveðin tungu­mál. Enn­fremur má beina aug­lýs­ingum að fólki með ákveðið áhuga­svið eða þeim sem Google metur að sé að leita að vörum eða þjón­ustu sem við­kom­andi aug­lýsandi er að selja.


  • Vídeó á Youtube en þau birt­ast fyrir framan mynd­bönd hjá þeim aðilum sem leyfa slíkt. Þetta er tekju­upp­spretta fyrir ófáar Youtube stjörnur




 

Dæmi um val­mögu­leika fyrir aug­lýsendur í Google AdWords



 

target ads

Auglýsing

Face­book er nýi ris­inn á aug­lýs­inga­mark­aðnum



Face­book hefur eflt þjón­ustu við aug­lýsendur svo um munar enda er það svo að fyr­ir­tæki geta ekki lengur treyst á koma skila­boðum á fram­færi með stöðu­upp­færslum á Face­book án þess að greiða gjald fyrir dreif­ing­una.  Þó er oft­ast hægt að stóla á að myndir af fólki fái góða og ókeypis dreif­ingu en þá þarf að merkja (tagga) fólkið á mynd­un­um. Í grunn­inn má segja að Face­book bjóði fyr­ir­tækjum upp á tvenns­konar aug­lýs­ing­ar:



  • Fyr­ir­tæki geta keypt dreif­ingu á stöðu­upp­færslur frá sínum síðum


  • Hægt er að setja upp aug­lýs­inga­fer­ferð sem getur mið­ast að því að fá smelli á vef­set­ur, kynna fyr­ir­tækja­síður á Face­book, vekja athygli á við­burði, fá fólk til að nýta sér til­boð, horfa á vídeó eða setja upp app eða klára ein­hvers­konar pant­ana- eða kaup­ferli svo eitt­hvað sé nefnt




Aug­lýst á Face­book



Eins og í Google AdWords gefur Face­book aug­lýsendum mikla mögu­leika á því að beina aug­lýs­ingum að mjög vel skil­greindum mark­hóp­um. Beina má aug­lýs­ingum að ákveðnum lönd­um, land­svæð­um, borg­um, póst­núm­erum, konum eða körlum, ákveðnum ald­urs­hóp­um, fólki sem talar ákveðin tungu­mál, hefur ákveðin áhuga­mál eða er með ákveðið hegð­un­ar­mynst­ur.

audience

Mik­ill vöxtur í aug­lýs­ingum fyrir snjall­tæki



Bæði Google og Face­book leggja mikla áherslu á að aug­lýs­ingar henti fyrir not­endur í snjall­símum og spjald­tölvum enda er spáð miklum vexti á því sviði á næstu árum. Raunar er megnið af tekju­aukn­ingu Face­book að und­an­förnu rakin til aug­lýs­inga fyrir snjall­tæki og hefur fyr­ir­tækið náð miklum árangri á þessu sviði. Árangur Face­book á þessu sviði er svo góður að jafn­vel Google hefur þurft að lúta í lægra í haldi.

Víd­eóin eru van­nýtt



Fá íslensk fyr­ir­tæki virð­ast enn sem komið er aug­lýsa á Youtube og Face­book með því að birta þar víd­eó. Sá sem hér skrifar hefur góða reynslu af þessum aug­lýs­inga­leiðum enda er birt­ing­ar­kostn­aður í þessum miðlum mun lægri en í sjón­varpi.

Elti­hrellar Inter­nets­ins



Bæði Face­book og Google AdWords bjóða upp á svo­kall­aðan "Remar­ket­ing” mögu­leika, sem sagt að beina aug­lýs­ingum að not­endum sem hafa áður heim­sótt vef­síðu aug­lýsand­ands. Mörgum finnst sér­kenni­legt og jafn­vel ögn óþægi­legt að sjá aug­lýs­ingar um vöru og þjón­ustu sem þeir skoð­uðu ein­hvern­tím­ann á net­inu. Þetta er sem sagt skýr­ingin á slíku.

Aug­lýs­ingar á sam­fé­lags­miðli fag­manns­ins



Að síð­ustu er rétt að tæpa á aug­lýs­inga­mögu­leikum í Lin­ked­in. Þó er rétt að taka fram að ekki er hægt að beina aug­lýs­ingum eða kynna stöðu­upp­færslur frá Lin­kedin sér­stak­lega að íslenskum not­end­um. Þeir sem vilja kynna efni, vörur eða þjón­ustu gagn­vart vel afmörk­uðum hópi fag­manna erlendis ættu samt sem áður að kynna sér Lin­ked­in. Þar má beina aug­lýs­ingum að not­endum eftir hvorki meira en minna en 10 mis­mun­andi breyt­um. Til dæmis má nefna að hægt er að beina aug­lýs­ingum að, not­endum sem starfa innan ákveð­inna iðn­greina, starfa hjá fyr­ir­tækjum af ákveð­inni stærð­argráðu, búa í til­teknu landi eða heims­álfu, eru með ákveðna starfstitla eða sér­þekk­ingu eða útskrif­ast úr til­teknum skólum eða numið  ein­stakar fræði­grein­ar.

Skjá­mynd úr Lin­kedin



linkedin

 

Aug­lýs­ingar eru fjár­fest­ingar



Ef­laust finnst mörgum ástæðu­laust að setja upp mjög ítar­legar skil­grein­ingar fyrir íslenskar aug­lýs­inga­her­ferðir enda er maður býsna fljótur að skil­greina sig niður í afar fámennan hóp. Það er þó gagn­legt að geta haft áhrif á birt­ingar gagn­vart aldri, kyni og búsetu eða verið nokkuð viss um að skila­boðin birt­ast þeim sem svo sann­ar­lega hafa áhuga á þeim eða gagn af þeim. Aug­lýs­ingar eru nefni­lega fjár­fest­ingar sem eiga að skila arð­semi. Mark­viss upp­setn­ing her­ferða og eft­ir­lit með virkni þeirra er því nauð­syn­leg. Til að svara spurn­ing­inni sem sett var í fyr­ir­sögn þess­arar greinar þá er best að aug­lýsa þar sem fjár­fest­ingin skilar sér best til baka og auð­veld­ast er að fylgj­ast með hvernig geng­ur.

Um Jón Heiðar

Höf­undur hefur sér­hæft sig í staf­rænni mark­aðs­setn­ingu og er með AdWords Certification, Hann er mark­aðs­sér­fræð­ingur hjá Advania og rekur ferða­bloggið Stuck in Iceland í frí­stund­um.

 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Inga Sæland
Segir sama gamla spillingarkerfið blómstra sem aldrei fyrr
„Hvenær hættir maður að verða hissa á sérhagsmunagæslunni í pólitík?“ spyr formaður Flokks fólksins.
Kjarninn 5. júní 2020
Leirdalur með Leirdalsvatni og Leirdalsá falla í Geitdalsá. Í Leirdal hugsar Arctic Hydro sér upphafslón Geitdalsárrvirkjunar.
„Nýtt virkjanaáhlaup“ á hálendi Austurlands verði stöðvað
Stjórnvöld þurfa að koma í veg fyrir að hálendi Austurlands verði raskað frekar og standa við fyrirheit sem gefin voru um að þar yrði ekki virkjað meira. Þetta kemur fram í tillögu að ályktun sem lögð verður fyrir aðalfund Landverndar á morgun.
Kjarninn 5. júní 2020
Lilja D. Alfreðsdóttir, mennta- og menningarmálaráðherra.
Ráðherra metur næstu skref með lögmönnum
Mennta- og menningarmálaráðherra fer nú yfir úrskurð kærunefndar jafnréttismála með lögmönnum. Hún segir að ekki hafi skipt máli að Páll Magnússon væri framsóknarmaður.
Kjarninn 5. júní 2020
Komufarþegar munu þurfa að greiða sjálfir fyrir sýnatöku frá 1. júlí.
Komufarþegar greiða 15 þúsund fyrir sýnatöku
Sýnataka á landmærum Íslands verður gjaldfrjáls fyrstu tvær vikurnar en frá 1. júlí munu komufarþegar þurfa að greiða 15 þúsund krónur fyrir rannsóknina.
Kjarninn 5. júní 2020
Óvenjulegur sjómannadagur framundan
Vegna COVID-19 faraldursins verður sjómannadagurinn í ár ólíkur því sem Íslendingar eiga að venjast. Þó verður lágmarksdagskrá víða um land með heiðrunum aldinna sjómanna, minningarathöfnum og veittar verða viðurkenningar fyrir björgunarafrek.
Kjarninn 5. júní 2020
Jane Goodall fór á þrítugsaldri inn í skóga Tansaníu og dvaldi þar lengi í hópi simpansa. Rannsóknir hennar gjörbreyttu þekkingu manna á öðrum dýrategundum.
Mannkynið er „búið að vera“ ef það skiptir ekki um kúrs í kjölfar COVID
„Við erum komin að tímamótum í sambandi okkar við náttúruna,“ segir Jane Goodall sem barist hefur verið náttúruvernd í sex áratugi. Hún segir að nú hafi opnast lítill gluggi til að gera róttækar breytingar svo koma megi í veg fyrir frekari hörmungar.
Kjarninn 5. júní 2020
Lilja D. Alfreðsdóttir og Björn Leví Gunnarsson
„Það eru nákvæmlega svona mál sem halda aftur af Íslandi“
Þingmaður Pírata gagnrýnir ákvarðanir mennta- og menningarmálaráðherra. „Svona mál leiða til lélegri niðurstaðna í öllu sem gerist í framhaldinu af því að hæfasta fólkið er ekki að taka ákvarðanirnar.“
Kjarninn 5. júní 2020
Skiljum ekkert eftir
Skiljum ekkert eftir
Skiljum ekkert eftir – Eldhúsið
Kjarninn 5. júní 2020
Meira úr sama flokkiÁlit
None