Frum­kvöðlar eru frá­bært fólk. Með hátt orku­stig og óbilandi bjart­sýni tekst þeim að sann­færa starfs­fólk og fjár­festa að flykkj­ast með í leið­ang­ur. Leið­angur sem felst í að leysa vanda­mál eða beysla tæki­færi sem skapar virði fyrir not­end­ur. 

Virðir getur falist í meiri lífs­gæð­um, lægra orku­spori, auk­inni skil­virkni, meiri gleði, o.s.frv. 

Og eðli­lega spyrjum við, sem myndum fylgj­enda­hóp frum­kvöðla, hvað er það sem gerir þennan ákveðna leið­angur árang­urs­rík­an. 

Fyrir daga inter­nets­ins var erfitt að selja og mark­aðs­setja vörur frá eylandi. Nú þegar mark­að­setn­ing­ar­lög­málin eru í end­ur­skrifun þá skiptir stað­setn­ing í raun engu máli. Þekk­ing á vöru­leiddum vexti, bestun á leit og sýni­leika á net­inu og skal­an­legt við­skipta­módel sem skapar virði fyrir not­and­ann skipta hins vegar öllu máli. Hjá Amazon er t.d. verk­lagið þannig að ef starfs­maður fær hug­mynd að nýrri vöru þá byrjar hann á því að skrifa frétta­til­kynn­ingu og spurt & svarað fyrir not­endur vör­unnar áður en farið er að vinna í hug­mynd­inni. Þannig er settur algjör fókus á not­and­ann og virðið sem á að skapa fyrir hann. 

Háskól­arnir hafa lagt sitt lóð á vog­ar­skál­arnar með áherslu á mýkri hliðar nýsköp­unar þar sem fók­us­inn er á leið­toga­hæfni og kynn­ingar á við­skipta­hug­mynd­um. Og við sem störfum við fjár­fest­ingar í nýsköpun sjáum áhrif­in. Sterkir leið­togar með skýra sýn á tæki­færið halda hnit­mið­aðar kynn­ingar í fal­legum bygg­ingum fyrir stóran hóp áheyr­enda. 

En þetta er ekki nóg.

Við megum ekki missa sýn á kjarna­tækn­inni og hug­verk­unum sem til þarf til að leysa flókin vanda­mál. Tæknin er kjarn­inn í tækni­fyr­ir­tæki. Færnin í að byggja vöru með sterkan hug­verka­kjarna fæst ekki í gegnum góða leið­toga­hæfni. Hún fæst með því að fá hand­bæra kennslu í und­ir­stöðu­lög­málum raun­vís­inda og hug­tökum stærð­fræð­innar ásamt rök­hugsun sem öll for­ritun byggir á. Án hennar verða allar umbúð­irnar gagns­laus­ar. 

2019 gaf Stjórn­ar­ráðið út Græn­bók um fjár­veit­ingar til Háskóla. Þar sagði: „Hlut­fall háskóla­mennt­aðra sem lokið hefur námi í raun­vís­ind­um, tækni­grein­um, verk­fræði eða stærð­fræði (svoköll­uðum „STEM“ grein­um) er mjög lágt á Íslandi í sam­an­burði við nágranna­rík­in, eða 16% hér á landi en 21% í Nor­egi og Dan­mörku, 26% í Sví­þjóð og 30% í Finn­land­i.” og “Nið­ur­stöður könn­unar Efna­hags- og fram­fara­stofn­un­ar­innar (OECD) á stöðu grunn­skóla­nem­enda (PISA könn­un­in) sýnir að íslenskir nem­endur eru mun verr staddir í læsi á nátt­úru­vís­indi en nem­endur að jafn­aði í ríkjum OECD og að stærð­fræðilæsi hefur hrakað frá árinu 2003.”

Tækni­fjár­festar reyna að spá fyrir um fram­tíð­ina með því að lesa í for­tíð­ina. Og áhrifa síð­ustu 18 ára þar sem stærð­fræðilæsi hefur hrakað statt og stöðugt mun vara inn í fram­tíð­ina. Á sama tíma eru aðrar þjóðir að setja aukna áherslu á raun­vís­inda­mennt­un. 

Er ekki kom­inn tími á aðgerðir til að snúa þess­ari þróun við? Eða hvernig nýsköp­un­ar­fyr­ir­tæki viljum við sjá á sviði næstu árin? 

Höf­undur er með­eig­andi Crowberry Capi­tal.