Liðhlaupar og kosningar

Guðrún Pétursdóttir skrifar um ákvörðun Birgir Þórarinssonar að skipta um flokk innan við tveimur vikum eftir kosningar.

Auglýsing

Ég hef verið ansi hugsi und­an­farna daga og það hefur rifj­ast upp fyrir mér, að þegar ég sótti um skóla­vist í Oxford fyrir mörgum árum, var ein spurn­ingin á inn­töku­próf­inu þessi: Hvor er spillt­ari, sá sem býður mútur eða hinn sem þiggur þær? Svarið var ekki aug­ljóst.

Það er heldur ekki aug­ljóst svarið við spurn­ing­unni um hvor er spillt­ari, lið­hlaup­inn sem svíkur kjós­endur sína áður en blekið er þornað á kjör­bréfi hans og áður en þing hefur svo mikið sem verið kallað sam­an, eða hinn sem býður lið­hlaupann vel­kom­inn í sinn flokk.

Sér­fræð­ingar hafa spek­úlerað mikið um þennan gern­ing og farið út um víðan völl. Þing­menn hafa líka lagt orð í belg um rétt­mæti þess að þing­maður skipti um hest sýn­ist honum svo. Það má færa rök fyrir rétt­mæti þess, ef upp kemur óyf­ir­stíg­an­legur mál­efna­á­grein­ingur á kjör­tíma­bil­inu. En því er ekki að heilsa í þetta sinn. Mér finnst sá gern­ingur sem nú er til umræðu vera alvar­leg og hættu­leg aðför að trausti kjós­enda á fram­boðum og kosn­ing­um. Þar með er vegið að rótum lýð­ræð­is­ins. Það er ekk­ert smá­ræð­i. 

Auglýsing
Ætlar Alþingi virki­lega að láta það við­gang­ast að menn bjóði sig fram fyrir ákveð­inn flokk og heyi kosn­inga­bar­áttu á hans veg­um, en stingi svo af til ann­ars flokks um leið og taln­ingu lýk­ur?  Hvers konar fram­koma er þetta við kjós­end­ur? Getum við nokkurn tím­ann treyst neinum fram­bjóð­endum fram­ar, ef það er látið við­gang­ast að menn beiti þeim brögðum að bjóða sig fram fyrir þann flokk sem er lík­leg­astur til árang­urs fyrir þá sjálfa, en stingi svo umsvifa­laust af yfir í allt annan flokk að kosn­ingum lokn­um, sem tekur þeim opnum örmum eins og ekk­ert sé!? Þetta er með slíkum ein­dæm­um, að lög ná ekki yfir það. Senni­lega hefur engum dottið í hug að svona lagað gæti gerst.

Ég furða mig á lág­kúru Sjálf­stæð­is­flokks­ins að taka við þessum ósann­sögla lið­hlaupa. Það er ekki eins og hegðun og mál­flutn­ingur Birgis Þór­ar­ins­sonar séu lík­leg til auka veg flokks­ins, - þvert á móti. Sjálf­stæð­is­flokk­ur­inn ger­ist sam­sekur í ömur­legum gern­ingi og verður ábyrgur fyrir mál­flutn­ingi Birgis Þór­ar­ins­son­ar, sem til þessa hefur á Alþingi afneitað vís­indum og verið drag­bítur á mannúð og mann­rétt­indi. Hann er óvenju­lega forn­eskju­legur í skoð­unum – ekki beint það sem Sjálf­stæð­is­flokk­inn vant­ar. Birgir virð­ist halda að hann sigli undir seglum kristn­inn­ar, en það sem til hans hefur sést und­an­farna daga getur varla talist hákrist­ið: vís­vit­andi svik við kjós­endur og síðan ósann­sögli um stuðn­ing vara­þing­manns síns. Svona fengur hefur til þessa kall­ast ódráttur í minni sveit.

Ég heyri Jón Helga­son rymja sinni rámu rödd:

Ef allt þetta fólk fær í gull­sölum himn­anna gist

sem gerir sér mat úr að nugga sér utan í Krist,

þá hlýtur sú spurn­ing að vakna hvort mik­ils sé misst

ef maður að síð­ustu lendir í annarri vist.

Höf­undur er pró­fessor emerit­us.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Rauða kjötið: Áætlunin sem á að bjarga Boris
Pólitísk framtíð Boris Johnson er um margt óljós eftir að hann baðst afsökunar á að hafa verið viðstaddur garðveislu í Downingstræti í maí 2020 þegar útgöngubann vegna COVID-19 var í gildi. „Rauða kjötið“ nefnist áætlun sem á að halda Johnson í embætti.
Kjarninn 17. janúar 2022
Þórhildur Sunna Ævarsdóttir þingmaður Pírata.
Spurði forsætisráðherra út í bréfið til Kára
Þingmaður Pírata spurði forsætisráðherra á þingi í dag hver tilgangurinn með bréfi hennar til forstjóra ÍE hefði verið og hvers vegna hún tjáði sig um afstöðu sína gagnvart úrskurði Persónuverndar við forstjóra fyrirtækisins sem úrskurðurinn fjallaði um.
Kjarninn 17. janúar 2022
Mun meira kynbundið ofbeldi í útgöngubanni
Þrátt fyrir að útgöngubann auki verulega líkur á ofbeldi gagnvart konum og transfólki hefur málaflokkurinn fengið lítið sem ekkert fjármagn í aðgerðum stjórnvalda víða um heim til að bregðast við afleiðingar heimsfaraldursins.
Kjarninn 17. janúar 2022
Heimild til að slíta félögum sett í lög 2016 – Fyrsta tilkynning send út 2022
Fyrir helgi sendi Skatturinn í fyrsta sinn út tilkynningar til 58 félaga sem hafa ekki skilað inn ársreikningum þar sem boðuð eru slit á þeim. Lögin voru sett árið 2016 en ráðherra undirritaði ekki reglugerð sem virkjaði slitaákvæðið fyrr í haust.
Kjarninn 17. janúar 2022
Umfjallanir um liprunarbréf Jakobs Frímanns og „Karlmennskuspjallið“ ekki brot á siðareglum
Hvorki DV né 24.is brutu gegn siðareglum Blaðamannafélags Íslands með umfjöllunum sínum um Jakob Frímann Magnússon annars vegar og „Karlmennskuspjallið“ hins vegar.
Kjarninn 17. janúar 2022
Greiðslubyrðin svipuð og fyrir faraldurinn
Í kjölfar mikilla vaxtalækkana hjá Seðlabankanum lækkuðu afborganir af húsnæðislánum til muna. Þessi lækkun er nú að miklu leyti gengin til baka, þar sem bæði húsnæðisverð og vextir hafa hækkað á undanförnum mánuðum.
Kjarninn 17. janúar 2022
Ármann Kr. Ólafsson hefur verið oddviti Sjálfstæðisflokksins í Kópavogi og bæjarstjóri frá árinu 2012.
Ármann ætlar ekki að gefa kost á sér til endurkjörs í Kópavogi
Ármann Kr. Ólafsson oddviti Sjálfstæðisflokksins og bæjarstjóri í Kópavogi frá árinu 2012 ætlar ekki að sækjast eftir endurkjöri í sveitarstjórnarkosningunum í maí.
Kjarninn 17. janúar 2022
Það að skipa stjórn yfir Landspítala var á meðal mála sem stjórnarflokkarnir náðu saman um í nýjum stjórnarsáttmála.
Sjö manna stjórn yfir Landspítala verði skipuð til tveggja ára í senn
Skipunartími stjórnarmanna í nýrri stjórn Landspítala verður einungis tvö ár, samkvæmt nýjum frumvarpsdrögum. Talið er mikilvægt að hægt verði að skipa ört í stjórnina fólk sem hefur sérþekkingu á þeim verkefnum sem Landspítali tekst á við hverju sinni.
Kjarninn 17. janúar 2022
Meira úr sama flokkiAðsendar greinar