Okk­ur, stofn­endum nýs fyr­ir­tækis á hópeflis- og liðs­heild­ar­mark­aðn­um, er það hjart­ans mál að leið­rétta mis­notk­un­ina á hug­tak­inu hópefli.

Í okkar huga er hópefli hug­tak yfir liðs­heild­ar­vinnu sem byggir á kenn­ingum um reynslu­nám. Nám í þeim skiln­ingi felur í sér að draga lær­dóm af reynslu undir hand­leiðslu sér­fræð­inga til að öðl­ast aukna færni sem hópein­ing. Dýpt lær­dóms­ins veltur að miklu leyti á hversu krefj­andi hópeflið er, hve hæfir leið­bein­endur eru og hve mót­tæki­legir þátt­tak­endur eru fyrir ferl­ið. Þarna drögum við fram lyk­il­orð: reynslu­nám, lær­dóm­ur, hand­leiðsla, sér­fræð­ing­ar, hópein­ing. Efumst um að sum fyr­ir­tæki sem segj­ast bjóða upp á hópefli hafi nokkurn tím­ann heyrt þessi hug­tök nefnd. Alla­vega ekki í sam­hengi við hópefli.

Raun­veru­legt hópefli er byggt upp eins og nám; með mark­mið og ætl­aða nið­ur­stöðu. Raun­veru­legt hópefli er skipu­lagt og fram­kvæmt af leið­bein­endum sem hafa reynslu af hóp­þró­un­ar­vinnu og þekk­ingu á hóp­þró­un­ar­fræð­um. Trú­verð­ugra tel ég að í ofan á lag hafi leið­bein­endur reynslu af stjórnun mannauðs, ekki bara sem sprelli­gos­ar.

Flestir þekkja klisj­una: "Mannauð­ur­inn er mik­il­væg­asta auð­lind fyr­ir­tæk­is­ins”. Ef þessi klisja er sönn þá hlýtur að skipta gíf­ur­legu máli hvernig þessi auð­lind starfar. Að sjálf­sögðu er búið að rann­saka trilljón sinnum hvað skiptir mestu máli til að mannauð­ur­inn skili sem mestri fram­legð. Þar á blaði kemur oft fram starfs­á­nægja, mórall, sam­skipti við sam­starfs­fólk eða vinnu­staða­menn­ing. Jafn­vel á undan launa­kjör­um. Hugs­an­lega eru þessar stað­reyndir ástæðan fyrir því að allt of margir eru farnir að tala um hópefli til að lokka til sín við­skipti. Vit­neskjan um mik­il­vægi ánægðs starfs­fólks og góðrar sam­vinnu er í loft­inu.

Þó það kunni að vera gaman að fara saman í keilu, bíó, á djam­mið, lasertag eða hlaupa um bæinn með hár­kollu þá leiðir sú afþrey­ing ekki endi­lega af sér aukna starfs­á­nægju eða betri vinnu­staða­menn­ingu. Kannski er það ekki mark­miðið og von­andi ekki, enda afþrey­ingin sem var nefnd ágætis afþrey­ing. En köllum afþr­ey­ing­una ekki hópefli af því að það hljómar vel. Köllum afþr­ey­ingu bara áfram afþr­ey­ingu en ruglum henni ekki saman við hópefli.

Höf­undar eru stofn­endur Úthópía ehf.