Þar sem nátt­úru­vernd­ar­rökin virð­ast því miður ekki duga á alla skulum við staldra við og kanna nánar Sil­icor Mater­i­als sem sam­starfs­að­ila út frá mark­aðslög­mál­un­um.

Sil­icor Ma­ter­i­als hefur farið stórum orðum um mikla upp­bygg­ingu á risa­verk­smiðju í Hval­firð­in­um.  Þeir segj­ast ætla að fjár­festa fyrir tugi millj­arða og skapa hund­ruði starfa, lofa nýrri tækni sem á ekk­ert að menga og vera ein­stök í heim­in­um.  En hvað og hverjir er á bak við stóru orð­in?

Stað­reyndin er sú að Sil­icor Ma­ter­i­als ­sem áður hét Calisol­ar hefur áður verið með miklar yfir­lýs­ingar um stór áform sem síðan ekk­ert hefur orðið úr.  Í Miss­issippi fylki átti að skapa hund­ruði starfa og fjár­festa fyrir tugi millj­arða en ekk­ert varð úr því frekar en í Ohio fylki þar sem Sil­icor Mater­i­als sem hét þá Calisolar hafði farið af stað með svipuð lof­orð skömmu áður.  Í báðum til­fellum voru þar­lend yfir­völd búin að eyða miklum tíma og fjár­munum í að und­ir­búa sam­starfið enda í góðri trú um að í vændum væri mikil fjár­fest­ing og atvinnu­upp­bygg­ing.

Erum við, Íslend­ingar núna þriðji aðil­inn á fáum árum sem látum draga okkur á asna­eyr­um?

Við hljótum að spyrja okkur af hverju hefur gengið svona brösu­lega hjá Sil­icor/Calisor til þessa?  Ein­föld google leit á Sil­icor Mater­i­als og Calisolar vekur upp marg­vís­legar spurn­ingar um trú­verðu­leika Sil­icor Mater­i­als og þeirra áform. Hafa ­yf­ir­völd hér á landi í Hval­fjarð­ar­sveit og/eða Faxa­flóa­hafnir rætt við kollega sína í Lowndes sýsl­unni í Miss­issippi um þeirra reynslu.

Joe Max Higg­ins, for­stjóri Col­umbus Lowndes Develop­ment Link, hafði þetta um Sil­icor Mater­i­als að segja í sam­tali við þar­lenda fjöl­miðla eftir að þeir hættu við áform sín í Miss­issippi:

„Við skiljum ein­fald­lega ekki hvernig ein­hver sem seg­ist ætla að ráð­ast í fram­kvæmdir fyrir rúm­lega 200 millj­ónir doll­ara eigi í erf­ið­leikum með að leggja fram 150 þús­und dali í vörslufé fyrir tvo mik­il­væga eindaga.“

Ég skil það ekki held­ur!?

Ef tækninýj­ung­arnar eru eins magn­aðar og for­svar­menn Sil­icor Mater­i­als vilja sjálfir meina af hverju eru þá ekki nú þegar stórir fjár­festar búnir að fjár­festa í félag­inu og tryggja fram­gang þess?  Af hverju er Sil­icor að leita log­andi ljósi að fjár­fest­u­m/lán­veit­endum á Ísland­i.  Lána­kjör á Íslandi eru mun verri heldur bjóð­ast núna á evru­svæð­inu eða í Norð­ur­-Am­er­íku þar sem vextir eru í sögu­legu lág­marki.

Getur ein­fald­lega verið að sökum þess að heims­mark­aðs­verð á sól­ar­kísil hefur hríð­lækkað und­an­farin 10 ár að við­skipta­módel Sil­icor Mater­i­als gangi ekki upp­?  Það er marg­sannað að fyr­ir­tæki verða að geta staðið á eigin fótum til lengri tíma án fyr­ir­greiðslu frá hinu opin­bera eða með aðrar íviln­an­ir.   Ég vona svo sann­ar­lega að inn­lendir fjár­festar skoði þessi mál gaum­gæfu­lega áður en lengra er haldið ekki síst þar sem erlendir grein­endur eru flestir sam­mála um að verðið á sól­ar­kísil muni halda áfram að lækka eða hald­ast lágt næstu árin sökum gríð­ar­legrar fram­boðs­aukn­ingar og mun ódýr­ari fram­leiðslu­að­ferð­um.   Það er mjög algengt að "nýjasta" tæknin er orðin úreld áður en hún lítur dags­ins ljós.  Hver hefur sann­reynt að svo sé ekki í þessu til­felli?

Fyrr á öldum köst­uðu for­feður okkar ljótum fiski aftur fyrir borð þó að hér bjuggu þá flestir við sult. Í dag hristum við haus­inn yfir þess­ari vit­leysu.  Sagan end­ur­tekur sig nema núna erum við að kasta einni helstu nátt­úruperlu okk­ar, Hval­firð­inum fyrir borð fyrir eitt stykki stór­iðju.

Það væri senni­lega með verri dílum Íslands­sög­unn­ar.

Höf­undur er for­stjóri WOW Air.