Krist­inn Karl Brynjars­son

Fyrrum stjórn­ar­flokk­ar, Sam­fylk­ing og Vinstri græn­ir, tala nú fyrir því og krefj­ast þess að for­gangs­raðað sé í þágu grunn­þjón­ustu. Eitt­hvað lítið fór fyrir slíkri for­gangs­röðun hjá þessu fólki er það sat í rík­is­stjórn.

Reyndar stóðu menn lengst af blóð­ugir upp fyrir axlir í nið­ur­skurði í vel­ferðar og heil­brigð­is­málum á valda­tíma hinnar nor­rænu vel­ferð­ar­stjórn­ar. Á meðan stóðu svo fjár­hirslur rík­is­ins galopnar fyrir eft­ir­lits­iðn­að­inn umhverf­is­mál, menn­ingu, utan­rík­is­mál og ýmis félags­mál. Eða í flest annað en heil­brigðis og vel­ferð­ar­mál.

Farið var í stórt atvinnu­átak, að mati þáver­andi stjórn­valda. Átak sem að mestu gekk út á það að tvö­falda fram­lög til lista­manna­launa. Fram­lög til Vatna­jök­uls­þjóð­garðs voru svo aukin um 498%.

Banka­sýsla rík­is­ins og Fjöl­miðla­nefnd eru svo dæmi í um nýjar stofn­anir frá síð­asta kjör­tíma­bili, með tak­mark­aða gagn­semi, en sjálf­virka útgjalda­aukn­ingu ár frá ári.

Á meðan allt þetta gekk á var gríð­ar­legur halli á fjár­lög­um. Jafn­vel mun meiri halli en fjár­lög gerðu ráð fyr­ir. Árin 2010 og 2011 var hall­inn 40 millj­örðum meiri , hvort ár, en fjár­lög þess­ara ára gerðu ráð fyr­ir.

Það var ekki fyrr en í fjár­lögum 2013 (kosn­inga­fjár­lögum vel­ferð­ar­stjórn­ar­inn­ar) sem að heil­brigðis og vel­ferð­ar­mál, nutu ein­hverrar náðar vel­ferð­ar­stjórn­ar­innar nor­rænu, með auknum fjár­fram­lög­um.

Á því eina og hálfa ári sem núver­andi rík­is­stjórn hefur verið við völd, hafa fram­lög til heil­brigð­is­mála auk­ist um ca. 20%, að teknu til­liti til verð­lags­breyt­inga. Sam­hliða því sem rík­is­sjóður hefur verið rek­inn með afgangi. Svo miklum að á yfir­stand­andi ári er afkoma rík­is­sjóðs 40 millj­örðum betri en fjár­lög gerðu ráð fyr­ir.

Það má því alveg segja það um þá félaga í Sam­fylk­ingu og Vinstri græn­um, að þeim láti það best að krefj­ast þess af öðrum að for­gangs­raða fjár­munum almenn­ings í þágu þeirra mála­flokka er við getum flest öll verið sam­mála um að þeim sé for­gangs­raðað í.

Enda virð­ast þessir tveir flokk­ar, sem á tylli­dögum kenna sig við, jöfn­uð, vel­ferð og rétt­læti, ekki vera færir um annað en að for­gangs­raða fjár­munum í þágu eigin vin­sælda.

Höf­undur er verka­maður og á sæti í fram­kvæmda­stjórn verka­lýðs­ráðs Sjálf­stæð­is­flokks­ins.