Sig­mundur Davíð Gunn­laugs­son for­sæt­is­ráð­herra tjáði sig um vand­ræð­i Illuga Gunn­ars­son­ar, mennta- og menn­ing­ar­mála­ráð­herra í rík­is­stjórn hans, í tíu­fréttum RÚV í gær. Þar sagð­ist hann ekki skilja hvað Ill­ugi hefði gert rangt og að tengsl ráð­herr­ans við Orku Energy hefðu engin áhrif á setu Ill­uga í rík­is­stjórn­. Illugi neydd­ist til að selja íbúð sína vegna fjár­hags­vand­ræða og fékk vin sin, Hauk Harð­ar­son, til að kaupa hana og leigja sér síðan til baka. Haukur er stjórn­ar­for­maður Orku Energy, félags sem Ill­ugi starf­aði stutt­lega fyrir sem ráð­gjafi á árinu 2009 þegar hann var í leyfi frá þing­störf­um. Ill­ugi hefur legið undir ámæli um að hafa gert Hauki við­skipta­lega greiða með því að opna fyrir hann við­skipta­legar dyr í Kína sem ráð­herra.

Í bak­her­berg­inu þótti mörgum þessi orð for­sæt­is­ráð­herra athygl­is­verð í ljósi eigin orða í við­tali við Frétta­blaðið 21. febr­úar 2009, mán­uði eftir að hann var kjör­inn for­maður Fram­sókn­ar­flokks­ins. ­Fyr­ir­sögn við­tals­ins var: „Nán­ast nei­kvætt að eiga pen­inga“.

Þar sagði núver­andi for­sæt­is­ráð­herra meðal ann­ars að það að tengja hann við fólk sem ætti pen­inga, til dæmis kon­una hans, þætti nóg til að koma á hann höggi. Sig­mundur Davíð rakti síðan að fjöl­skylda eig­in­konu hans, Önnu S. Páls­dótt­ur, hefði byggt upp fyr­ir­tækið P. Sam­ú­els­son, umboðs­að­ila Toyota og fleiri bif­reiða­merkja á Íslandi, á 40 árum áður en það var selt til Magn­úsar Krist­ins­sonar í lok árs 2005 fyrir um sjö millj­arða króna. Fyr­ir­tækið hefði verið vel rekið og ekki hluti af loft­bólu­hag­kerf­inu sem var fyrir hrun. Þess vegna ætti eig­in­kona hans að vera stolt af sínum auði.

Síðan sagði Sig­mundur Dav­íð: „Hvað mig varðar þá er þetta líka ágætt. Ég er í ágætu skjóli svo lengi sem konan mín gefst ekki upp á mér, ég fæ þá að borða og menn þurfa ekki að hafa áhyggjur af því að það sé hægt að ná til mín með fyr­ir­greiðslu eða ég þurfi að setja mig í þá stöðu að ég skuldi mönnum greiða. Ég er því frjáls til að fylgja ein­göngu skoð­unum mínum og beita mér jafn­vel hart fyrir þeim.“

Sig­mundur Davíð hafði því þá skoðun að það væri ekki hægt að ná til hans „með fyr­ir­greiðslu eða ég þurfi að setja mig í þá stöðu að ég skuldi mönnum greiða“ vegna þess að hann ætti svo mikla pen­inga. En hann hefur ekki áhyggjur af því að pen­inga­leysi hafi mögu­lega sett Ill­uga, ráð­herra í rík­is­stjórn hans, í nákvæm­lega þá stöðu.