Mor­an­bong er ein allra vin­sælasta hljóm­sveitin í Norð­ur­-Kóreu, og hún skaust á ný í sviðs­ljós vest­rænna fjöl­miðla í gær þegar sagt var frá því að fyr­ir­hug­aðri tón­leika­ferð Mor­an­bong í Kína hefði verið aflýst á síð­ustu stund­u. 

Hljóm­sveit­in, sem er ein­göngu skipuð kon­um, var mætt til Pek­ing og hafði verið þar í nokkra daga, og meðal ann­ars æft fyrir tón­leik­ana. Með í för var rík­is­kór N-Kóreu. Svo allt í einu sáust með­limir hljóm­sveit­ar­innar stíga út úr rútu á flug­velli í Pek­ing í gær, og flugu aftur til Pjongj­ang. Þetta var nokkrum klukku­stundum áður en fyrstu tón­leikar þeirra á erlendri grundu áttu að fara fram. 

Áætl­unin var að halda þrenna tón­leika í Kína í því skyni að bæta tengslin á milli ríkj­anna tveggja. Vin­áttu­tón­leikar áttu þetta að vera. Þær voru kvaddar með form­legum hætti af hátt­settum ráða­mönnum og sendi­herra Kína. 

Breskir og banda­rískir fjöl­miðlar hafa kallað ferða­lagið Spice Girls alþjóða­sam­skipti, með til­vísun í bresku stúlkna­sveit­ina frægu. Rík­is­fjöl­mið­ill­inn í Norð­ur­-Kóreu, KCNA, greindi frá ferða­lagi hljóm­sveit­ar­innar og kórs­ins og sagði heim­inn nú ein­blína á heim­sókn­ina til Kína. Það var kannski helst til sterkt til orða tek­ið, en það er alveg rétt að fjöl­margir fjöl­miðlar sýndu ferða­lag­inu áhuga. 

Kína hefur löngum verið eini banda­maður Norð­ur­-Kóreu, en tengslin á milli hafa verið stirð und­an­farin ár. Ekki síst hefur það átt við eftir kjarn­orku­til­raunir Norð­ur­-Kóreu­manna und­an­farin ár. 

Þykja jafn­vel vest­rænar - og klæða sig á íhalds­sam­an, kyn­þokka­fullan hátt

Sagan segir að Kim Jong-un, leið­togi Norð­ur­-Kóreu, hafi sjálfur hand­valið með­limi hljóm­sveit­ar­inn­ar. Þær spila allar á hljóð­færi, venju­lega er sveitin með 12 hljóð­færi, auk þess sem þær syngja. 

Hljóm­sveitin þykir vest­ræn að sumu leyti, að minnsta kosti í sam­an­burð­in­um. Hægt er að horfa á flesta slag­ara þeirra á Youtu­be, þær eru með Face­book-­síðu, og þær hafa spilað vest­ræna tón­list í bland við hefð­bundna kóreska tón­list og áróð­urs­söngva. Það er til að mynda frægt að þær spil­uðu þema­lagið úr Rocky á einum tón­leik­um, eins og sjá má hér að neð­an. 

Þá hafa með­lim­irnir þótt nokkuð ögrandi, með hár­greiðslur sem eru óhefð­bundnar í N-Kóreu og í stuttum pils­um. Fjöl­miðlar hafa kallað klæða­burð­inn íhalds­samt kyn­þokka­full­an. Þær eru af mörgum taldar tísku­fyr­ir­myndir í Pjongj­ang, en þessir þættir hafa hins vegar verið tón­aðir niður und­an­far­ið. 

Sögu­sagnir um hvarf 

Eins og oft í Norð­ur­-Kóreu fóru á sveim háværar sögur þegar svo virt­ist sem að stúlkna­bandið hefði horfið af yfir­borði jarðar í sum­ar. Því var velt upp hvort hljóm­sveit­in, sem Kim Jong-un hafði haldið svo mikið upp á, hefði fallið úr náð­inni. Í tvo mán­uði var mikið rætt um það hvar þær væru, og hvort þær hefðu hrein­lega verið hreins­aðar burt, teknar af lífi. Svo allt í einu, í byrjun sept­em­ber, komu þær á stórum tón­leikum í Pjongj­ang. Og þær höfðu hreint ekki fallið úr náð­inni hjá Kim, sem var mættur á tón­leika með sendi­nefnd frá Kúbu með sér. 

Og nú hurfu þær frá Kína

Engin skýr­ing var gefin á þessum óvæntu breyt­ing­um. Tel­egraph segir að kín­verskur blaða­maður hafi velt því upp að hljóm­sveitin hafi neitað að koma fram eftir að hafa verið beðin um að breyta söng­text­um. Engin opin­ber skýr­ing er þó komin fram. DPA frétta­stofan segir að ein kenn­ingin sé að stjórn­völd í Norð­ur­-Kóreu hafi móðg­ast yfir fréttum í fjöl­miðlum um að aðal­sprautan í band­inu, Hyon Song Wol, sé fyrr­ver­andi kærasta leið­tog­ans Kim. NK News segir það ljóst að með þessu muni van­traust kín­verskra stjórn­valda í garð kollega sinna í N-Kóreu aukast. En svo er auð­vitað spurn­ingin hversu miklu máli þessi „Spice Girls alþjóða­sam­skipti“ skiptu í raun.