Bygging á Alþingisreit alfarið á forræði þingsins

Jólakort forsætisráðherra.
Jólakort forsætisráðherra.
Auglýsing

Ákvörðun um nýbygg­ingar á Alþing­is­reitnum er á for­ræði Alþingis en ekki for­sæt­is­ráðu­neyt­is­ins eða rík­is­stjórn­ar­inn­ar. Það er for­sætis­nefnd sem hefur tekið ákvarð­anir um þessi mál fyrir hönd þings­ins. Þetta stað­festir Einar K. Guð­finns­son, for­seti Alþing­is, í sam­tali við Kjarn­ann. 

Nefndin hefur þegar tekið fyrstu skrefin í átt að bygg­ingu skrif­stofu­bygg­ingar á Alþing­is­reitnum svo­kall­aða. Það er gert með því að láta vinna frum­at­hugun vegna fyr­ir­hug­aðrar bygg­ingar í sam­vinnu við Fram­kvæmda­sýslu rík­is­ins. Hall­dóra Víf­ils­dótt­ir, for­stjóri Fram­kvæmda­sýslu rík­is­ins, stað­festir einnig í svari við fyr­ir­spurn Kjarn­ans að slík frum­at­hugun sé haf­in. 

Í frum­at­hug­un­inni er ekk­ert kveðið á um að taka skuli til­lit til teikn­inga Guð­jóns Sam­ú­els­son­ar, eins og Sig­mundur Davíð Gunn­laugs­son for­sæt­is­ráð­herra hefur ítrekað lýst yfir að sé hans vilji. Í fjár­lögum fyrir næsta ár er tekið fram að „við und­ir­bún­ing fram­kvæmda skal hafa hlið­sjón af þeim áformum sem uppi voru um upp­bygg­ingu á Alþing­is­r­eignum full­veld­is­árið 1918, sbr. fyr­ir­liggj­andi teikn­ingar Guð­jóns Sam­ú­els­sonar fyrr­ver­andi húsa­meist­ara rík­is­ins.“ 

Auglýsing

Skýrt ferli í opin­berum fram­kvæmdum - for­sæt­is­ráðu­neyti kemur hvergi nærri

Sér­stök lög gilda um skipan opin­berra fram­kvæmda á Íslandi, og nýbygg­ing við Alþingi fellur undir þau lög. Sam­kvæmt þessum lögum „skiptast opin­berar fram­kvæmdir í fjóra skýrt afmark­aða áfanga sem þarf að fram­kvæma og ljúka og leggja að því búnu fyrir sam­starfs­nefnd um opin­berar fram­kvæmdir (SOF) og fjár­mála­ráðu­neyti til sam­þykktar áður en heim­ilt er að hefja und­ir­bún­ing næsta áfanga,“ segir Hall­dóra í svari til Kjarn­ans um ferlið sem á sér stað. 

Frum­at­hug­unin sem nú á sér stað er fyrsti áfang­inn. Svo kemur áætl­ana­gerð, verk­leg fram­kvæmd og skila­mat. 

For­sæt­is­ráðu­neytið kemur hvergi nærri þessu ferli, heldur er það fjár­mála­ráðu­neytið sem fer með fram­kvæmd laga og yfir­stjórn opin­berra fram­kvæmda. Fjár­mála­ráðu­neyti til ráð­gjafar er svo fyrr­nefnd sam­starfs­nefnd um opin­berar fram­kvæmd­ir, en í henni sitja for­maður fjár­laga­nefndar Alþingis eða full­trúi til­nefndur af fjár­laga­nefnd, for­stjóri Fram­kvæmda­sýslu rík­is­ins og ráðu­neyt­is­stjóri í fjár­mála­ráðu­neyt­in­u. 

Teikning Guðjóns Samúelssonar.

Ekk­ert verið rætt um að skil­yrða við Guð­jón Sam­ú­els­son

Sem fyrr segir kemur ekk­ert fram um það í frum­at­hug­un­ar­vinn­unni að taka eigi til­lit til teikn­inga Guð­jóns Sam­ú­els­son­ar. Einar segir í sam­tali við Kjarn­ann að slíkt myndi ekki koma til athug­unar fyrr en á seinni stigum máls­ins. 

Næsta skref að lok­inni frum­at­hugun væri að ráð­ast í hönn­un­ar­sam­keppni, og Einar segir að í allri vinnu for­sætis­nefndar hafi verið gert ráð fyrir því að slík keppni yrði hald­in. Spurður um það hvort það hafi komið til álita að skil­yrða slíka keppni með ein­hverjum hætti þannig að taka þyrfti til­lit til teikn­inga Guð­jóns segir Einar að for­sætis­nefnd hafi ekki rætt það. 

Stein­grímur J. Sig­fús­son, þing­maður VG og full­trúi flokks­ins í for­sætis­nefnd, sagði fyrir jólin að hann vissi ekki betur en að í for­sætis­nefnd sé „full­komin sam­staða“ um að hafa að engu skil­yrð­ing­una um Guð­jón Sam­ú­els­son, sem sett var inn í fjár­laga­frum­varpið við þriðju umræð­u. 

Það er bara alger­lega á hreinu að í for­sætis­nefnd hefur aldrei verið einu sinni til umræðu að skil­yrða þá hönn­un­ar­sam­keppni við eitt­hvað af þessu tagi enda ekki til siðs. Þar verða venju­legir skil­málar á ferð um að gæta að umhverf­inu og aðstæðum á bygg­ing­ar­reitnum og annað ekki. Það verður ekki talað um næstum 100 ára gamlar skissur frá Guð­jóni Sam­ú­els­syni í því sam­bandi, með fullri virð­ingu þó fyrir hon­um, enda voru þau áform barn síns tíma. Það hús átti að rísa á allt öðrum stað og til­heyrir næstum að segja annarri öld og bók­staf­lega lík­a,“ sagði hann. 



„Skemmti­legt inn­legg“ segir Bjarni, en ekki end­an­leg nið­ur­staða

Bjarni Bene­dikts­son fjár­mála­ráð­herra var einnig spurður um „áhuga­mál Sig­mundar Dav­íðs“ í þætt­inum Sprengisandi á Bylgj­unni fyrir jól­in, og um bygg­ingar á lóð þings­ins. „Bygg­ing Alþingis er á for­ræði þings­ins og það á margt eftir að ger­ast áður en það hús rís. Eigum við ekki að segja að þetta sé skemmti­legt inn­legg í þá umræðu, að hafa þetta með til hlið­sjónar hvort þessar teikn­ingar geti orðið að gagn­i,“ sagði hann um mál­ið. Hann sagði aðal­málið að reisa nýja bygg­ingu. For­sæt­is­ráð­herra hefði komið með athygl­is­vert inn­legg og frum­kvæði með teikn­ingu Guð­jóns, en „það hefur ekki verið gefið grænt ljós á að það verði end­an­leg nið­ur­staða.“ 

Til­efnið 100 ára afmæli full­veldis

Sú hug­mynd að nota 100 ára gamlar teikn­ingar Guð­jóns Sam­ú­els­sonar við bygg­ingu skrif­stofu­hús­næðis fyrir Alþingi var fyrst viðruð opin­ber­lega af Sig­mundi Davíð Gunn­laugs­syni í vor. Þann 1. apríl greindi Frétta­blaðið frá því að rík­is­stjórnin hefði afgreitt þings­á­lykt­un­ar­til­lögu um að byggð yrði við­bygg­ing við Alþingi eftir hönnun Guð­jóns að til­lögu for­sæt­is­ráð­herr­ans. Til­efnið var hvernig minn­ast eigi ald­ar­af­mælis full­veldis Íslands, sem verður árið 2018. 

Málið vakti strax gríð­ar­lega athygli og héldu margir að um apr­ílgabb Frétta­blaðs­ins væri að ræða. Svo var ekki. 

Þings­á­lykt­un­ar­til­lagan er þó ekki enn komin inn í þing­ið. Í fjár­laga­frum­varp­inu sem Bjarni Bene­dikts­son lagði fram í haust var gert ráð fyrir 100 millj­óna króna fram­lagi í stofn­kostnað vegna fram­kvæmda á Alþing­is­reit. Fyrir þriðju umræðu kom inn breyt­ing­ar­til­laga frá meiri­hluta fjár­laga­nefndar þar sem lagt var til að fram­lagið yrði 75 millj­ónir og að teikn­ingar Guð­jóns yrðu hafðar til hlið­sjón­ar. Fram að því hafði ekki verið rætt um slíka skil­yrð­ing­u. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Boris Johnson var í kvöld lagður inn á spítala í London.
Boris Johnson lagður inn á spítala
Boris Johnson forsætisráðherra Bretlands hefur verið lagður inn á spítala í London til skoðunar, en hann hefur verið með „þrálát einkenni“ COVID-19 sýkingar allt frá því að hann greindist með veiruna fyrir tíu dögum síðan.
Kjarninn 5. apríl 2020
Virði veðsettra bréfa dróst saman um 30 milljarða í mars
Heildarvirði allra félaga sem skráð eru á aðallista Kauphallar Íslands og First North markaðinn dróst saman um 184 milljarða króna á fyrstu þremur mánuðum ársins 2020.
Kjarninn 5. apríl 2020
Söngvaskáld gefur út Skrifstofuplöntu
Söngvaskáldið Sveinn Guðmundsson safnar fyrir útgáfu nýrrar plötu á Karolina Fund.
Kjarninn 5. apríl 2020
Frá Ísafirði. Þar og í Bolungarvík eru hertar sóttvarnaráðstafanir einnig áfram í gildi.
Hertar aðgerðir á Suðureyri, Flateyri, Þingeyri og í Súðavík
Rétt eins og á Ísafirði og í Bolungarvík hefur nú verið ákveðið að loka leik- og grunnskólum í minni bæjum á norðanverðum Vestfjörðum á meðan smitrakning nýrra smita á svæðinu stendur yfir.
Kjarninn 5. apríl 2020
Einar Helgason
Gömlum frethólki svarað
Kjarninn 5. apríl 2020
Ellefu sjúklingar liggja nú á gjörgæsludeild vegna COVID-19
Fólki í sóttkví fjölgar á ný
Í dag eru 1.054 einstaklingar með virk COVID-19 smit en í gær voru þeir 1.017. Alls er 428 manns batnað.
Kjarninn 5. apríl 2020
Þorgerður Katrín Gunnarsdóttir, formaður Viðreisnar.
„Við þurfum að skuldsetja ríkissjóð verulega“
Fulltrúar stjórnarandstöðuflokkanna kvörtuðu undan samráðsleysi af hálfu ríkisstjórnarinnar í Silfrinu í morgun og sögðust telja að stjórnvöld þyrftu að bæta verulega í hvað varðar efnahagsleg viðbrögð við heimsfaraldrinum.
Kjarninn 5. apríl 2020
Hugfangin af jöklum og kvikunni sem kraumar undir
Hún gekk í geimbúningi á Vatnajökli og er með gasgrímu og öryggishjálm til taks í vinnunni. Hún heldur sig þó heima þessa dagana enda „verður maður að hugsa um landlækni,“ segir eldfjallafræðingurinn Helga Kristín Torfadóttir, dóttir Ölmu Möller.
Kjarninn 5. apríl 2020
Meira eftir höfundinnÞórunn Elísabet Bogadóttir
Meira úr sama flokkiFréttaskýringar
None