Umfang „Fyrstu fasteignar“ gæti orðið 13 milljarðar, ekki 50

Greining sem unnin var fyrir stjórnvöld sýnir að þátttaka í „Fyrstu Fasteign“ getur orðið mun minni en kynning þeirra á úrræðinu gaf til kynna. Greiningin sýndi einnig að heildarumfangið geti orðið mun minna og að skattaafsláttur 1/3 af því sem kynnt var.

Bjarni Benediktsson og Sigurður Ingi Jóhannsson kynntu aðgerðirnar á mánudag.
Bjarni Benediktsson og Sigurður Ingi Jóhannsson kynntu aðgerðirnar á mánudag.
Auglýsing

Fjöldi þeirra sem nýtir sér nýja leið rík­is­stjórn­ar­innar til að greiða sér­eign­ar­sparnað inn á fyrstu íbúð, sem kall­ast „Fyrsta Fast­eign“, gæti orðið allt niður í 4.300 manns. Umfang aðgerð­anna yrði þá ein­ungis 13 millj­arðar króna og veittur afsláttur af skatt­greiðslum um fimm millj­arðar króna. Þetta kemur fram í grein­ar­gerð með frum­varpi til laga um stuðn­ing til kaupa á fyrstu íbúð. 

Í kynn­ing­unni sem rík­is­stjórnin hélt á úrræð­inu í Hörpu á mánu­dag kom fram að hún vænti þess að 14 þús­und manns myndu taka þátt í úrræð­inu, að umfang aðgerð­anna yrði um 50 millj­arðar króna og að hið opin­bera myndi gefa eftir 15 millj­arða króna í fram­tíð­ar­skatt­tekjur vegna þeirra. 

Tekju­hærri miklu lík­legri til að eiga sér­eign­ar­sparnað

Fyr­ir­tækið Ana­lyt­ica gerði grein­ingu um vænta nýt­ingu sér­eign­ar­sparn­aðar fyrir stjórn­völd þegar vinna við frum­varpið stóð yfir. Hún byggi á gögnum úr skatt­fram­tölum fyrir tekju­árið 2015 og var úrtakið miðað við laun­þegar sem voru með launa­tekjur en áttu ekki fast­eign. Ana­lyt­ica fram­reikn­aði svo launa­tekj­urnar fram til árs­ins 2016 miðað við launa­breyt­ingar í stað­greiðslu­gögnum og flokk­aði loks eftir hjú­skap­ar­stöðu, aldri með­al­launum og með­al­fjár­hæð sparn­aðar í sér­eign og því hvort að við­kom­andi væri að greiða í sér­eign eða ekki.

Auglýsing

Úr kynningu stjórnvalda á „Fyrstu Fasteign“.Í grein­ar­gerð frum­varps­ins segir að með­al­tekjur þeirra sem spara í sér­eign er umtals­vert hærri en hjá þeim sem gera það ekki. Náms­menn voru dregnir út úr úrtak­inu þar sem þeir voru „al­mennt ekki taldir hafa sama fjár­hags­legt svig­rúm til sparn­að­ar.“

Því liggur fyr­ir, sam­kvæmt grein­ing­unni, að þeir sem geta frekar nýtt sér sér­eign­ar­leið­ina sem kynnt var fyrir fyrstu fast­eign­ar­kaup­endur eru þeir sem hafa hærri tekjur og eru þar með lík­legri til að taka þátt í sér­eign­ar­sparn­aði.

Upp­hafin mynd af úrræði kynnt í Hörpu

Í kynn­ing­unni á aðgerð­inni í Hörpu á mánu­dag var sagt að búist væri við að hún myndi skila 50 millj­örðum króna í beinar inn­greiðslur á íbúða­lán af sér­eign­ar­sparn­aði næsta ára­tug­inn. Áætlað tekju­tap hins opin­bera, rík­is­sjóðs og sveit­ar­fé­laga, var sagt vera 1,5 millj­arður króna á ári, eða 15 millj­arðar króna á næsta ára­tug á meðan að úrræðið á að gilda. Þá var einnig sagt að búist væri við að 14 þús­und manns myndu taka þátt í úrræð­inu á fyrstu árum þess og að um tvö þús­und nýir þátt­tak­endur gætu bæst við á ári.

Í grein­ar­gerð frum­varps til laga um stuðn­ing til kaupa á fyrstu íbúð kemur fram að grein­ing Ana­lyt­ica hafi ekki sýnt stöð­una svona klippta og skorna.

Þátt­taka gæti orðið mun minni

Þar segir að sé miðað við sviðs­myndir fyr­ir­tæk­is­ins, sem byggja á fjölda fólks sem nú er á ald­urs­bil­inu 20-49 ára og á ekki fast­eign (sá hópur er tal­inn lík­leg­astur til að nýta sér sér­eign­ar­sparn­að­ar­úr­ræð­ið), megi búast við því að úrræðið gæti náð til 4.300 til 15.200 laun­þega og að þeir geti sparað árlega í sér­eign 1,3 til 5,2 millj­arða króna. Það þýðir að inn­greiðslur á íbúða­lán af sér­eign­ar­sparn­aði næstu tíu árin verði á bil­inu 13 til 52 millj­arðar króna. Árlegt tekju­tap rík­is­sjóðs og sveit­ar­fé­laga yrði þá á bil­inu 500 millj­ónir króna til 2.000 millj­ónir króna, eða fimm til 20 millj­arðar króna á tíu ára tíma­bili.

Ljóst er að rík­is­stjórnin hefur því valið þær tölur sem sýndar voru í kynn­ing­unni á mánu­dag: 50 millj­arða króna nið­ur­greiðslur á lán­um, 14 þús­und manns sem myndu taka þátt og 15 millj­arða króna skatta­eft­ir­gjöf hins opin­bera, úr efri mörkum grein­ingar Ana­lyt­ica.

Ef neðstu mörk grein­ing­ar­innar yrðu að veru­leika myndu nefni­lega 4.300 manns nýta sér úrræð­ið, það myndi skila 13 millj­örðum króna inn­greiðslum á íbúða­lán af sér­eign­ar­sparn­aði næsta ára­tug­inn og skatta­eft­ir­gjöf hins opin­bera yrði fimm millj­arðar króna.

Leið­rétt­ingin verður ekki 150 millj­arðar

Þegar útfærsla Leið­rétt­ing­ar­innar var kynnt í Hörpu í mars 2014 var sagt að aðgerðin myndi leiða til þess að hús­næð­is­lán Íslend­inga myndu lækka um 150 millj­arða króna. Þar af áttu 80 millj­arðar króna að koma í beinar nið­ur­greiðslu úr rík­is­sjóði á höf­uð­stól hús­næð­is­lána þeirra sem voru með verð­tryggð hús­næð­is­lán á árunum 2008 og 2009 og höfðu ekki full­nýtt önnur skulda­úr­ræði. 70 millj­arðar króna áttu hins vegar að koma í formi þess að Íslend­ingar myndu nota sér­eign­ar­líf­eyr­is­sparnað sinn til að greiða niður hús­næð­is­lán. Þetta átti að ger­ast á þremur árum, frá miðju ári 2014 og fram á mitt næsta ár. Nú þegar ⅔ hluti þess tíma­bils er liðin hafa leið­rétt­inga­pen­ing­arnir úr rík­is­sjóði sann­ar­lega verið greiddir út. En nýt­ing á sér­eign­ar­sparn­aði til að greiða niður hús­næð­is­lán er langt frá því sem hún átti að vera.

Íslend­ingar hafa sam­tals greitt sér­­­eign­­ar­­sparnað upp á 23,3 millj­­arða króna inn á hús­næð­is­lán sín frá miðju ári 2014 og fram til júlí­mán­aðar 2016. Til við­bótar hafa 520 millj­ónir króna af sér­eign­ar­sparn­aði verið not­aðar sem útborgun vegna hús­næð­is­kaupa. Þeir sem not­færa sér  þá leið hafa reyndar til 30. júní 2019 til að nýta sér­eign­ar­sparnað sinn í fyrsta fast­eign en miðað við þátt­töku í leið­inni hingað til er ljóst að ekki er um mjög stóran hóp að ræða.

Ríkið og sveit­­ar­­fé­lög hafa veitt þeim hópi sem þetta hefur gert sam­tals 9,2 millj­arða króna í skatta­af­slátt. Sam­kvæmt grófu mati hefur sér­eign­ar­sparn­aði verið ráð­stafað inn á um 37 þús­und lán. Því er veru­lega ólík­legt er að áætlun stjórn­valda, um að 70 millj­arðar króna af sér­eign­ar­sparn­aði fari til nið­ur­greiðslu hús­næð­is­lána fyrir mitt næsta ár, gangi eft­ir. Sú tala stendur nú, þegar ⅔ hluti tíma­bils­ins er lið­inn, í sam­tals 23,8 millj­örðum króna.

Í ljósi þessa má ætla að nýt­ing yngra fólks á úrræð­inu sem kynnt var á mánu­dag geti orðið mun minni en gert var ráð fyrir í kynn­ingu stjórn­valda á því.

Athuga­semd frá Sig­urði Má Jóns­syni, upp­lýs­inga­full­trúa rík­is­stjórn­ar­inn­ar, birt klukkan 16:53:

„Í frétt Kjarn­ans í dag er því haldið fram að í kynn­ingu for­sæt­is­ráð­herra og fjár­mála- og efna­hags­ráð­herra um sér­eign­ar­sparnað sl. mánu­dag hafi rík­is­stjórnin valið þær tölur um vænta þátt­töku í úrræð­inu sem eru í efri mörkum töl­fræði­grein­ing­ar. Þetta er rangt. Í kynn­ing­unni er not­ast við tölur úrgrunn­til­viki í töflu 1 í frum­varpi til laga um stuðn­ing til kaupa á fyrstu íbúð. Í grunn­til­viki er vænt nýt­ing þeirra laun­þega fyrir utan náms­menn sem ekki eiga fast­eign 13.830 manns. Þátt­töku­hlut­fallið í grunn­til­vik­inu er 40% af þeim sem spara nú þegar í sér­eign og 38% af þeim sem spara ekki í sér­eign eins og fram kemur í frum­varp­inu. Töl­fræði­grein­ingin er byggð á skatt­fram­tölum og núver­andi nýt­ingu sér­eign­ar­sparn­að­ar. Grunn­til­vikið er metið það lík­leg­asta en síðan eru reiknuð út frá­vik frá þessu grunn­til­vik­i. “

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hoppuðu áfram eftir að heimsfaraldurinn skall á
Nýsköpunarfyrirtækið Kara Connect fékk óvæntan meðbyr þegar heimsfaraldurinn fór að geisa og ætlar að nýta sér aðstæðurnar til þess að vaxa hraðar en áætlað var. Þorbjörg Helga Vigfúsdóttir framkvæmdastjóri Köru Connect ræddi við Kjarnann.
Kjarninn 30. maí 2020
Leiðtogar ríkisstjórnar Íslands.
34 milljarðar króna í að viðhalda störfum en 27 milljarðar króna í að eyða þeim
Hlutabótaleiðin mun líkast til kosta 45 sinnum meira en upphaflega var lagt upp með. Hún hefur, að mati ríkisendurskoðunar, verið misnotuð á margan hátt til að ná út fé úr ríkissjóði. Nú býðst sömu fyrirtækjum sem hana nýttu ríkisstyrkir til að reka fólk.
Kjarninn 30. maí 2020
Stækkuð og lituð mynd af frumu (bleikur litur) sem er verulega sýkt af SARS-CoV-2 veirunni (grænn litur).
„Eins og líkaminn væri vígvöllur“
Það er varla annað hægt en að bera óttablandna virðingu fyrir lífveru sem hefur eignast tugmilljónir afkomenda um allan heim á nokkrum mánuðum, segir mannerfðafræðingurinn Agnar Helgason sem sjálfur smitaðist og hefur teiknað upp ættartré veirunnar.
Kjarninn 29. maí 2020
Yfir 4.000 manns hafa látist í Svíþjóð vegna COVID-19. Flest hafa smitin verið í höfuðborginni Stokkhólmi.
Skilja Svíþjóð út undan
Landamæri Danmerkur og Noregs að Svíþjóð verða ekki opnuð um miðjan júní. Þau verða hins vegar opnuð gagnvart Íslandi. Utanríkisráðherra Svíþjóðar segir ákvörðunina pólitíska – ekki vísindalega.
Kjarninn 29. maí 2020
Kolbeinn Óttarsson Proppé var framsögumaður frumvarpsins í stjórnskipunar- og eftirlitsnefnd.
Upplýsingalögum verður ekki breytt í takt við vilja Samtaka atvinnulífsins
Umfjöllun um frumvarp forsætisráðherra um breytingar á upplýsingalögum, þar sem átti að gera það skylt að leita upplýsinga hjá þriðja aðila, hefur verið hætt af stjórnskipunar- og eftirlitsnefnd. Það mun því að óbreyttu ekki verða að lögum.
Kjarninn 29. maí 2020
Starfsfólk Icelandair taki á sig 10 prósent launaskerðingu
Icelandair hefur óskað eftir því að starfsfólk fyrirtækisins taki á sig 10 prósent launaskerðingu eða 10 prósent skert starfshlutfall í júní og júlí. Laun forstjóra og stjórnar munu skerðast sem og laun framkvæmdastjóra.
Kjarninn 29. maí 2020
Pottersen
Pottersen
Pottersen – 36. þáttur: Á flótta og í felum
Kjarninn 29. maí 2020
Um 500 skólar í Suður-Kóreu hafa frestað því að hefja starfsemi á ný vegna fjölgun smita undanfarna daga.
Suður-Kórea stígur skref til baka
Fjölgun nýrra smita í Suður-Kóreu síðustu daga þykir sýna þá hættu sem getur skapast þegar takmörkunum á samkomum fólks er aflétt. Yfirvöld hafa aftur gripið til aðgerða til að hefta útbreiðslu veirunnar.
Kjarninn 29. maí 2020
Meira eftir höfundinnÞórður Snær Júlíusson
Meira úr sama flokkiFréttaskýringar
None