Ríkisstjórnin ósammála um framtíð Reykjavíkurflugvallar

Jón Gunnarsson segir að Reykjavíkurflugvöllur eigi að vera áfram í Vatnsmýrinni. Hann hefur áður sagst fylgjandi því að taka jafnvel skipulagsvald af Reykjavík. Ráðherrar Viðreisnar og Bjartrar framtíðar eru á öndverðu meiði.

Vantsmýri
Auglýsing

Ráð­herrar Við­reisnar og Bjartrar fram­tíðar eru á þeirri skoðun að skipu­lags­vald yfir Vatns­mýr­inni, og þar með Reykja­vík­ur­flug­velli, eigi að liggja hjá Reykja­vík­ur­borg, sam­kvæmt heim­ildum Kjarn­ans. Eng­inn vilji er hjá þeim að víkja frá fyr­ir­liggj­andi stefnu til að tryggja veru Reykja­vík­ur­flug­vallar í Vatns­mýr­inni til fram­búð­ar. Þessi afstaða stang­ast á við skoðun nýs ráð­herra sam­göngu­mála í rík­is­stjórn Sjálf­stæð­is­flokks, Við­reisnar og Bjartrar fram­tíð­ar, Jóns Gunn­ars­son­ar. Hann segir við Vísi að eng­inn önnur lausn sé í stöð­unni en að Reykja­vík­ur­flug­völlur verði áfram í Vatns­mýr­inni.

Fylgj­andi því að skerða jafn­vel skipu­lags­vald Reykja­víkur

Í stefnu­yf­ir­lýs­ingu nýrrar rík­is­stjórn­ar, sem birt var í gær, kemur fram að rík­is­stjórnin muni „beita sér fyrir lausn á ára­tuga­deilu um fram­tíð Reykja­vík­ur­flug­vallar með því að stofna til form­legra við­ræðna sam­göngu­yf­ir­valda, heil­brigð­is­yf­ir­valda, Reykja­vík­ur­borg­ar, ann­arra sveit­ar­fé­laga og hags­muna­að­ila. Tekin verði ákvörðun um fyr­ir­liggj­andi kosti að und­an­gengnu mati og inn­viðir inn­an­lands- og sjúkra­flugs þannig tryggðir til fram­tíð­ar.“

Efn­is­greinin er mjög loðin og opin til túlk­un­ar. Sam­kvæmt heim­ildum Kjarn­ans var það með vilja gert, enda alls ekki ein­ing innan rík­is­stjórn­ar­innar þegar kemur að mál­efnum Reykja­vík­ur­flug­vall­ar.

Auglýsing

Jón Gunn­ars­son, sem fer með sam­göngu­mál í nýrri rík­is­stjórn og þar með mál­efni inn­an­lands­flug, hefur verið ein­arður stuðn­ings­maður þess að flug­völl­ur­inn verði áfram í Vatns­mýr­inni og þjón­usta hans verði byggð þar upp.

Í sept­em­ber síð­ast­liðnum var Jón einn þeirra 25 þing­manna sem lögðu fram þings­á­lykt­un­ar­til­lögu um þjóð­ar­at­kvæða­greiðslu um fram­tíð Reykja­vík­ur­flug­vall­ar. Alls stóðu sjö þing­menn Sjálf­stæð­is­flokks að til­lög­unni ásamt þing­mönnum Fram­sókn­ar­flokk, tveimur þing­mönnum Vinstri grænna (Lilju Raf­ney Magn­ús­dóttur og Ögmundi Jónassyni) og Krist­jáni L. Möller úr Sam­fylk­ingu. Tólf af þeim 25 þing­mönnum sem lögðu til­lög­una fram sitja ekki lengur á þingi.

Jón blogg­aði á vef­síðu sína um til­lög­una þegar hún var lögð fram. Þar sagði m.a.: „Því miður hafa borg­ar­yf­ir­völd ekki hlustað á vilja þings né þjóðar í þessu mik­il­væga máli og því er ein­boðið að gera þeim grein fyrir því að ekki verður áfram haldið á sömu braut.[...]Í öllum skoð­ana­könn­unum hefur stór meiri­hluti lands­manna og borg­ar­búa lýst þeirri skoðun sinni að völlur verði stað­settur áfram í Reykja­vík. Hug­myndin um þjóð­ar­at­kvæða­greiðslu er til­komin til að treysta grunn Alþing­is­manna til að taka jafn­vel ákvörðun sem skerðir skipu­lags­vald sveit­ar­fé­laga.“

Ótt­arr segir Reykja­vík vera í rétti

Ekki hefur verið ein­hugur um hvort að mið­stöð inn­an­lands­flugs verði áfram í Vatns­mýr­inni í Reykja­vík eða verði færð ann­að. Reykja­vík­ur­borg hefur lengi viljað að flug­völl­ur­inn verði færður svo hægt sé að byggja í Vatns­mýr­inni og þétta þar með höf­uð­borg­ina. Um sér að ræða verð­mætasta bygg­ing­ar­landið innan marka hennar sem sé auk þess afar mik­il­vægt fyrir þróun henn­ar.

Sam­kvæmt sam­göngu­á­ætlun er gert ráð fyrir að flug­völl­ur­inn verði þar sem hann er til 2022 en aðal­skipu­lag Reykja­vík­ur­borgar gerir ráð fyrir að hann víki í áföngum eftir það ár. Í fyrra­sumar komst Hæsti­réttur Íslands að þeirri nið­ur­stöðu að íslenska ríkið þurfi að standa við sam­komu­lag sitt við Reykja­vík­ur­borg um loka norð­aust­­ur/suð­vest­­ur­-flug­braut­inni, sem stundum er kölluð neyð­­ar­braut­in, á Reykja­vík­ur­flug­velli. Þings­á­lykt­un­ar­til­lagan um þjóð­ar­at­kvæða­greiðsl­una var lögð fram í kjöl­far­ið.

Einn þeirra flokka sem stýrir Reykja­vík­ur­borg um þessar mundir er Björt fram­tíð. Ótt­arr Proppé, for­maður Bjartrar fram­tíð­ar, sat áður í borg­ar­stjórn þegar Besti flokk­ur­inn og Sam­fylk­ing mynd­uðu meiri­hluta á árunum 2010-2014 og hefur margoft tjáð sig um það opin­ber­lega. Í þing­ræðu sem hann hélt um mál­efni Reykja­vík­ur­flug­vallar í sept­em­ber 2013 sagði Ótt­arr m.a.: „Það er ekki bara réttur borg­ar­innar heldur skylda að setja fram aðal­skipu­lag þar sem eru fram­tíð­ar­lausnir, fram­tíð­ar­hugsun í skipu­lagi borg­ar­svæð­is­ins. Við höfum margoft heyrt það í umræð­unni að stað­setn­ing Reykja­vík­ur­flug­vallar hafi ýtt á dreifða byggð sem hefur margt nei­kvætt í för með sér fyrir borg­ina. Við skulum ekki gleyma því að það búa 20 þús. manns fyrir vestan flug­völl­inn og það eru líka Íslend­ing­ar. Það er ekki fólk af annarri teg­und en fólk sem býr úti á land­i.“

Í þing­ræðu 11. febr­úar 2014, þar sem rætt var um fram­lagt frum­varp um að taka skipu­lags­valdið í Vatns­mýr­inni af Reykja­vík­ur­borg sagði Ótt­arr: „Mér finnst sú leið að taka mjög skýrt vald og ábyrgð sveit­ar­fé­lag­anna í sér­stöku til­viki af einu sveit­ar­fé­lagi á land­inu til þess að tryggja skoðun sem virt­ist ekki vera póli­tískt vin­sæl í við­kom­andi sveit­ar­fé­lagi mjög stór aðgerð, og kannski ekki endi­lega sú eina rétta til þess að fá þá nið­ur­stöðu að umræða yrði meðal fleiri sem koma að ákvörðun um stöðu eða stað­setn­ingu Reykja­vík­ur­flug­vall­ar.“

Við­mæl­endur Kjarn­ans innan Við­reisnar taka undir þessa skoð­un. Ekki komi til greina að taka skipu­lags­valdið af Reykja­vík­ur­borg til að tryggja veru flug­vall­ar­ins í Vatns­mýr­inni.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Um þessar mundir eru fáir á ferli við Brandenborgarhliðið.
Evrópa opnar á ný
Frá og með 15. júní mun stór hluti íbúa Evrópu geta ferðast til annarra landa álfunar. Útgöngubann í Bretlandi líður senn undir lok. Danir í fjarsambandi geta hitt ástvini á ný.
Kjarninn 26. maí 2020
Indriði H. Þorláksson
Veirumolar – Súkkulaði fyrir sykurfíkla
Kjarninn 26. maí 2020
Ferðaþjónustufyrirtæki þurfa að vera búin undir smit meðal viðskiptavina
Öll ferðaþjónustufyrirtæki verða að vera undir það búin að takast á við smit meðal viðskiptavina sinna og þess verður að krefjast að allir aðilar geri viðbragðsáætlanir. Þetta kemur fram í skýrslu um framkvæmd skimunar meðal erlendra ferðamanna.
Kjarninn 26. maí 2020
Þuríður Lilja Rósenbergsdóttir
Velferðarkennsla og jákvæð sálfræði, af hverju?
Kjarninn 26. maí 2020
Sjúkrastofnanir telja „verulega áhættu“ felast í opnun landsins fyrir ferðamennsku
Bæði Landspítali og Sjúkrahúsið á Akureyri telja áhættu felast í opnun landsins með skimunum. Farsóttarnefnd Landspítala telur skimun einkennalausra ferðamanna takmarkað úrræði og að líklegra en ekki sé að einhverjir komi hingað smitaðir.
Kjarninn 26. maí 2020
Bæta þarf aðstöðu sýkla- og veirufræðideildar Landspítalans, alveg óháð skimun á ferðamönnum.
Veirufræðideildin getur aðeins unnið 500 sýni á dag
Í skýrslu verkefnisstjórnar um undirbúning framkvæmdar vegna sýnatöku og greiningar á COVID-19 meðal farþega sem koma til landsins kemur fram að verkefnið sé framkvæmanlegt en að leysa þurfi úr mörgum verkþáttum áður en hægt verður að hefjast handa.
Kjarninn 26. maí 2020
Fjármálastefna, fjármálaáætlun og fjármálafrumvarp lögð fram samhliða í haust
Viðræður standa yfir milli stjórnar og stjórnarandstöðu hvernig haga skuli þingstörfum á næstunni. Ríkisstjórnin hefur samþykkt frumvarp fjármála- og efnahagsráðherra um breytingar á lögum um opinber fjármál.
Kjarninn 26. maí 2020
Eiríkur Rögnvaldsson
Flokkun fólks eftir málfari
Kjarninn 26. maí 2020
Meira eftir höfundinnÞórður Snær Júlíusson
Meira úr sama flokkiFréttaskýringar
None