Niðurstaða komin í plastbarkamálið í Svíþjóð

Paolo Macchiarini verður ekki ákærður fyrir manndráp af gáleysi. Fyrsti sjúklingurinn sem hann framkvæmdi plastbarkaaðgerð á Karolinska-sjúkrahúsinu var á vegum íslenskra heilbrigðisyfirvalda.

Paolo Macchiarini
Paolo Macchiarini
Auglýsing

Paolo Macchi­ar­ini, ítalski skurð­lækn­ir­inn sem græddi plast­barka í þrjá ein­stak­linga á Karol­inska-­sjúkra­hús­inu, verður ekki ákærður fyrir mann­dráp af gáleysi. Þetta eru nið­ur­stöður sænskra dóm­stóla sem birtar voru í gær­morg­un. Macchar­ini var sá eini sem hafði stöðu sak­born­ings í þessu umdeilda máli. Rann­sóknin tók ein­göngu til þeirra aðgerða sem fram­kvæmdar voru á Karol­inska-­sjúkra­hús­inu. Fyrsti sjúk­ling­ur­inn til að und­ir­gang­ast slíka aðgerð var Eretr­íu­mað­ur­inn Andemariam Beyene sem var á vegum íslenskra heil­brigð­is­yf­ir­valda og var sendur af þeim til­rauna­að­gerð­ina. Áður hafði Macci­har­ini gert aðgerðir með barka úr látnum gjöfum sem allar mistók­ust.

Sak­sókn­arar komust að þeirri nið­ur­stöðu að ekki væru nægar sann­anir til að krefj­ast sak­fell­ingar Macchi­ar­ini á dauða BeyeneMacci­har­ini hafi þó sýnt mikla van­rækslu, eins og And­ers Tor­dai, sak­sókn­ari orð­aði það. Macci­har­ini græddi einnig plast­barka á árunum 2011-2013 í tvo aðra ein­stak­linga, Banda­ríkja­mann og konu frá Tyrk­landi en allar aðrar ákærur verða látnar niður falla og rann­sóknir á mál­unum sömu­leið­is. Dóms­nið­ur­stöður ná ekki til vís­inda­legra þátta í þessu máli.

Til­rauna­að­gerðir á fólki 

Andemariam Beyene var greindur með ill­kynja æxli í hálsi og eftir að meinið hafði tekið sig upp var talið að engin hefð­bundin með­ferð myndi gagn­ast honum og hann því sendur í plast­barka­ígræðsl­una til að lengja líf hans. Anemariam Beyene voru gefnar vonir um að geta lifað í átta ár með plast­bark­ann en hann lifði tæp þrjú ár. Innan við ári eftir til­rauna­að­gerð­ina var búið að setja stoð­net í plast­barka hans til að önd­un­ar­veg­ur­inn félli ekki saman þar sem aðgerðin mistókst. Sú aðgerð var gerð í Sví­þjóð og var Macci­har­ini við­staddur hana. Beyene var illa hald­inn og leið kvalir síð­asta árið, eftir því sem eig­in­kona hans hefur lýst í þætti Bosse Lindquists í sænska sjón­varp­inu.

Auglýsing

Aðgerðin á Beyene var til­rauna­að­gerð og ekk­ert sem lá fyrir um að hún myndi heppn­ast. Þessi nýstár­lega aðgerð byggð­ist á með­höndlun plast­barka sem var bað­aður í stofn­frumum sem ein­angr­aðar höfðu verið úr sjúk­lingnum í um 36 klst. og átti þetta að leiða til mynd­unar önd­un­ar­færa­vefs í bark­an­um. Þar með átti bark­inn að vera sveigj­an­leg­ur,og því sem næst eðli­leg­ur.  Hann ætti jafn­framt að starfa eðli­lega. 

Kostn­að­ur­inn við aðgerð­ina hefur ekki feng­ist upp­gef­inn en Trygg­inga­stofnun  rík­is­ins segir að aðgerðin sjálf hafi ekki verið greidd af þeim. Eins og fram kom í grein í Kjarn­anum hafði Macchar­ini ekki stað­fest til­skilin leyfi, hvorki til að nota plast­bark­ann né að gera aðgerð­ina og hann hafði heldur ekki gert þær til­raunir á dýrum sem hann full­yrti að hann hefði gert áður en hann gerði aðgerð á lif­andi ein­stak­lingi. 

„Við Íslend­ingar verðum að skoða vel okkar eigin aðkomu að þessu máli“

„Við verðum að hafa í huga að hér er um að ræða mjög alvar­legt mál sem felur í sér grun um óboð­lega og lífs­hættu­lega lækn­is­með­ferð, rann­sóknir á fólki þar sem ekki var gætt til­hlýði­legrar var­úðar og jafn­framt ásak­anir um mis­ferli eða jafn­vel svik í rann­sóknum sem hafa hugs­an­lega haft alvar­legar afleið­ingar og jafn­vel leitt til þess að fjöldi manns hefur lát­ist. Þetta mál teygir anga sína til fjöl­margra landa og er mjög flók­ið,“ segir Ástríður Stef­áns­dótt­ir, læknir og dós­ent í hag­nýtri sið­fræði.

Vís­indasið­fræði­legur þáttur þess­ara aðgerða hefur verið harð­lega gagn­rýndur en rann­sókn hefur staðið yfir hér á landi á vegum Land­spít­ala og Háskóla Íslands og er Páll Hreins­son hæsta­rétt­ar­dóm­ari for­maður nefnd­ar­innar sem vinnur að henni. Í grein í hinu virta lækn­is­fræði­tíma­riti Lancet voru jákvæðar nið­ur­stöður aðgerð­ar­innar á fyrsta sjúk­lingn­um, Beyene, sem fékk ígrædd­an plast­parka kynntar en greinin var svokölluð „Proof of concept“-grein sem þýðir að nið­ur­stöð­urnar ráða miklu um hvort um fram­hald verður að ræða  eða ekki. Frek­ari aðgerð­ir Macci­har­ini byggðu á meintum jákvæðum nið­ur­stöðum sem kynntar voru í Lancet-­grein­inni. Tveir íslenskir læknar eru með­höf­undar grein­ar­innar og hafa þeir hafa báðir óskað eftir að nöfn þeirra verði fjar­lægð af ­grein­inn­i en ekki fengið það sam­þykkt.

Vil­hjálmur Árna­son, pró­fessor í heim­speki við HÍ, sagði í við­tali við Kjarn­anní fyrra að Íslend­ingar þurfi að ræða þær sið­ferði­legu spurn­ingar sem þessi til­rauna­með­ferð veki. Vil­hjálmur sagði jafn­framt: „Sú umræða þarf bæði að snú­ast um breytni heil­brigð­is­starfs­manna og þau kerfi eða ferli sem við búum yfir til að hafa eft­ir­lit með með­ferð og rann­sókn­um. Þetta þarf að gera óháð því hverjar nið­ur­stöð­ur rann­sókn­ar­máls­ins um ábyrgð ein­stakra starf­manna eða stofn­ana verða. Þetta er hörmu­legt mál þar sem virð­ist hafa verið brotið gegn grund­vall­ar­at­riðum í vís­indasið­ferð­i.“ 

Rann­sókn­ar­nefndin á vegum Land­spít­ala og Háskóla Íslands mun senda frá sér skýrslu um þetta mál á næstu vik­um.

140 þúsund Evrópubúar skrifa undir áskorun gegn laxeldi í opnum sjókvíum
Nú hafa tæplega 140 þúsund manns víðs vegar úr Evrópu skrifað undir áskorun um að laxeldi í opnum sjókvíum verið hætt við Ísland, Noreg, Skotland og Írland.
Kjarninn 17. júní 2019
Fjórir umsækjendur um starf seðlabankastjóra metnir mjög vel hæfir
Forsætisráðherra mun að lokum skipa seðlabankastjóra.
Kjarninn 16. júní 2019
Karolina Fund: Flammeus - „The Yellow“
Akureyringur safnar fyrir plötu.
Kjarninn 16. júní 2019
Listi yfir fyrirtæki án jafnlaunavottunar birtur í lok árs
Einungis 2,8 prósent fyrirtækja með 25-89 starfsmenn hafa hlotið jafnlaunavottun enn sem komið er.
Kjarninn 16. júní 2019
Samskiptaforritum  hefur fjölgað hratt á síðustu árum.
SMS skilaboðum fjölgaði í fyrsta sinn í mörg ár
Þrátt fyrir stóraukna samkeppni frá öðrum stafrænum samskiptaforritum þá fjölgaði SMS skilaboðasendinum sem send voru innan íslenska farsímakerfisins í fyrra. Það var í fyrsta sinn frá 2012 sem slíkt gerist.
Kjarninn 16. júní 2019
Sjálfstæði Grænlands mun verða
Hin 22 ára Aki-Matilda Høegh-Dam er grænlenskur sjálfstæðissinni og komst inn á danskt þing í nýafstöðnum kosningum.
Kjarninn 16. júní 2019
Klikkið
Klikkið
Klikkið - Viðtal við Söndru Sif Jónsdóttur
Kjarninn 16. júní 2019
Dýrasta málverk í heimi fundið
Hver er rétti staðurinn fyrir dýrasta málverk sem selt hefur verið á uppboði? Flestir myndu kannski svara: safn. Kaupandinn, sem borgaði jafngildi 56 milljarða íslenskra króna fyrir verkið, valdi annan stað fyrir þetta verðmæta skilirí.
Kjarninn 16. júní 2019
Meira úr sama flokkiFréttaskýringar