Fjármagnstekjuskattur verður hækkaður og fæðingarorlof lengt

Í stjórnarsáttmála verðandi ríkisstjórnar kemur fram að það eigi að stofna stöðugleikasjóð og gera hvítbók um endurskipulagningu fjármálakerfisins. Málefni Seðlabankans verða áfram í forsætisráðuneytinu og nefnd skipuð um endurskoðun stjórnarskrár.

Katrín Jakobsdóttir, formaður Vinstri grænna, verður næsti forsætisráðherra þjóðarinnar ef stjórnarsáttmálinn verður samþykktur á morgun.
Katrín Jakobsdóttir, formaður Vinstri grænna, verður næsti forsætisráðherra þjóðarinnar ef stjórnarsáttmálinn verður samþykktur á morgun.
Auglýsing

Fjár­magnstekju­skattur verður hækk­að­ur, hvít­bók verður skrifuð um end­ur­skipu­lagn­ingu fjár­mála­kerf­is­ins, fæð­ing­ar­or­lof lengt og greiðslur til þeirra sem það taka hækk­að­ar, komu- og brott­far­ar­gjöld verða lögð á og gistin­átta­gjald mun renna óskert til sveit­ar­fé­laga. Stofn­aður verður stöð­ug­leika­sjóð­ur, sem kall­aður verður Þjóð­ar­sjóð­ur, og skip­aðar þverpóli­tískar nefndir um end­ur­skoðun á stjórn­ar­skrá og um hvort þurfi að end­ur­skoða útlend­inga­lög­in. Þetta eru á meðal þeirra atriða sem er að finna í stjórn­ar­sátt­mála verð­andi rík­is­stjórnar Katrínar Jak­obs­dótt­ur, sam­kvæmt heim­ildum Kjarn­ans.

Það vekur athygli að í þeim sátt­mála sem kynntur hefur verið þing­mönnum verð­andi stjórn­ar­flokka er ekk­ert minnst á ramma­á­ætl­un, sem var deilu­mál milli for­manna flokk­anna þriggja sem standa að rík­is­stjórn­inni á meðan að við­ræður þeirra stóðu yfir. Þar er heldur ekk­ert fjallað um hvort og þá hvernig eigi að ráð­stafa því fé sem nú liggur í bönkum í eigu rík­is­ins og sumir við­mæl­endur Kjarn­ans sem hafa séð sátt­mál­ann telja að það vanti mjög upp á að þær tekju­öfl­un­ar­leiðir sem röt­uðu í hann dugi fyrir þeirri útgjalda­aukn­ingu sem stefnt er að.

Seðla­banka­mál verða hjá Katrínu

Sátt­mál­inn verður lagður fyrir flokks­stofn­anir Sjálf­stæð­is­flokks, Fram­sókn­ar­flokks og Vinstri grænna á morg­un. Vinstri græn munu svo halda þing­flokks­fund á fimmtu­dags­morgun verði hann sam­þykktur þar sem gerð verður nán­ari grein fyrir ráð­herra­skipan flokks­ins og annarri verka­skipt­ingu rík­is­stjórn­ar­inn­ar. Síðan er gert ráð fyrir að rík­is­ráðs­fundur verði hald­inn síð­degis á fimmtu­dag og nýja rík­is­stjórnin taki þá við.

Auglýsing

Enn liggur ekki nið­ur­neglt fyrir hvaða flokkur fær hvaða ráðu­neyti en sam­komu­lag ríkir um að Sjálf­stæð­is­flokk­ur­inn fái fimm ráðu­neyti, Fram­sókn­ar­flokk­ur­inn þrjú og Vinstri græn þrjú auk þess sem búist er við því að Stein­grímur J. Sig­fús­son verði for­seti Alþing­is.

Katrín verður for­sæt­is­ráð­herra og nær öruggt er að Bjarni Bene­dikts­son verði fjár­mála­ráð­herra. Eitt af þeim málum sem tek­ist var á um í við­ræðum flokk­anna þriggja var hvar mál­efni Seðla­banka Íslands ættu að vera en nú liggur fyrir að þau verða áfram í for­sæt­is­ráðu­neyt­inu. Katrín mun því skipa næsta seðla­banka­stjóra, en skip­un­ar­tími Más Guð­munds­sonar rennur út á kjör­tíma­bil­inu.

Þjóð­ar­sjóður verður til

Þær tekju­öfl­un­ar­leiðir sem m.a. er minnst á í sátt­mál­anum eru hækkun fjár­magnstekju­skatts sem á að skila 2,5 millj­örðum króna á ári í rík­is­kass­ann. Þá á að leggja á komu- og brott­far­ar­gjöld í stað þess að hækka virð­is­auka­skatt á ferða­þjón­ustu, líkt og síð­asta rík­is­stjórn ætl­aði að gera. Gistin­átta­gjald á að renna óskipt til sveit­ar­fé­laga og vera ákveðið hlut­fall af kostn­aði við gist­ingu. Þannig greiði þeir sem vilji lúx­us­gist­ingu fleiri krónur í gjaldið en þeir sem kjósi að gista í tjaldi á tjald­svæði.

Bjarni Benediktsson og Sigurður Ingi Jóhannsson hafa lokið viðræðum við Katrínu Jakobsdóttur um myndun ríkisstjórnar. MYND: Birgir Þór HarðarsonFjallað er um vaxta- og hús­næð­is­bætur og breyt­ingar á greiðslum til þeirra sem taka fæð­ing­ar­or­lof. Þá á einnig að lengja orlofið en Vinstri græn lögðu til að mynda fram frum­varp fyrr á þessu ári um að lengja það úr níu mán­uðum í tólf í tveimur þrep­um. Sú leng­ing átti þá að vera að fullu komin til fram­kvæmda 2019.

Til stendur að stofna stöð­ug­leika­sjóðs, sem mun kall­ast þjóð­ar­sjóð­ur. Inn í hann eiga að renna til dæmis arð­greiðslur úr orku­fyr­ir­tækj­um. Þá á að skrifa hvít­bók um end­ur­skipu­lagn­ingu fjár­mála­kerf­is­ins og stuðla að gagn­sæi í eign­ar­haldi fjár­mála­fyr­ir­tækja. Ekk­ert er hins vegar sér­tækt, sam­kvæmt heim­ildum Kjarn­ans, um hvað eigi að gera með það fé sem liggur inni í bönkum í eigu rík­is­ins.

Þverpóli­tískar nefndir skip­aðar

Aðgerðir í loft­lags­málum eru sagðar vera mjög í anda þeirra sem þegar liggja fyr­ir. Athygli vekur að ekk­ert var fjallað um ramma­á­ætl­un, sem segir til um hvaða virkj­un­ar­kosti eigi að vernda og hverja eigi að nýta, í þeim sátt­mála sem við­mæl­endur Kjarn­ans sáu.

Þá sé lítið fjallað um hvernig rekstr­ar­form þyki æski­leg­ust í heil­brigð­is­kerf­inu og almennt orða­lag um Borg­ar­línu, sem er sam­göngu­fram­kvæmd sem öll sveit­ar­fé­lög á höf­uð­borg­ar­svæð­inu leggja mik­inn þunga á.

Eng­inn flokk­anna þriggja sem nú taka við völdum hefur verið yfir sig áhuga­samur um að ráð­ast í stór­felldar stjórn­ar­skrár­breyt­ing­ar. Nið­ur­staða þeirra mála, sam­kvæmt heim­ildum Kjarn­ans, í sátt­mál­anum er að skipa þverpóli­tíska nefnd um end­ur­skoðun stjórn­ar­skrár. Önnur þverpóli­tísk nefnd verður einnig skipuð til að fara yfir lög um útlend­inga­mál til að kanna hvort að þeim þurfi að breyta.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira eftir höfundinnÞórður Snær Júlíusson
Meira úr sama flokkiFréttaskýringar