Laun ráðherra og aðstoðarmanna 461 milljón í ár

Kostnaður vegna launa ráðherra og aðstoðarmanna þeirra hefur aukist um 82 prósent á nokkrum árum. Hækkanir Kjararáðs á launum þeirra og fjölgun aðstoðarmanna eru ástæðan. Hækkun á framlögum til stjórnmálaflokka um 127 prósent er í fjárlögum.

Alls eru ellefu ráðherrar í ríkisstjórninni. Hver þeirra má ráða tvo aðstoðarmenn auk þess sem stjórnin má bæta þremur til viðbótar við þann fjölda.
Alls eru ellefu ráðherrar í ríkisstjórninni. Hver þeirra má ráða tvo aðstoðarmenn auk þess sem stjórnin má bæta þremur til viðbótar við þann fjölda.
Auglýsing

Rekstur rík­is­stjórnar Íslands mun kosta 461 milljón króna á þessu ári. Undir mála­flokk­inn falla laun ráð­herra og aðstoð­ar­manna þeirra. Kostn­aður vegna þessa rekst­urs hefur auk­ist um 208 millj­ónir króna frá árinu 2012. Þegar tekið hefur verið til­lit til verð­bólgu þá nemur hækk­unin samt sem áður um 180 millj­ónum króna. Þetta kemur fram í fjár­lögum árs­ins 2018, sem sam­þykkt voru skömmu fyrir ára­mót.

Alls eru ell­efu ráð­herrar í rík­is­stjórn Íslands. Hver og einn þeirra má vera með tvo aðstoð­ar­menn auk þess sem heim­ild er til staðar sam­kvæmt ákvörðun rík­is­stjórnar að ráða þrjá til við­bótar ef þörf kref­ur. Einn þeirra er sér­stakur upp­lýs­inga­full­trúi rík­is­stjórn­ar­innar sem starfar innan for­sæt­is­ráðu­neyt­is­ins. Ekki þarf að aug­lýsa aðstoð­ar­manna­stöður heldur eru þeir sem sinna þeim störfum valdir af hverjum ráð­herra fyrir sig, enda oft­ast um að ræða nán­ustu sam­starfs­menn ráð­herra á meðan að hann gegnir emb­ætti.

Auglýsing
Laun bæði ráð­herra og aðstoð­ar­manna hafa hækkað umtals­vert á síð­ustu árum vegna ákvarð­ana Kjara­ráðs. Í nóv­em­ber 2015 hækk­aði Kjara­ráð til að mynda laun ráð­herra um 9,3 pró­sent. Árið síð­ar, á kjör­dag 2016, voru laun þeirra síðan hækkuð um 35 pró­sent. Eftir þá hækkun eru laun for­sæt­is­ráð­herra 2.021.825 krónur á mán­uði og laun ann­arra ráð­herra 1.826.273 krónur á mán­uði.

Aðstoðarmenn ráð­herra fengu líka dug­lega hækkun sum­arið 2016, þegar laun skrif­stofu­stjóra í ráðu­neytum voru hækkuð um allt að 35 pró­sent. Laun aðstoð­ar­manna mið­ast við laun skrif­stofu­stjór­anna. Eftir þá hækkun eru laun aðstoð­ar­manna um 1,2 millj­ónir króna á mán­uði. Aðstoð­ar­menn ráð­herra eru sem stendur 15 tals­ins, að með­töldum upp­lýs­inga full­trúa rík­is­stjórn­ar­inn­ar. Enn er svig­rúm til að ráða allt að tíu aðstoð­ar­menn til við­bót­ar.

Fram­lög til stjórn­mála­flokka hækka um 127 pró­sent

Í fjár­lög­unum var til­laga full­trúa sex flokka sem eiga sæti á Alþingi um að hækka fram­lag rík­is­ins til stjórn­mála­flokka á árinu 2018 úr 286 millj­ónum króna í 648 millj­ónir króna. Fram­lagið eykst því um 362 millj­ónir króna eða um 127 pró­sent.

Full­trú­arnir sex sendu sam­eig­in­legt erindi til fjár­­laga­­nefnd Alþingis 18. des­em­ber síð­­ast­lið­inn þar sem óskað var eftir við­bót­ar­fram­lag­inu.

Full­trú­arnir sex eru Ásgeir Run­­ólfs­­son, full­­trúi Sam­­fylk­ing­­ar­inn­­ar, Birna Þór­­ar­ins­dótt­ir, fram­­kvæmda­­stjóri Við­reisn­­­ar, Björg Eva Erlends­dótt­ir, fram­­kvæmda­­stjóri Vinstri grænna, Einar Gunnar Ein­­ar­s­­son, fram­­kvæmda­­stjóri Fram­­sókn­­ar­­flokks­ins, Svanur Guð­­munds­­son, full­­trúi Mið­­flokks­ins, og Þórður Þór­­ar­ins­­son, fram­­kvæmda­­stjóri Sjálf­­stæð­is­­flokks­ins. Hvorki Píratar né Flokkur fólks­ins skrif­uðu sig á erind­ið.

Erindið bar yfir­­­skrift­ina „Nauð­­syn­­leg hækkun opin­berra fram­laga til stjórn­­­mála­­sam­taka“. Í því er farið fram á að fram­lög til stjórn­­­mála­­flokka verði „leið­rétt“.

Í grein­­ar­­gerð sem fylgdi erind­inu segir að sú upp­­hæð sem stjórn­­­mála­­flokkum sé ætluð á fjár­­lögum hafi lækkað um helm­ing á raun­virði frá árinu 2008. Nú eigi átta flokkar full­­trúa á Alþingi. „Hver þeirra stendur fyrir eigin rekstri og á að reka virkt og ábyrgt stjórn­­­mála­­starf um allt land, jafnt á sviði lands­­mála og sveit­­ar­­stjórna, árið um kring.

Til sam­an­­burðar má nefna að dóms­­mála­ráðu­­neytið hefur sagt að kostn­aður vegna alþing­is­­kosn­­ing­anna á síð­­asta ári hafi verið rétt tæpar 350 millj­­ón­ir, og að gera mætti ráð fyrir að hann yrði svip­aður í ár. Stjórn­­­mála­­sam­tök starfa í þágu almanna­hags­muna en hafa hvergi nærri bol­­magn á við helstu hags­muna­­sam­tök. Flestir flokkar eru reknir með 0-5 starfs­­mönnum í dag og sam­tals eru 13 fast­ráðnir starfs­­menn hjá þeim átta flokkum sem eiga full­­trúa á Alþingi.

Til sam­an­­burðar má geta að Sam­tök atvinn­u­lífs­ins eru með 30 starfs­­menn, Sam­tök iðn­­að­­ar­ins 16, Sam­tök fyr­ir­tækja í sjá­v­­­ar­út­­­vegi 15, ASÍ með 22 og VR 62 starfs­­menn. Í þessu umhverfi er stuðn­­ingur við nýsköp­un, þró­un, sér­­fræð­i­þekk­ingu og alþjóða­­tengsl eng­inn inni í stjórn­­­mála­­sam­tök­un­um; endar ná ekki saman til að sinna grunn­þörfum í rekstri stjórn­­­mála­­flokka og að upp­­­fylla mark­mið lag­anna. Lýð­ræðið á Íslandi á betra skil­ið.“

Kostnaður vegna reksturs ríkisstjórnar

2012: 253 millj­ónir króna

2013: 338 millj­ónir króna

2014: 280 millj­ónir króna

2015 312 millj­ónir króna

2016 387 millj­ónir króna

2017: 445 millj­ónir króna

2018: 461 millj­ónir króna

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Sigurjón Njarðarson
Fullveldið
Kjarninn 4. desember 2020
Haukur Logi Karlsson
Innansveitarkronikan og evrópska réttarríkið
Kjarninn 4. desember 2020
Notkun reyktóbaks og rafrettna ekki tengd við alvarlegri einkenni COVID-19
Niðurstöður nýrrar rannsóknar á Íslandi sýna ekki fram á aukið algengi eða alvarleika COVID-19 sjúkdóms meðal notenda reyktóbaks eða rafrettna en benda til tengsla lungnasjúkdóma við alvarlegri einkenni.
Kjarninn 4. desember 2020
Konur ættu að hafa rétt til þess að hverfa frá störfum sínum eftir 36 vikna meðgöngu að mati Félags íslenskra fæðinga- og kvensjúkdómalækna.
Læknar ítreka að þeim finnst að konur ættu að geta farið í orlof eftir 36 vikur án skerðinga
Fæðinga- og kvensjúkdómalæknar telja að konur ættu að hafa rétt til að fara í orlof eftir 36 vikna meðgöngu, án þess að orlof eftir fæðingu skerðist. Starfshópur heilbrigðisráðherra um stefnumótun í barneignarþjónustu er einróma á sömu skoðun.
Kjarninn 4. desember 2020
Tólf ný smit – allir í sóttkví
Allir sem greindir voru með kórónuveiruna í gær innanlands voru í sóttkví. Eftir fjölgun smita í síðustu viku hefur þeim fækkað jafnt og þétt síðustu daga.
Kjarninn 4. desember 2020
Ítrustu varúðar gætt við greftrun manneskju sem lést vegna COVID-19 í Indónesíu. Hálf milljón Indónesa hafa greinst með veiruna.
Bóluefnið ekki „töfralausn“ – dauðsföll vegna COVID komin yfir 1,5 milljónir
Brýnt er að allir haldi vöku sinni áfram næstu vikur og mánuði. Bóluefni gegn COVID-19 er væntanlegt en það mun engan veginn útrýma öllum þeim vandamálum sem faraldurinn hefur skapað.
Kjarninn 4. desember 2020
Tæknivarpið
Tæknivarpið
Tæknivarpið – Víst fleiri PS5 á Íslandi á þessu ári
Kjarninn 4. desember 2020
Stoðir orðinn stærsti eigandi Kviku banka
Fjárfestingafélagið Stoðir er nú stærsti einstaki eigandi Kviku banka eftir að hafa skipt á hlutabréfum í TM fyrir hlutabréf í bankanum. Félagið er líka stærsti einstaki eigandi TM.
Kjarninn 4. desember 2020
Meira eftir höfundinnÞórður Snær Júlíusson
Meira úr sama flokkiFréttaskýringar