Glitnir vill ekki svara af hverju það er ekki farið fram á lögbann á alla

Glitnir HoldCo vill ekki tjá sig um ástæður þess að einungis hafi verið fram á lögbann á fréttaflutning tveggja miðla sem byggir á gögnum úr Glitni, en ekki annarra fjölmiðla sem sagt hafa fréttir byggðar úr gögnum frá sama aðila.

Forsíða Stundarinnar 20. október, eftir að lögbann var sett á fréttaflutning blaðsins.
Forsíða Stundarinnar 20. október, eftir að lögbann var sett á fréttaflutning blaðsins.
Auglýsing

Glitnir Holdco vill ekki upp­lýsa um hvað valdi því að ekki hefur verið farið fram á lög­bann á umfjöllun ann­arra fjöl­miðla en Stund­ar­innar og Reykja­vík Media sem unnið hafa fréttir úr gögnum sem fjalla um við­skipta- og einka­mál­efni Glitn­is.

Ólafur Eiríks­son, lög­maður Glitnis HoldCo, segir í svari við fyr­ir­spurn Kjarn­ans um málið að umbjóð­andi sinn muni ekki tjá sig í fjöl­miðlum um „dóms­mál gegn Stund­inni Reykja­vík Media eða tengd atriði á meðan málið er rekið fyrir dóm­stól­u­m.“

Þrír aðrir fjöl­miðlar hafa birt fréttir um við­skipti við­skipta­vina Glitnis sem byggja á gögnum innan úr Glitni um mál­efni við­skipta­vina bank­ans á meðan hann var starf­andi eða um rann­sóknir og grein­ingar sem gerðar voru á við­skipta­háttum bank­ans eftir að hann féll.

Í des­em­ber 2016 birtu miðlar 365 miðla og Kast­ljós RÚV fréttir um fjár­mál hæsta­rétt­ar­dóm­ara sem voru í við­skiptum við Glitni. Þá var gagna­leki kærður til Fjár­mála­eft­ir­lits­ins sem vís­aði því máli síðan til hér­að­sak­sókn­ara. Það mál var fellt niður í jan­úar 2018, m.a. eftir að á þriðja tug manns, meðal ann­ars blaða- og frétta­menn, voru kall­aðir til skýrslu­töku. Þær skýrslu­tökur skil­uðu engum upp­lýs­ingum um hver hefði dreift upp­lýs­ing­unum úr Glitni sem frétt­irnar byggð­ust á.

Fleiri miðlar hafa sagt fréttir úr gögnum frá Glitni

Í byrjun októ­ber 2017 hóf Stund­in, í sam­starfi við Reykja­vík Media, umfjöllun um við­skipti Bjarna Bene­dikts­son­ar, þá for­sæt­is­ráð­herra en nú fjár­mála- og efna­hags­mála­ráð­herra, fyr­ir­tæki sem hans tengd­ist, fjöl­skyldu hans og við­skipta­fé­laga sem byggði á gögnum innan úr Glitni.

Glitnir HoldCo til­kynnti um gagna­leka vegna þeirrar umfjöll­unar til Fjár­mála­eft­ir­lits­ins 13. októ­ber 2017. Í kjöl­farið var farið fram á lög­bann á frétta­flutn­ing miðl­anna sem var sam­þykkt af sýslu­manni höf­uð­borg­ar­svæð­is­ins. Síðan það gerð­ist hafa miðl­arnir tveir ekki mátt flytja fréttir upp úr gögn­un­um.

Auglýsing
Eftir að lög­bannið var lagt á fluttu tveir aðrir fjöl­miðl­ar, RÚV og Kjarn­inn, fréttir sem unnar voru upp úr gögnum innan úr Glitni.

Glitnir HoldCo höfð­aði stað­fest­ing­ar­mál fyrir hér­aðs­dómi gegn Stund­inni og Reykja­vik Media þar sem farið var fram á að lög­bannið á frétta­flutn­ing­inn yrði stað­fest og að miðl­arnir yrðu að afhenda öll þau gögn sem þeir hefðu í fórum sínum sem kæmu innan úr Glitni. Hér­aðs­dómur hafn­aði þeirri kröfu með afger­andi hætti í byrjun febr­úar en nið­ur­stöðu hans var áfrýjað til Lands­rétt­ar.

Fengu upp­lýs­ingar um umfang gagna

Í dómi hér­aðs­dóms í stað­fest­ing­ar­mál­inu koma fram upp­lýs­ingar sem eiga að rök­styðja það að Glitnir HoldCo hafi farið fram með þessum hætti gagn­vart Stund­inni og Reykja­vik Media, en ekki farið fram á lög­bann á RÚV og miðla 365 þegar þeir fluttu fréttir úr gögnum Glitnis í des­em­ber 2016.

Þar segir að Glitnir HoldCo hafi fengið „það stað­fest að upp­lýs­ing­arnar ein­skorð­uð­ust ekki við þá ein­stak­linga sem þegar hefði verið fjallað um heldur væru þetta upp­lýs­ingar um þús­undir fyrr­ver­andi og núver­andi við­skipta­manna stefn­anda, þar með talið upp­lýs­ingar um við­skipti aðila í einka­banka­þjón­ustu, við­skipti aðila með hluta­bréf í Glitni á árunum 2003 til 2008 og upp­lýs­ingar um við­skipti ein­stak­linga og lög­að­ila í sjóðum sem stefn­andi hafi rek­ið. Stefn­andi kveður upp­lýs­ing­arnar ná yfir nokk­urra ára tíma­bil og að þær séu veru­lega ítar­leg­ar. Þetta séu meðal ann­ars hreyf­inga­list­ar, útprent­an­ir, vinnu­skjöl, við­skipta­yf­ir­lit og tölvu­skeyti fjölda starfs­manna. Vegna þessa hafi stefn­andi talið nauð­syn­legt að grípa strax til aðgerða.“

Ósk­uðu eftir rit­stjórn­ar­valdi

Þrátt fyrir að Glitnir HoldCo taki fram að nýjar upp­lýs­ingar um umfang gagna hafi ráðið því að farið var fram á lög­bann á frétta­flutn­ing Stund­ar­innar og Reykja­vik Media þá var ekki farið fram á lög­bann á frétta­flutn­ing RÚV og Kjarn­ans, sem fluttu fréttir byggðar á gögnum úr Glitni HoldCo, eftir að lög­bannið var sam­þykkt. Báðir miðl­arnir gátu, og geta, því flutt áfram­hald­andi fréttir upp úr þeim gögnum sem þeir hafa undir höndum kjósi þeir svo. Það hefur hvor­ugur þeirra gert.

Kjarn­anum barst þess í stað bréf frá lög­manni Glitnis þar sem farið var fram á að Kjarn­inn myndi veita „Í fyrsta lagi upp­­lýs­ingar um hvort frek­­ari birt­ing úr umræddum gögnum sé fyr­ir­hug­uð. Hér átt við allar fréttir sem byggja á upp­­lýs­ingum og/eða gögnum frá Glitni eða úr kerfum þess.[...]Í öðru lagi er þess farið á leit við Kjarn­ann að ef frek­­ari birt­ing úr fram­an­­greindum gögnum er fyr­ir­huguð að umbjóð­anda okk­­ar, Glitni, verði til­­kynnt fyrir fram með tveggja sól­­­ar­hringa fyr­ir­vara að slík birt­ing standi til.“

Í nið­­ur­lagi bréfs­ins sagði að Glitnir HoldCo áskildi sér rétt til að grípa til allra lög­­­mæta aðgerða vegna birt­ingar Kjarn­ans á umræddum trún­­að­­ar­­upp­­lýs­ing­­um. Það hefur félagið ekki gert.

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Allir þurfa helst að eiga heima einhversstaðar. Og flestir þurfa að taka lán til þess að geta keypt sér heimili.
Ár óverðtryggðu lánanna
Íslendingar eru að sækja meira í óverðtryggð lán en nokkru sinni áður, samhliða vaxtalækkun Seðlabanka Íslands. Hratt lækkandi verðbólga gerir það þó að verkum að verðtryggðu lánin er enn í mörgum tilfellum hagstæðari.
Kjarninn 25. janúar 2020
Matthildur Björnsdóttir
Sköpun versus það sem menn sögðu að væri almættið
Kjarninn 25. janúar 2020
Vilja að ekki verði hvoru tveggja beitt álagi og annarri refsingu vegna sama skattalagabrots
Nefnd um rannsókn og saksókn skattalagabrota leggur til að hætt verði að beita álagi við endurákvörðun skatta þegar mál fer í refsimeðferð.
Kjarninn 25. janúar 2020
Erlendum ríkisborgurum gæti fjölgað um einn Garðabæ út 2023
Útlendingum sem fluttu til Íslands fjölgaði um rúmlega fimm þúsund í fyrra þrátt fyrir efnahagssamdrátt. Þeir hefur fjölgað um 128 prósent frá byrjun árs 2011 og spár gera ráð fyrir að þeim haldi áfram að fjölga á allra næstu árum.
Kjarninn 25. janúar 2020
Kristbjörn Árnason
Hrunadans nútímans
Leslistinn 25. janúar 2020
Kórónaveiran: Heimshorna á milli á innan við 30 dögum
Það var ekkert leyndarmál að á fiskmarkaðinum í Wuhan var hægt að kaupa margt annað en fisk. 41 hefur látist vegna veirusýkingar sem rakin er til markaðarins.
Kjarninn 25. janúar 2020
Stefán Ólafsson
Nýfrjálshyggju Miltons Friedman hafnað í Bandaríkjunum og Davos
Kjarninn 25. janúar 2020
Samdráttur í flugi lagar losunarstöðuna
Losun gróðurhúsalofttegunda frá flugi dróst verulega mikið saman í fyrra. Það er ein hliðin á miklum efnahagslegum og umhverfislegum áhrifum af minni flugumferð eftir fall WOW Air og kyrrsetninguna á 737 Max vélum Boeing.
Kjarninn 24. janúar 2020
Meira eftir höfundinnÞórður Snær Júlíusson
Meira úr sama flokkiFréttaskýringar