Erlendir ríkisborgarar á Íslandi orðnir um 40 þúsund

Fjöldi útlendinga sem flutt hafa til Íslands hefur nánast tvöfaldast á rúmum sex árum. Aldrei hafa fleiri slíkir flutt til landsins á fyrstu þremur mánuðum árs en í upphafi 2018. Flestir setjast að í Reykjavík og í Reykjanesbæ.

Mikill vöxtur í ferðaþjónustu og byggingaiðnaði hefur skapað mikla eftirspurn eftir vinnuafli á Íslandi. Þeirri eftirspurn er mætt erlendis frá.
Mikill vöxtur í ferðaþjónustu og byggingaiðnaði hefur skapað mikla eftirspurn eftir vinnuafli á Íslandi. Þeirri eftirspurn er mætt erlendis frá.
Auglýsing

Erlendum rík­is­borg­urum sem búa á Íslandi hefur fjölgað um 89 pró­sent frá lokum árs 2011. Þá bjuggu hér 20.930 slíkir en í lok mars síð­ast­lið­ins voru þeir 39.570. Á fyrstu þremur mán­uðum árs­ins 2018 fjölg­aði erlendum rík­is­borg­urum sem búa á Íslandi um 2.880 tals­ins.

Lands­­mönnum fjölg­aði um 2.120 sama tíma­bili og eru nú 350.710. Það þýðir að öll fjölgun á Íslandi, og vel rúm­lega það, á fyrstu mán­uðum árs­ins var vegna aðflutn­ings útlend­inga. Þetta kemur fram í nýlegum tölum Hag­stofu Íslands sem sýna fjölda lands­manna í lok fyrsta árs­fjórð­ungs 2018.

Í fyrra fluttu 7.888 erlendir rík­is­borg­arar til lands­ins umfram þá sem fluttu frá því. Fjöld­inn hefur aldrei verið meiri á einu ári í Íslands­sög­unni. Á fyrsta árs­fjórð­ungi þess árs fjölg­aði erlendum rík­is­borg­urum um 1.090 tals­ins. Það er um 37 pró­sent af þeirri aukn­ingu sem varð á fjölda erlendra rík­is­borg­ara á Íslandi á sama tíma­bili í ár.

Auglýsing

Haldi þessi vöxtur áfram má því búast við að árið í ár verði annað metár í fjölgun útlend­inga sem setj­ast að á Íslandi, að minnsta kosti tíma­bundið og að fjöldi þeirra fari að slaga upp í 50 þús­und í mjög náinni fram­tíð.

Reykja­nes­bær og Reykja­vík draga vagn­inn

Frá lokum mars 2017 til loka sama mán­aðar í ár fjölg­aði erlendum rík­is­borg­urum í land­inu um 8.100 umfram þá sem fluttu burt. Til að setja þá tölu í sam­hengi þá eru níu af 72 sveit­­ar­­fé­lögum lands­ins með íbú­a­­fjölda yfir fimm þús­und. Í Árborg búa til að mynda 8.995 manns og á Akra­nesi 7.259.

Erlendu íbú­arnir setj­ast fyrst og síð­ast að í Reykja­vík og á Suð­ur­nesj­um. Í höf­uð­borg­inni hefur þeim fjölgað gríð­ar­lega á örfáum árum. Í lok árs 2011 voru erlendir rík­is­borg­arar 9.190 innan marka hennar og átta pró­sent allra íbúa Reykja­vík­ur. Í lok mars síð­ast­lið­ins voru þeir 16.420 tals­ins og hefur því fjölgað um 7.230 á rúmum sem árum. Þeir eru nú 12,9 pró­sent íbúa höf­uð­borg­ar­inn­ar.

Í Reykja­nesbæ hefur orðið spreng­ing á fjölda erlendra rík­is­borg­ara sam­hliða auk­inni þörf á vinnu­afli vegna umsvifa í kringum alþjóða­flug­völl­inn. Í lok árs 2011 voru 1.220 erlendir rík­is­borg­arar í sveit­ar­fé­lag­inu og þeir 8,6 pró­sent íbúa. Í lok mars voru þeir orðnir 3.830 og 21,2 pró­sent íbúa. Ef Suð­ur­nesin öll eru skoðuð þá hefur erlendum rík­is­borg­urum sem þar búa fjölgað úr 1.890 í 5.170 á sama tíma og hlut­fall þeirra af heildar­í­búa­fjölda farið úr 8,8 pró­sent í 19,8 pró­sent.

Erlendir rík­is­borg­arar eru 11,2 pró­sent allra íbúa lands­ins og því er hlut­fall þeirra á ofan­greindum svæðum tölu­vert yfir með­al­tali. Önnur sveit­ar­fé­lög draga það með­al­tal síðan nið­ur. Á Sel­tjarn­ar­nesi búa til að mynda 330 erlendir rík­is­borg­arar (7,1 pró­sent íbúa) og hefur ein­ungis fjölgað um 130 frá lokum árs 2011. Í Garðabæ búa 640 útlend­ingar (fjögur pró­sent íbúa) og þeim hefur fjölgað um 290 frá lokum árs 2011.

Lang­flestir sem koma eru Pól­verjar

Kjarn­inn greindi frá því í gær að í byrjun árs 1998 hafi 820 ein­stak­l­ingar sem fæddir voru í Pól­landi búið á Íslandi. Í byrjun árs 2017 voru þeir 13.811 og þegar það ár var liðið höfðu 3.191 erlendir rík­­is­­borg­­arar frá Pól­landi bæst við hér­­­lendis og heild­­ar­­fjöldi þeirra þar með orð­inn rúm­­lega 17 þús­und. Fjöldi þeirra sem annað hvort eru fæddir í Pól­landi eða eru pólskir rík­­is­­borg­­arar en búa á Íslandi hefur því 21fald­ast á 20 árum.

Á árinu 2017 fluttu alls 4.549 ein­stak­l­ingar með pólskt rík­­is­­fang en 1.315 slíkir fluttu frá því. Þeim fjölg­aði því um 3.234 í fyrra. Sam­tals bjuggu þar af leið­andi 17.045 ein­stak­l­ingar á Íslandi um síð­­­ustu ára­­mót sem annað hvort fædd­ust í Pól­landi eða eru með pólskt rík­­is­­fang.

Ef allir Pól­verjarnir myndu búa saman í einu sveit­ar­fé­lagi þá væri það á stærð við Reykja­nesbæ og fjöl­menn­ara en t.d. Garða­bær.



Nokkrar tölur um fjölda erlendra ríkisborgara

  • Erlendum rík­is­borg­urum hefur fjölgað um 18.640 frá lokum árs 2011. Þeir eru nú 39.570 eða 11,2 pró­sent íbúa.

  • Á fyrstu þremur mán­uðum árs­ins 2018 fjölg­aði þeim um 2.880.

  • Í Reykja­nesbæ búa 3.840 erlendir rík­is­borg­arar og þeir eru 21,2 pró­sent íbúa.

  • Í Reykja­vík búa 16.420 erlendir rík­is­borg­arar og þeir eru 12,9 pró­sent íbúa.

  • Í Garðabæ búa 640 erlendir rík­is­borg­arar og þeir eru fjögur pró­sent íbúa.

  • Fjöldi þeirra sem eru fæddir í Pól­landi eða með pólskt rík­is­fang sem búa hér­lendis er um 17 þús­und.

Guðjón Sigurðsson
Alþjóðlegi MND dagurinn 21. júní 2019
Kjarninn 20. júní 2019
Guðlaugur Þór Þórðarson, utanríkisráðherra
Íslensk stjórnvöld hafa ekki mótað afstöðu til Beltis og brautar
Kínverski sendiherrann á Íslandi segir íslensk stjórnvöld vera opin fyrir þátttöku í Belti og braut. Íslensk stjórnvöld hafa þó ekki mótað sér afstöðu til verkefnisins.
Kjarninn 20. júní 2019
Már Guðmundsson er seðlabankastjóri. Hann mun láta af því starfi í ágúst og nýr taka við.
Seðlabankinn og Fjármálaeftirlitið sameinast um næstu áramót
Breytingarnar lúta að sameiningu verkefna hjá einni stofnun. Sextán þingmenn greiddu ekki atkvæði eða voru fjarverandi við atkvæðagreiðsluna.
Kjarninn 20. júní 2019
Mótmæli
Aðför að grundvallarréttindum launafólks ógnar friði og stöðugleika
Í 72 prósent landa heims hefur verkafólk engan eða takmarkaðan aðgang að réttarkerfinu sé á því brotið.
Kjarninn 20. júní 2019
Spá því að stýrivextir lækki um eitt prósentustig í viðbót
Ef stýrivextir Seðlabanka Íslands verða lækkaðir í næstu viku munu þeir fara undir fjögur prósent í fyrsta sinn frá árinu 2011. Á sama tíma hafa vextir sem standa almenningi til boða, til dæmis vegna húsnæðiskaupa, sögulega lágir.
Kjarninn 20. júní 2019
Munu ákveða hvað flokkist til auðlinda hér á landi
Þingsályktunartillaga hefur verið samþykkt þar sem umhverfis- og auðlindaráðherra er falið að fá sérfræðinga á sviði auðlindaréttar, umhverfisfræða og umhverfisréttar til að semja frumvarp til laga sem skilgreini hvað flokkist til auðlinda hér á landi.
Kjarninn 20. júní 2019
Innlend netverslun blómstrar - Maí veltuhæsti mánuðurinn frá upphafi
Á netinu jókst velta raf- og heimilistækja um 156,8 prósent á milli ára á meðan veltan í búðum dróst saman um 14,2 prósent.
Kjarninn 20. júní 2019
Segir lagafrumvarp um makrílveiðar vera óttalega hrákasmíð
Jón Bjarnason, fyrrverandi sjávarútvegsráðherra, segir frumvarp Kristjáns Þórs Júlíussonar um makrílveiðar sem samþykkt var á Alþingi í gær ekki verja meginhagmuni þjóðarinnar hvað varðar stjórn­un, ráð­stöfun og nýt­ingu auð­lind­ar­inn­ar.
Kjarninn 20. júní 2019
Meira eftir höfundinnÞórður Snær Júlíusson
Meira úr sama flokkiFréttaskýringar