Stór hlutur í Arion banka seldur langt undir bókfærðu eigin fé

Gengi bréfa í Arion banka í hlutafjárútboði sem hefst í dag verður 0,6 til 0,7 krónur fyrir hverja krónu af bókfærðu eigin fé. Miðað við þetta er bankinn metinn á 123-143 milljarða króna. Tveir erlendir sjóðir hafa skuldbundið sig til að kaupa.

Arion banki
Auglýsing

Sölu­verð hluta í Arion banka í fyr­ir­hug­uðu útboði hans er er umtals­vert undir bók­færðu eigin fé hans. Það er, sam­kvæmt síð­asta birta upp­gjöri, 204 millj­arðar króna. Miðað við gengið sem verður í útboð­inu verður hlutafé í bank­anum til sölu á bil­inu 0,6 til 0,7 krónur fyrir hverja krónu af eigin fé. Miðað við það er Arion banki met­inn á 123 til 143 millj­arða króna. Bank­inn verður næst­verð­mætasta félag sem skráð verður á íslenskum hluta­bréfa­mark­aði á eftir Mar­el, en virði þess er 264 millj­arðar króna.

Útboðið á bréfum Arion banka hefst í dag og end­an­legt útboðs­gengi verður til­kynnt 15. júní.  Þann sama dag er áætlað að við­skipti með bréf Arion banka hefj­ist í kaup­höll­inni hér á landi og í Stokk­hólmi. Til stendur að selja að minnsta kosti 25 pró­sent hlut.

Tveir erlendir fjár­fest­inga­sjóð­ir, Milton Asset Mana­gement Limited og Lands­downe Partners hafa skuld­bundið sig til að kaupa hluta­bréf í Arion banka fyrir sam­tals 60,5 millj­ónir dali,

Auglýsing

tæp­lega 6,4 millj­arða króna. Þeir verða svo­kall­aðir horn­steina­fjár­festar en þurfa ekki að und­ir­gang­ast neinar sölu­hömlur vegna kaupa sinna. Búast má við því að þeir eign­ist á bil­inu 4,4, til 5,2 pró­sent hlut í bank­an­um.

Þetta kemur fram í skrán­ing­ar­lýs­ingu Arion banka sem birt var í dag.

Ýmsir áhættu­þættir taldir til

Í henni eru taldir til þeir áhættu­þættir sem geti haft áhrif á virði og gengi Arion banka. Af inn­lendum þáttum eru geng­is­breyt­ingar á krón­unni efst á blaði. Þar á eftir kemur inn­lend verð­bólga og loks skortur á erlendri fjár­fest­ingu á Íslandi. Þá eru taldir til aðrir þættir eins og hátt skulda­hlut­fall fyr­ir­tækja og heim­ila, van­traust almenn­ings á banka­kerfið (20 pró­sent lands­manna treysta því), þess að enn eru fjár­mála­höft í gildi að hluta og mögu­leg end­ur­skipu­lagn­ing fjár­mála­kerf­is­ins.

Þá sé Ísland við­kvæmt fyrir ýmsum ytri þáttum eins og þróun efna­hags­mála alþjóð­lega og sér­stak­lega í Evr­ópu. Þar er sér­stak­lega minnst á mögu­legan óstöð­ug­leika sem gæti skap­ast á alþjóð­legum fjár­mála­mörk­uðum vegna fyr­ir­hug­aðrar útgöngu Bret­lands úr Evr­ópu­sam­band­inu. Leiði slíkur órói til sam­dráttar gæti það leitt til þess að eft­ir­spurn eftir helstu útflutn­ings­af­urðum Íslands; ferða­þjón­ustu, sjáv­ar­fangi og áli, myndi drag­ast sam­an.

Ríkið féll frá for­kaups­rétti

Kaup­þing, stærsti eig­andi Arion banka, á sem stendur 55,57 pró­sent hlut í bank­an­um. Auk þess á Arion banki 9,5 pró­sent í sjálfum sér. Einn núver­andi eig­enda Arion banka, Attestor Capital, mun einnig selja hluta af eign sinni í útboð­inu fái hann ásætt­an­legt verð fyr­ir.

Ríkisstjórnin ákvað að falla frá forkaupsrétti ríkisins í útboðinu. Það var lykilatriði í því að það gæti farið fram og að hægt yrði að bjóða til sölu hluti á því verði sem nú hefur verið opinberað. MYND: Birgir Þór HarðarsonÍslenska ríkið ákvað í aðdrag­anda útboðs­ins að for­kaups­réttur rík­is­ins muni ekki gilda við skrán­ing­una á mark­að. For­­kaups­­rétt­ur­inn var tryggður í stöð­ug­­leika­­samn­ingi við kröf­u­hafa Arion banka. Sam­­kvæmt honum virkj­­ast réttur rík­­is­ins til að ganga inn í við­­skipti með hluti í Arion banka ef verðið í þeim við­­skiptum fer niður fyrir 0,8 krónur á hverja krónu af bók­­færðu eigin fé Arion banka. Nú er ljóst að verðið í útboð­inu verður tölu­vert undir þeim mörk­um.

Mikil hreyf­ing á eign­ar­haldi

Tölu­verð við­skipti hafa átt sér stað með hluti í Arion banka frá því að stöð­ug­leika­samn­ing­arnir voru und­ir­rit­aðir í lok árs 2015. Í fyrra keyptu fjórir af stærstu eig­endum Kaup­þings, Taconic Capital, Och-ZiffCapi­tal Mana­gement Group, sjóðir í stýr­ingu Attestor Capi­tal og Gold­man Sachs, sam­tals 29,6 pró­sent hlut í Arion banka af sjálfum sér í fyrra. Tveir þeirra, Attestor og Gold­man Sachs, bættu við sig 2,8 pró­sent hlut 13. febr­úar síð­ast­lið­inn. Þá keyptu rúm­lega 20 sjóðir í stýr­ingu fjög­urra af stærstu sjóðs­stýr­ing­ar­fyr­ir­tækjum Íslands: Stefn­is, Íslands­sjóða, Lands­bréfa og Júpít­er, sam­tals 2,54 pró­sent hlut. Sam­an­lagt kaup­verð var um 9,5 millj­arðar króna.

Sama dag var kaup­réttur Kaup­þings á 13 pró­sent hlut rík­is­ins í Arion banka virkj­að­ur. Sá kaup­réttur var form­gerður í samn­ingi frá árinu 2009, var for­taks­laus og ein­hliða. Ríkið mátti því ekki hafna til­boð­inu án þess að ger­ast brot­legt við gerða samn­inga.

Gengið var form­lega frá sölu hlut­ar­ins 26. febr­úar síð­ast­lið­inn. Kaup­verðið var 23,4 millj­arðar króna og ekk­ert opið né gagn­sætt sölu­ferli fór fram. Um eina stærstu eigna­sölu rík­is­ins frá upp­hafi er að ræða.

Í dag er eign­ar­hald Arion banka því þannig að Kaup­þing á 55,57 pró­sent hlut, Attestor Capi­tal á 12,44 pró­sent, Taconic Capi­tal á 9,99 pró­sent, Och-Ziff Capi­tal á 6,58 pró­sent og Gold­man Sachs á 3,37 pró­sent. Arion banki á auk þess 9,5 pró­sent hlut í sjálfum sér.

Lélegt upp­gjör í upp­hafi árs en háleit mark­mið

Síð­asta upp­gjör Arion banka þótti ekki mjög gott. Hagn­aður sam­­stæðu bank­ans á fyrstu þremur mán­uðum árs­ins 2018 nam 1,9 millj­­örðum króna sam­an­­borið við 3,4 millj­­arða króna á sama tíma­bili 2017. Arð­­semi eigin fjár var aðeins 3,6 pró­sent sam­an­­borið við 6,3 pró­sent fyrir sama tíma­bil árið 2017, en þetta telst lágt í alþjóð­­legum sam­an­­burð­i.

Í skrán­ing­ar­lýs­ing­unni segir að Arion banki meti sem svo að rekstur hans hafi þró­ast með jákvæðum hætti frá því í lok mars 2018. „Hreinar vaxta­tekjur juk­ust í apr­íl, að hluta til vegna auk­innar verð­bólgu, sem hefur jákvæð áhrif á vaxta­mun bank­ans þar sem hann á meiri verð­tryggðar eignir en skuld­ir. Hreinar vaxta­tekjur juk­ust einnig vegna end­ur­greiðslu á skulda­bréfi á fyrsta árs­fjórð­ungi 2018 sem bar til­tölu­lega háa vexti, sem dró úr vaxta­kostn­aði. Lána­safn bank­ans hefur stækkað í sam­ræmi við vöxt­inn á fyrsta árs­fjórð­ungi með áfram­hald­andi vexti í hús­næð­is­lán­um, lánum til lít­illa og með­al­stórra félaga og útlánum til fyr­ir­tækja. Trygg­inga­starf­semi bank­ans hefur batnað eftir erf­iðan fyrsta árs­fjórð­ung. Kostn­að­ar­grunnur hefur fylgt sam­bæri­legri þróun og fyrstu þremur mán­uðum árs­ins 2018 og virð­is­rýrnun útlána hefur verið að mestu óbreytt frá lokum fyrsta árs­fjórð­ungs. Verk­efna­staða á útlána­sviðum og í fyr­ir­tækja­ráð­gjöf eru í góðum far­veg­i.“

Í til­kynn­ingu sem birt var um miðjan maí, þar sem útboðið var boð­að, sagði að mark­mið Arion banka sé að vera með arð­semi eigin fjár sem sé yfir tíu pró­sent. Til að ná því er lík­legt að breyta þurfi fjár­mögnun bank­ans mjög með því að greiða út eigin fé og sækja víkj­andi lán (sett mark­mið er að minnka eig­in­fjár­hlut­fall úr 23,6 pró­sent í 17 pró­sent), minnka rekstr­ar­kostnað umtals­vert (kostn­að­ar­hlut­fall er nú 70,8 pró­sent en sett mark­mið er að ná því undir 50 pró­sent) t.d. með því að fækka starfs­fólki og ná hóf­legum vexti í útlánum sem sé í takti við vöxt í þjóð­ar­fram­leiðslu á Íslandi í nán­ustu fram­tíð.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Andrés Ingi Jónsson, þingmaður utan flokka, er fyrsti flutningsmaður frumvarpsins.
Ekki að leggja til 30 kílómetra hraða alls staðar
Andrés Ingi Jónsson þingmaður utan flokka leggur til að hámarkshraði í þéttbýli verði alla jafna 30 kílómetrar á klukkustund, nema gild rök séu fyrir hærri hraða. Með frumvarpi um þetta vill þingmaðurinn fara að fordæmi Hollendinga og Spánverja.
Kjarninn 29. nóvember 2020
Lady Brewery hreyfingin býður fólki í leyniklúbb
Farandsbrugghúsið Lady Brewery ætlar að koma upp tilraunaeldhúsi þar sem íslensk náttúra í bjórgerð verður rannsökuð. Safnað er fyrir verkefninu á Karolina fund.
Kjarninn 29. nóvember 2020
Helga Vala Helgadóttir leiddi lista Samfylkingarinnar í Reykjavík norður fyrir síðustu kosningar.
Samfylkingin fer „sænsku leiðina“ í Reykjavík og heldur ekki prófkjör
Það verður ekkert prófkjör hjá Samfylkingunni í Reykjavík fyrir næstu alþingiskosningar. Uppstillingarnefnd hefur verið falið að stilla upp listum og leita eftir tilnefningum frá flokksfélögum.
Kjarninn 29. nóvember 2020
Dæmi um fyrirsagnir frétta dagblaðanna á árunum 1985 og 1986.
Neituðu að kryfja lík alnæmissjúklinga
Í bók Gunnhildar Örnu Gunnarsdóttur, Berskjaldaður, er að finna frásögn hjúkrunarfræðings af hræðslunni og fordómunum innan sem utan Borgarspítalans á níunda og tíunda áratugnum, þegar HIV-faraldurinn braust út.
Kjarninn 29. nóvember 2020
Dagur B. Eggertsson borgarstjóri Reykjavíkur.
Eftirlitsaðilar fái heimildir til að skoða leiguhúsnæði
„Það sem maður situr svolítið eftir með í kjölfar brunans á Bræðraborgarstíg er að þar sem um íbúðarhúsnæði var að ræða er ábyrgðin [á eldvörnum] samkvæmt lögum og reglugerðum fyrst og fremst eigandans,“ segir Dagur B. Eggertsson borgarstjóri.
Kjarninn 29. nóvember 2020
Schengen-samstarfið hefur átt undir högg að sækja vegna veirufaraldursins. Víða hefur innri landamærum svæðisins verið lokað. Þessi mynd er frá pólska landamærabænum Cieszyn í sumar, þar sem landamæralokun Tékka var mótmælt.
Sótt að Schengen
Árið 2020 hefur tekið á Schengen-samstarfið. Landamæralokanir vegna faraldursins, flóttamannamál og hryðjuverkaárásir hafa vakið upp spurningar um hvaða stefna skuli mörkuð og líklegt er að samstarfið taki einhverjum breytingum.
Kjarninn 29. nóvember 2020
Mette Frederiksen forsætisráðherra komst við er hún ræddi við fjölmiðla eftir að hafa heimsótt minkabú í síðustu viku og rætt við bændur sem höfðu misst frá sér ævistarfið.
Minkaklúðrið
Danska ríkisstjórnin hefur sætt mikilli gagnrýni vegna minkamálsins svonefnda, þar sem margt hefur farið úrskeiðis. Nú síðast þegar ekki var fylgt tilmælum varðandi urðun hræjanna. Algjört klúður í eitt og allt segja danskir fjölmiðlar.
Kjarninn 29. nóvember 2020
Fimm manns sem voru gestkomandi á heimili Víðis og eiginkonu hans síðasta laugardag eru smituð af kórónuveirunni.
Ellefu urðu útsett fyrir smiti á heimili Víðis
Auk Víðis Reynissonar yfirlögregluþjóns og eiginkonu hans eru fimm manns í nærumhverfi hjónanna, sem voru gestkomandi á heimili þeirra síðasta laugardag, smituð af kórónuveirunni. Víðir segir hjónin hafa verið verulega slöpp í gær, en skárri í dag.
Kjarninn 28. nóvember 2020
Meira eftir höfundinnÞórður Snær Júlíusson
Meira úr sama flokkiFréttaskýringar