Fá 187föld lágmarkslaun fyrir þrotavinnu

Þeir sem vinna við að sjá um eftirstandandi eignir föllnu bankanna Glitnis, Kaupþings og Landsbanka Íslands þiggja ofurlaun fyrir. Átta slíkir starfsmenn eru á meðal hæstu skattgreiðenda á landinu og þeir sem eru með hæstu launin fá 56 milljónir á mánuði.

Ríkir
Auglýsing

Banka­hrunið og eft­ir­málar þess eru einn arð­bær­asti atvinnu­vegur á Íslandi í dag. Á meðal þeirra 40 ein­stak­linga sem greiddu hæstu skatt­anna á Íslandi í fyrra voru átta ein­stak­lingar sem vinna fyrir félög utan um eft­ir­stand­andi eignir hinna föllnu Glitn­is, Lands­banka Íslands og Kaup­þings.

Þeir sem eru með hæstu mán­að­ar­legu tekj­urnar að með­al­tali voru með 56 millj­ónir króna í laun á hverjum mán­uði í fyrra. Það þýðir að mán­að­ar­laun þeirra voru 187­föld lág­marks­laun, sem eru 300 þús­und krónur á Íslandi í dag.

Allir föllnu bank­arnir luku nauða­samn­ingum í lok árs 2015 og breytt­ust þá í eign­ar­halds­fé­lög utan um eft­ir­stand­andi eignir þeirra. Hlut­verk starfs­mann­anna er því fyrst og síð­ast að selja eign­ir. Og í kjöl­farið leggja félögin nið­ur.

Auglýsing

Allar upp­lýs­ingar hér að neðan eru unnar upp úr tekju­blöðum Frjálsrar versl­unar og DV.

Glitnir

Í stjórn Glitnis HoldCo sitja þrír menn, þeir Tom Grön­dahl og Steen Pars­holt, sem báðir voru með 56 millj­ónir króna í mán­að­ar­laun í fyrra, og Mich­ael Wheel­er, sem er skráður með um 5,2 millj­ónir króna á mán­uði. Grön­dahl og Pars­holt voru sam­kvæmt þessu með 672 millj­ónir króna í árs­tekjur hvor.

Wheeler er hins vegar skráður sem einn þeirra sem greiddu hæstu skatt­anna á Íslandi í fyrra. Þar situr hann í átt­unda sæti eftir að hafa greitt 259,1 milljón króna í skatta í fyrra vegna tekna sem hann hafði á Íslandi. Aug­ljóst er því að Wheeler hafði meira upp úr krafs­inu á síð­asta ári en þær tekjur sem hann er skráður með í Tekju­blaði Frjálsrar Versl­un­ar.

Fram­kvæmda­stjóri Glitnis Holdco er Ingólfur Hauks­son. Hann er heldur ekki á flæðiskeri staddur með 19,2 millj­ónir króna á mán­uði. Ragnar Björg­vins­son, yfir­lög­fræð­ingur Glitnis HoldCo, er á svip­uðum slóðum með 16,1 milljón króna á mán­uði. Snorri Arnar Við­ars­son, for­stöðu­maður eigna­stýrt­ingar Glitn­is­HoldCo, var með 16,8 millj­ónir krónur á mán­uði.

LBI

Hjá LBI ehf., gamla Lands­bank­an­um, sitja þrír menn í stjórn. Þeir eru Ric­hard Katz stjórn­ar­for­mað­ur, sem var með 32,7 millj­ónir króna á mán­uði í fyrra, Kol­beinn Árna­son, sem var með 6,7 millj­ónir króna á mán­uði, og Christ­ian Dig­emose, en launa­kjör hans eru til umfjöll­unar í tekju­blöð­un­um. Fram­kvæmda­stjóri LBI er Ársæll Haf­steins­son, sem var með 17,9 millj­ónir króna á mán­uði. Ársæll hefur unnið sleitu­laust fyrir gamla Lands­bank­ann frá því að hann var skip­aður í skila­nefnd bank­ans. Þann 30 júlí 2009 óskaði Fjár­mála­eft­ir­lit­ið, sem bar ábyrgð á skila­nefnd­inni og skip­aði í hana, eftir því að Ársæll léti að störfum fyrir fyrr skila­nefnd­ina þar sem „verk­efnum sem krefð­ust sér­fræði­þekk­ing­ar“ hans væri lok­ið. Skila­nefndin réð þá Ársæl sem ráð­gjafa og gerði hann síðar að fram­kvæmda­stjóra.

Hjá LBI starfar líka Jakob Bjarna­son. Hann var með 6,4 millj­ónir króna á mán­uði í fyrra.

Kaup­þing

Þriðja félagið sem er starf­andi og var stofnað utan um eft­ir­stand­andi eignir fall­ins banka er Kaup­þing ehf., sem í dag er að mestu upp­tekið við að selja stóran hlut í Arion banka. Í stjórn Kaup­þings eru Allan Jef­frey Carr, Paul Cop­ley, Óttar Páls­son, Bene­dikt Gísla­son og Piergi­orgio Lo Greco. Copley er einnig fram­kvæmda­stjóri Kaup­þing.

Þrír, hinir íslensku, eru nefndir í tekju­blöð­un­um. Einn þeirra er Bene­dikt Gísla­son, sem starf­aði um tíma sem aðstoð­ar­maður Bjarna Bene­dikts­son­ar, fjár­mála- og efna­hags­ráð­herra, og var síðar efna­hags­ráð­gjafi hans. Þá var Bene­dikt einn þeirra sér­fræð­inga sem var skip­aður í fram­kvæmda­hóp við losun fjár­magns­hafta á árinu 2014.  Vinnu þess hóps lauk með því að sam­komu­lag var gert við kröfu­hafa föllnu bank­anna um að mæta stöð­ug­leika­skil­yrð­um. Nokkrum mán­uðum eftir að vinnu Bene­dikts fyrir fram­kvæmda­hóp­inn lauk var hann ráð­inn í ráð­gjafa­starf hjá Kaup­þingi og sett­ist í stjórn bank­ans. Bene­dikt er skráður með 3,2 millj­ónir króna í mán­að­ar­laun sam­kvæmt tekju­blaði DV.

Óttar Páls­son, lög­maður hjá Logos, situr einnig í stjórn Kaup­þings. Hann er skráður með tæp­lega 3,8 millj­ónir króna í laun á mán­uði en draga má þá ályktun að þau laun séu bæði fyrir lög­manns­störf og störf hans fyrir Kaup­þing.

Tveir starfs­menn Kaup­þings voru með það há laun á árinu 2017 að þau kom­ast á blað hjá Frjálsri versl­un. Þau eru Arn­aldur Jón Gunn­ars­son og Anna Sig­ríður Arn­ar­dótt­ir, sem bæði eru lög­fræð­ingar hjá félag­inu.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Meðalverð flugmiða með Ryanair stendur nú í 40 til 50 Evrum og segir O‘Leary að búast megi við því að það hækki í 60 Evrur.
Forstjóri Ryanair boðar ringulreið í flugbransanum næstu árin
Michael O‘Leary segir flugferðir orðnar of ódýrar fyrir það sem þær eru og að dæmið gangi því einfaldlega ekki upp.
Kjarninn 3. júlí 2022
Notkun tölva gegnir sífellt stærra hlutverki í leik og starfi hjá flestum. Á síðustu misserum hefur margföldun orðið í tilraunum til netsvindls.
Sjö ráð til að koma í veg fyrir netsvindl
Margföldun hefur orðið á tilraunum til netsvindls og reglulega eru fluttar fréttir af nýjum svikapóstum í umferð. Framkvæmdastjóri CERT-IS segir mikilvægt að huga vel að netöryggi og að margar einfaldar lausnir séu í boði í þeim efnum.
Kjarninn 3. júlí 2022
Bryndís Friðriksdóttir svæðisstjóri höfuðborgarsvæðisins og Arndís Ósk Ólafsdóttir Arnalds forstöðumaður verkefnastofu Borgarlínu.
Áskorun að tryggja flæði á meðan það verður grafið og byggt
Á næstu árum fara í hönd miklar samgönguframkvæmdir víða á höfuðborgarsvæðinu. Kjarninn ræddi við svæðisstjóra Vegagerðarinnar og forstöðumann verkefnastofu Borgarlínu um stóru verkefnin sem eru á döfinni og hvernig á að láta umferðina ganga upp á meðan.
Kjarninn 3. júlí 2022
Herlufsholmen var áður munkaklaustur en í aldir var þar rekinn skóli.
Uppnám í elítuskólanum og prinsinn hættur
Herlufsholmskólinn á Sjálandi hefur verið talinn fyrirmynd annarra skóla í Danmörku, skóli hinna útvöldu og ríku. Ný heimildamynd svipti hins vegar hulunni af ýmsu sem tíðkast hefur í skólanum og nú er skólastarfið í uppnámi.
Kjarninn 3. júlí 2022
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Meira eftir höfundinnÞórður Snær Júlíusson
Meira úr sama flokkiFréttaskýringar