Búið að fella niður eða semja um öll skaðabótamál Glitnis

Íslenska ríkið átti að fá eignir sem Glitnir innheimti í íslenskum krónum. Þar á meðal var mögulegur ávinningur af skaðabótamálum sem höfðuð voru gegn m.a. fyrrverandi eigendum, stjórnendum og viðskiptavinum. Þau hafa nú verið felld niður eða samið um þau

Glitnir var einn þeirra þriggja íslensku banka sem féllu með látum haustið 2008. Fjölmörg skaðabótamál voru höfðuð vegna ákvarðana sem teknar voru innan bankans í aðdraganda hrunsins. Þeim er nú öllum lokið og verða ekki til umfjöllunar í dómsölum.
Glitnir var einn þeirra þriggja íslensku banka sem féllu með látum haustið 2008. Fjölmörg skaðabótamál voru höfðuð vegna ákvarðana sem teknar voru innan bankans í aðdraganda hrunsins. Þeim er nú öllum lokið og verða ekki til umfjöllunar í dómsölum.
Auglýsing

Leynd hvílir yfir því hvernig samið var um skaða­bóta­mál sem Glitnir hafði höfðað eða ætl­aði sér að höfða. Kröfur í mál­unum hlupu á millj­örðum króna og voru flestar í íslenskum krón­um. Ávinn­ingur af mál­un­um, yrði hann nokk­ur, hefði runnið til íslenska rík­is­ins.

Kjarn­inn hefur fengið stað­fest að málin hafi verið felld nið­ur, eða samið um þau, án þess að þau skili nokkrum ávinn­ingi.

Neita að upp­lýsa um nið­ur­stöð­una

Þegar nauða­samn­ingur Glitnis var stað­festur í des­em­ber 2015 voru nokkur skaða­bóta­mál sem bank­inn hafði annað hvort höfðað eða verið með í vinnslu óleyst. Sum þeirra mála snér­ust um kröfur sem greið­ast áttu út í íslenskum krónum og ávinn­ingur af þeim, ef ein­hver yrði, átti því að renna til íslenska rík­is­ins í sam­ræmi við stöð­ug­leika­samn­ing­anna.

Auglýsing

Glitnir HoldCo, félagið sem stofnað var utan um eft­ir­stand­andi eignir Glitn­is, hafði því engan fjár­hags­legan hag af því að halda mál­unum til streitu. Raunar gat félagið sparað sér umtals­verðan kostnað við mála­rekstur með því að fella málin ein­fald­lega nið­ur.

Ingólfur Hauks­son, fram­kvæmda­stjóri Glitn­is, stað­festir í skrif­legu svari við fyr­ir­spurn Kjarn­ans að málin hafi öll verið gerð upp í dag og því séu engin þeirra óleyst. Hann vildi hins vegar ekki gefa upp­lýs­ingar um hvaða mál væri að ræða og með hvaða hætti þau væru gerð upp. Ingólfur vildi heldur ekki upp­lýsa um hver heild­ar­upp­hæð skaða­bótakrafna sem samið var um að láta niður falla væri né hversu mikið hefði inn­heim­st, ef nokk­uð, eftir að samið var um mál­in.

Kjarn­inn hefur einnig fengið stað­fest að Lind­ar­hvoll, félag sem stofnað til að ann­ast umsýslu og sölu stöð­ug­leika­eigna sem ríkið fékk afhent í kjöl­far sam­komu­lags við kröfu­hafa föllnu bank­anna, hafi verið upp­lýst um hvernig unnið hefði verið úr skaða­bóta­kröf­un­um. Þar hafi ekki verið talið raun­hæft að félag í eigu rík­is­ins myndi taka yfir rekstur mál­anna, og þá áhættu sem þeim gæti fylgt, þrátt fyrir að þær upp­hæðir sem þau gætu skil­að, vegna krafna í íslenskum krón­um, ættu að renna til íslenska rík­is­ins. Því gerði Linda­hvoll ekki athuga­semdir við að samið yrði um mál­in.

Millj­arða­kröfur

Á meðal þeirra mála sem samið var um að fella niður var skaða­bóta­mál upp á 6,5 millj­arða króna sem slita­stjórnin höfð­aði á hendur Lár­usi Weld­ing, fyrr­ver­andi for­­stjóra Glitn­is, Jóni Ásgeiri Jó­hann­es­­syni, fyrr­ver­andi for­­stjóra Baugs og fyrr­ver­andi stjórn Glitn­is, en í henni sátu Þor­­steinn M. Jóns­­son, þáver­andi eig­andi Víf­il­­fells, Jón Sig­­urðs­son, sem var for­­stjóri FL Group, Skarp­héð­inn Berg Stein­­ar­s­­son, fyrr­ver­andi stjórn­­­ar­­for­maður FL Group, Pét­ur Guð­mund­­ar­­son, lög­maður hjá Logos, Björn Ingi Sveins­­son, sem var for­­stjóri Sax­­bygg, Hauk­ur Guð­jóns­­son og Katrín Pét­­ur­s­dótt­ir, for­­stjóri Lýs­­is.

Mál­ið, sem var fellt niður seint í des­em­ber 2015, var höfðað vegna 15 millj­arða króna láns sem Glitnir veitti Baugi, stærsta eig­enda bank­ans, seint á árinu 2007. Eftir að emb­ætti sér­staks sak­sókn­ara ákvað að ákæra ekki í mál­inu, sem hafði verið til rann­sóknar árum sam­an, var skaða­bóta­málið fellt nið­ur. Í sam­komu­lag­inu um nið­ur­fell­ing­una sam­þykktu allir hinna stefndu að greiða sinn máls­kostnað sjálfir að ein­um, Þor­steini M. Jóns­syni, und­an­skild­um.

Samið um mál sem ekki er lokið

Annað þeirra skaða­bóta­mála sem fellt hefur verið nið­ur, sam­kvæmt heim­ildum Kjarn­ans, er hið svo­kall­aða Aur­um-­mál. Það mál snýst um sex millj­­­­arða króna lán­veit­ingu til félags­­­­ins FS38 í júlí 2008. Lánið var veitt til að fjár­­­­­­­magna kaup FS38, eign­­­­ar­­­­laust félag í eigu Pálma Har­alds­­­­son­­­­ar, á 25,7 pró­­­­sent hlut Fons hf., líka í eigu Pálma, í Aurum Hold­ing Limited. Hluti láns­ins, einn millj­­­­arður króna, var ráð­stafað inn á per­­­­són­u­­­­legan banka­­­­reikn­ing Jóns Ásgeirs. Hann nýtti þann millj­­­­arð síðan í að borga meðal ann­­­­ars 705 millj­­­­óna króna yfir­­­­­­­drátt­­­­ar­heim­ild sína hjá Glitni.Glitnir féll í október 2008 en enn er verið að vinna úr eignum hans. MYND: EPA

Fjórir menn voru ákærðir í því máli og tveir þeirra, Lárus Weld­ing og Magnús Arnar Arn­gríms­son, hlutu dóm í hér­aði í lok árs 2016. Jón Ásgeir Jóhann­es­son var hins vegar sýkn­aður í mál­inu ásamt fjórða manni. Sýknu Jóns Ásgeirs og nið­ur­stöð­unni í máli Lárusar og Magn­úsar var áfrýjað til Lands­rétt­ar, þar sem málið verður tekið fyrir í sept­em­ber næst­kom­andi.

Þegar ákært var í Aur­um-­mál­inu hafði slita­stjórn Glitnis þegar höfðað skaða­bóta­mál þar sem Jóni Ásgeiri, Pálma, Lárusi og þremur fyrr­ver­andi starfs­mönnum Glitnis var stefnt til greiðslu bóta. Það mál var sett í bið­stöðu árið 2012 til að bíða eftir nið­ur­stöð­unni úr saka­mál­inu. Nú liggur hins vegar fyrir að búið sé að fella málið niður áður en hún fæst fram.

Frétta­skýr­ingin birt­ist einnig í Mann­lífi sem kom út í dag.

Gátu slitið skaðleysissjóði

Í lok des­em­ber 2016 var greint frá því að sér­stakur skað­leys­is­sjóður upp 68 millj­ónir evra (á um átta millj­arða króna á þávirð­i), sem var settur á fót við gerð nauð­samn­inga Glitnis til að tryggja skað­leysi þeirra sem skip­uðu slita­stjórn Glitnis gagn­vart mögu­legum máls­höfð­un­um, yrði slitið og að slita­stjórn­ar­með­limir myndu fá ein­greiðslu upp á 5,3 millj­ónir evra (630 millj­ónir króna) fyrir að heim­ila það.

Í kjöl­far slita sjóðs­ins var hægt að greiða rest­ina út til eig­enda Glitn­is, fyrr­ver­andi kröfu­hafa bank­ans. Og áður en að sjóðnum var slitið var samið um að fella niður skaða­bóta­mál gagn­vart ein­stak­lingum sem höfðu sjálfir höfðað gagn­mál gegn Glitni eða ein­stak­lingum sem störf­uðu fyrir slitabú hans.   



Origo selur hlut í Tempo fyrir 4,3 milljarða
Söluhagnaður Origo er um þrír milljarðar og hækkar virði eftirstandandi hlutar félagsins í Tempo um tvo milljarða í bókum félagsins.
Kjarninn 19. nóvember 2018
Bjarni Már Júlíusson
Bjarni Már: Uppsögn mín úr starfi framkvæmdastjóra óverðskulduð og meiðandi
Fyrrverandi framkvæmdastjóri Orku náttúrunnar segist hafa fengið kaldar kveðjur eftir 6 ára farsæl störf í þágu OR og Orku náttúrunnar.
Kjarninn 19. nóvember 2018
Uppsögn Áslaugar Thelmu talin réttmæt
Uppsögn Áslaugar Thelmu Einarsdóttur, fyrrverandi forstöðumanns Orku Náttúrunnar, var réttmæt að mati innri endurskoðunar Reykjavíkurborgar.
Kjarninn 19. nóvember 2018
Öll 12 mánaða gömul börn eiga að fá tryggt leikskólapláss fyrir lok 2023
Reykjavíkurborg ætlar að ráðast í 5,2 milljarða króna fjárfestingu á næstu fimm árum til að fjölga leikskólaplássum um 700-750. Nýir leikskólar verða meðal annars byggðir. Framkvæmdirnar eiga að brúa bilið milli fæðingarorlofs og leikskólavistar.
Kjarninn 19. nóvember 2018
Íslendingar henda fjórfalt meira rusli í klósettið en Svíar
Alþjóðlegi klósettdagurinn er í dag, 19. nóvember, og er þema ársins 2018 salernislausnir í anda náttúrunnar, samkvæmt Sameinuðu þjóðunum.
Kjarninn 19. nóvember 2018
Ari Skúlason
Hvernig kostnaði við einkavæðingu er velt á bankagjaldkera
Kjarninn 19. nóvember 2018
Samtal við samfélagið
Samtal við samfélagið
Samtal við samfélagið – Norræn félagsfræði
Kjarninn 19. nóvember 2018
Valdimar Ármann, forstjóri GAMMA.
Kvika kaupir GAMMA - Kaupverðið lækkað umtalsvert frá því í júní
Kaupverð Kviku á GAMMA hefur lækkað mikið frá því að viljayfirlýsing um kaupin var undirrituð í júní. Hluti kaupverðsins er greiddur með hlutdeildarskírteinum í sjóðum GAMMA.
Kjarninn 19. nóvember 2018
Meira eftir höfundinnÞórður Snær Júlíusson
Meira úr sama flokkiFréttaskýringar