Tíu staðreyndir um íslenska ferðaþjónustu

Meira en 2 milljónir ferðamanna sóttu Ísland heim á síðasta ári og höfðu þá aldrei verið svo margir. Blikur eru á lofti í starfsumhverfi greinarinnar, það hægist á fjölgun ferðamanna og efnahagsumhverfið gerir henni erfiðara fyrir.

ferðamenn í reykjavík
Auglýsing

Meira en 2 millj­ónir ferða­manna sóttu Ísland heim á síð­asta ári og höfðu þá aldrei verið svo marg­ir. Flestir ferða­menn koma til lands­ins á sumrin sem er mik­il­væg­asti tím­inn fyrir grein­ina sem hefur verið lyk­ill­inn í við­snún­ingi í efna­hags­lífi þjóð­ar­innar frá hruni. Blikur eru á lofti í starfs­um­hverfi grein­ar­inn­ar, það hægist á fjölgun ferða­manna og efna­hags­um­hverfið gerir henni erf­ið­ara fyr­ir. Kjarn­inn tók saman tíu stað­reyndir um íslenska ferða­þjón­ustu.

1.

Árið 2017 komu 2,2 millj­ónir ferða­manna til lands­ins. Lang­flestir koma í gegnum Kefla­vík­ur­flug­völl eða 98,7 pró­sent. Um 22 þús­und komu með Nor­rænu um Seyð­is­fjörð eða 1 pró­sent af heild og um sjö þús­und með flugi um Reykja­vík­ur-, Akur­eyr­ar- eða Egils­staða­flug­völl eða um 0,3 pró­sent af heild.

2.

Á tíma­bil­inu 2012-2016 útskýrði vöxtur í ferð­þjón­ustu að með­al­tali tæp­lega 50 pró­sent af hag­vexti þess­ara ára. Á árinu 2012 var hægt að rekja um 55 pró­sent af hag­vexti árs­ins til atvinnu­greina í ferða­þjón­ustu. Lengi vel var vægi ferða­þjón­ustu í lands­fram­leiðslu 3-4 pró­sent en frá árinu 2010 hefur vægi hennar hækkað úr 3,5 pró­sent af vergri lands­fram­leiðslu í tæp­lega 9 pró­sent.

Auglýsing

3.

Heild­ar­neysla ferða­manna á inn­lendri ferða­þjón­ustu, og þar er allt und­ir, gist­ing, ferð­ir, veit­ing­ar, sam­göngur og svo fram­veg­is, var á árinu 2017 um 551 millj­arður króna sam­kvæmt útreikn­ingi Sam­taka ferða­þjón­ust­unn­ar. Um 70 pró­sent þess­arar neyslu af vegna erlendra ferða­manna. Sam­kvæmt tölum Hag­stof­unnar hækk­aði neysla erlendra ferða­manna á inn­lendri ferða­þjón­ustu um 12 pró­sent í fyrra frá því árinu áður.

4.

Á árunum  2016 og 2017 áætla Sam­tök ferða­þjón­ust­unnar að fjár­fest­ing í ferða­þjón­ustu hafi verið á milli 90-100 millj­arðar kr. hvort ár um sig, í hót­el- og gisti­heim­il­um, bíl­um, flug­rekstri, flug­völlum og öðrum flutn­ings­tækj­um. Gert er ráð fyrir að fjár­fest­ing í hót­el­bygg­ingum verði hæg­ari á þessu ári en haldi þó áfram að vera mikil og er það ekki síst vegna fram­kvæmda við Marriott hót­elið við Hörpu í Reykja­vík, þar sem verið er að byggja 250 her­bergi. Hlut­fall útlána bank­anna til ferða­þjón­ustu hefur verið í kringum 15 pró­sent af heild­ar­út­lánum við­skipta­bank­anna síð­ustu tvö árin til atvinnu­fyr­ir­tækja. Það er svipað og útlán til sjáv­ar­út­vegs­ins.

5.

Hag­stofan áætlar að um 13 til 14 pró­sent af heild­ar­fjölda starf­andi ein­stak­linga á íslenskum vinnu­mark­aði starfi í ferða­þjón­ustu eða um 25 til 26 þús­und manns. Sam­kvæmt vinnu­mark­aðs­könnun stofn­un­ar­innar frá árinu 2012 var það um 10 pró­sent af heild­ar­fjölda starf­andi, eða um 17.500 manns.

6.

Í fyrra var Ísland í 25. sæti af 135 löndum yfir sam­keppn­is­hæf­ustu ferða­manna­lönd heims sam­kvæmt Alþjóða­efna­hags­ráð­inu. Á árinu 2015 var það í 18. sæti. Styrkur Íslands á þennan mæli­kvarða er góður þegar kemur að friði og öryggi en það er nátt­úra lands­ins sem er sér­staðan á alþjóð­legum mark­aði.

7.

Á fyrsta árs­fjórð­ungi þessa árs nam fjöldi erlendra ferða­manna 481 þús­und borið saman við 452 þús­und á sama tíma­bili í fyrra. Aukn­ingin nemur 6,3 pró­sentum milli ára. Fara þarf aftur fyrir upp­haf upp­sveifl­unnar í ferða­þjón­ustu til að finna minni vöxt, en á þriðja árs­fjórð­ungi 2010 fækk­aði ferða­mönnum um 1,3 pró­sent borið saman við sama fjórð­ung árið áður.

8.

Um 84 pró­sent Íslend­inga ferð­uð­ust inn­an­lands á árinu 2017 sam­kvæmt könnun Ferða­mála­stofu. Suð­ur­land og Norð­ur­land voru þeir lands­hlutar sem flestir heim­sóttu og þar var einnig um helm­ingur allra gistin­átta. Íslenskir ferða­langar greiddu fyrir tæpan helm­ing gistinótta sinna en ann­ars gistu flestir í sum­ar­húsi í einka­eign eða hjá vinum og ætt­ingj­um. Sund­laugar og söfn voru líkt og verið hefur sú afþrey­ing sem algeng­ast var að fólk greiddi fyrir en um þriðj­ungur greiddi ekki fyrir afþr­ey­ingu á ferða­lagi sínu.

9.

Aldrei fóru fleiri Íslend­ingar til útlanda en tæp 80 pró­sent svar­enda Ferða­mála­stofu ferð­uð­ust utan á síð­asta ári. Bret­landseyjar voru vin­sæl­asti áfanga­stað­ur­inn en Spánn (þ.m.t. Kanarí­eyj­ar) og Portú­gal komu þar á eft­ir. Um níu svar­endur af hverjum tíu áforma ferða­lög á yfir­stand­andi ári og eru ferða­á­form fjöl­breytt sem fyrr. Um helm­ingur nefndi sum­ar­bú­staða­ferð og borg­ar­ferð erlend­is, litlu færri heim­sókn til vina og ætt­ingja og 37 pró­sent stefna á sól­ar­landa­ferð.

10.

Ferða­menn sem sóttu Ísland heim síð­asta sumar voru óánægð­ari með ferð­ina þá miðað við sum­arið á und­an. Ferða­mannapúls Gallup, sem mælir heildará­nægju og heild­ar­upp­lifun ferða­manna á heim­sókn þeirra til Íslands, lækk­aði mark­tækt á milli sumra. Ferða­mannapúls­inn var 2,5 stigum lægri fyrir sum­arið 2017 heldur en sum­arið 2016.

Börn eiga alltaf rétt á stuðningi og heildstæðu mati
Rósa Björk Brynjólfsdóttir þingmaður Vinstri grænna hefur lagt fram frumvarp til laga um breytingar á útlendingalögum.
Kjarninn 18. febrúar 2019
Orð Ragnars Þórs „ómakleg árás“ á leigufélag sem rutt hefur brautina
Almenna leigufélagið hafnar því alfarið að félagið hafi hagað sér með óábyrgum hætti á markaði.
Kjarninn 18. febrúar 2019
Ragnar gefur Kviku frest til að „rifta“ kaupunum
Ragnar Þór Ingólfsson formaður VR segir stjórn félagsins standa þétt saman og hún sætti sig ekki við það hvernig Almenna leigufélagið starfar.
Kjarninn 18. febrúar 2019
Guðlaugur ræddi við Guaidó og lýsti yfir formlegum stuðningi ríkisstjórnarinnar
Utanríkisráðherra hefur ákveðið að auka við fjárstuðning við flóttamenn frá Venesúela.
Kjarninn 18. febrúar 2019
Ármann: Höfum ekkert með stjórn GAMMA að gera
Kvika er ekki orðinn eigandi Gamma. Forstjóri Kviku segir að misskilningur birtist í opnu bréfi VR.
Kjarninn 18. febrúar 2019
Ólafur Kristófersson
Er árið 2007 komið á ný?
Kjarninn 18. febrúar 2019
Segja hækkun á leigu vera grimmd, taumlausa græðgi og mannvonsku
VR gefur Kviku banka 4 daga frest til þess að láta Almenna leigufélagið hætta því sem VR kallar grimmdarverk. VR mun taka allt sitt fé úr eignastýringu hjá þeim ef leiga félagsins hækkar umfram verðlag og ef leigjendum verður ekki tryggt húsnæðisöryggi.
Kjarninn 18. febrúar 2019
Leifsstöð
Áætla að sætaframboð WOW air dragist saman um 44 prósent
Samkvæmt ferðaáætlunum flugfélaganna sem fljúga um Keflavíkurflugvöll á komandi sumri mun framboð sæta hjá WOW air dragast saman um 44%. Icelandair áformar að auka sætaframboð sitt yfir sumartímann um 14%.
Kjarninn 18. febrúar 2019
Meira eftir höfundinnFanney Birna Jónsdóttir
Meira úr sama flokkiFréttaskýringar