RÚV fær 222 milljónir króna á fjáraukalögum

RÚV fær viðbótarframlag á fjáraukalögum. Framlagið er leiðrétting á lögbundnu framlagi úr ríkissjóði til RÚV, sem fékk fyrir tæplega 4,2 milljarða króna úr honum.

RÚV er langstærsta fjölmiðlafyrirtæki landsins. Og það eina sem er á fjárlögum.
RÚV er langstærsta fjölmiðlafyrirtæki landsins. Og það eina sem er á fjárlögum.
Auglýsing

Ríkisútvarpið (RÚV) fær 222 milljóna króna framlag á fjáraukalögum ársins 2018. Í skýringum á framlaginu í frumvarpi til fjáraukalaga segir að þetta sé til samræmis við tekjuáætlun um innheimtar tekjur af útvarpsgjaldi. „Um er að ræða leiðréttingu á lögbundnu framlagi til RÚV en í fjárlögum ársins 2018 var fjárveiting 222 m.kr. lægri en tekjuáætlun um innheimtar tekjur af útvarpsgjaldi gerði ráð fyrir.“

RÚV hafði verið úthlutað tæplega 4,2 milljörðum króna úr ríkissjóði á fjárlögum ársins 2018. Gera má ráð fyrir því að samkeppnistekjur RÚV, sem felast fyrst og síðast í sölu auglýsinga og kostunar, séu nálægt 2,5 milljörðum króna í ár, ef miðað er við að fyrirtækið hafi haft sömu tekjur af þeirri starfsemi og árið 2017 að viðbættum 200 milljóna króna viðbótartekjum vegna HM í knattspyrnu, sem sýnt var á RÚV í sumar. Alls vinna á annan tug manns í fullu starfi hjá RÚV við að sinna sölu á aug­lýs­ing­um, sölu á efni og leigu á dreifikerfi.

Auglýsing
Því hafði RÚV úr um 6,7 milljörðum króna að spila í ár áður en að til viðbótarframlagsins kom.

Framlagið hækkar enn á næsta ári

Í fjárlögum næsta árs er gengið út frá því að framlag ríkissjóðs til fjölmiðlunar muni hækka um 534 millj­ónir króna á milli ára, eða um 12,8 pró­sent. Breyt­ing­una má rekja til 175 milljón króna hækk­unar á fram­lagi til RÚV vegna sjóðs sem ætlað er að kaupa efni frá sjálf­stæðum fram­leið­endum hér­lendis og 360 milljón króna hækk­unar á fram­lagi til RÚV „í sam­ræmi við tekju­á­ætlun um inn­heimtar tekjur af útvarps­gjald­i.“

Ljóst er að miðað við þetta munu tekjur RÚV aukast umtals­vert á næsta ári og fara yfir sjö milljarða króna.

RÚV hefur getað aukið rekstr­ar­hæfi sitt með öðrum leiðum en auknum tekjum og fram­lögum á síð­ustu árum. Í fyrra var afkoma RÚV jákvæð um 321 milljón króna og þar skipti hagn­aður af sölu á bygg­inga­lóðum í Efsta­leiti sköp­um, en heild­ar­sölu­verð þeirra var um tveir millj­arðar króna.

Auk þess samdi RÚV í maí við Líf­eyr­is­­sjóð starfs­­manna rík­­is­ins (LSR) um að breyta skil­­málum á skulda­bréfi í eigu sjóðs­ins sem er til­­komið vegna ógreiddra líf­eyr­is­skuld­bind­inga. Í sam­komu­lag­inu fólst að veru­lega  er lengt í greiðslu­­ferli bréfs­ins, en loka­gjald­dagi þess er nú 1. októ­ber 2057 í stað 1. apríl 2025. Sam­hliða er höf­uð­­stóll hækk­­aður og vextir lækk­­aðir úr fimm pró­­sentum í 3,5 pró­­sent. Þetta mun gera það að verkum að greiðsla skuld­ar­innar mun teygja sig til nýrra kyn­slóða en fjár­magns­gjöld  sem RÚV greiðir árlega munu lækka umtals­vert. Þau voru 282,5 millj­ónir króna í fyrra.

350 milljónir í endurgreiddan ritstjórnarkostnað

Í samræmi við markmið um að bæta starfsumhverfi fjölmiðla og á grundvelli úttekta og skýrslna er unnið að aðgerðum til að bæta stöðu einkarekinna fjölmiðla á Íslandi. Lilja D. Alfreðsdóttir, mennta- og menningarmálaráðherra, hefur boðað frumvarp í janúar um stuðning við rekstur einkarekinna fjölmiðla.

Auglýsing
Hún kynnti helstu áherslur þess frumvarps í september síðastliðnum. Þar kom fram að frumvarpinu sé ætlað að mæta rekstr­ar­um­hverfi rit­stýrðra íslenskra fjöl­miðla sem miðla frétt­um, frétta­tengdu efni og gegna mik­il­vægu sam­fé­lags­legu hlut­verki. Áætlað fram­lag vegna þessa verður um 400 millj­ónir króna á ári.

Í aðgerð­unum felst m.a. að end­ur­greiða hluta rit­stjórn­ar­kostn­aðar rit- og ljós­vaka­miðla um 20-25 pró­sent og er áætl­aður kostn­aður vegna þeirra um 350 millj­ónir króna á ári. Ráð­gert er að fyrsta end­ur­greiðslan komi til end­ur­greiðslu vegna rekstr­ar­árs­ins 2019, og rati því ekki til þeirra miðla sem rétt eiga á henni fyrr en á árinu 2020.

Þá á að lækka virð­is­auka­skatt á raf­rænar áskriftir sem á að skila um 40 milljón króna í árlegan ábata, sam­ræma skatt­lagn­ingu á aug­lýs­ingum svo íslenskir fjöl­miðlar standi jafn­fætis erlendum netmiðlum og með því að auka gagn­sæi í opin­berum aug­lýs­inga­kaup­um.

Auk þess stendur til að draga úr umsvifum RÚV á aug­lýs­inga­mark­aði og skapa með því svig­rúm fyrir aðra til að auka sínar tekj­ur. Alls er búist við því að umsvif RÚV á sam­keppn­is­mark­aði muni drag­ast saman um 560 millj­ónir króna á ári með því að kostun dag­skrár­liða verði hætt og með lækkun hámarks­fjölda aug­lýs­ingamín­útna úr átta í sex á klukku­stund. Lilja hefur þó sagt að til standi að bæta RÚV upp það tekjutap með öðrum hætti.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kolbrún Benediktsdóttir varahéraðssaksóknari í dómsal í dag.
„Hér er ekki um leikaraskap, slysni eða eitthvað grín að ræða“
Það er mat ákæruvaldsins að Marek sé ekki að segja nákvæmlega allt sem hann muni frá deginum sem bruninn á Bræðraborgarstíg varð. Verjandi fer fram á að ef hann verði fundinn sekur og ósakhæfur verði hann ekki dæmdur til öryggisgæslu.
Kjarninn 5. maí 2021
Birna Einarsdóttir bankastjóri segir ljóst að spennandi tímar séu framundan, vegna fyrirhugaðrar sölu ríkisins á hluta af hlut sínum í Íslandsbanka.
Íslandsbanki hagnaðist um 3,6 milljarða á fyrsta ársfjórðungi
Eigið fé Íslandsbanka nam 185 milljörðum króna í lok mars. Bankastjórinn segir spennandi tíma framundan, í ljósi þess að stefnt sé að skráningu bankans á verðbréfamarkað að undangengnu útboði á hluta af hlut ríkisins í honum.
Kjarninn 5. maí 2021
Höfuðstöðvar Arion banka í Borgartúninu
Arion hagnast um 6 milljarða á þremur mánuðum
Þrátt fyrir lága vexti og efnahagssamdrátt var hagnaður Arion banka á fyrsta fjórðungi þessa árs mun meiri en á sama tímabili í fyrra.
Kjarninn 5. maí 2021
Björn Leví Gunnarsson, þingmaður Pírata.
„Þeirra er ævintýralega ósanngjarna lýðræðið sem við búum við“
Björn Leví segir að skipting sæta milli þingflokka sé mjög ójöfn. Auðveldasta lausnin til að leysa vandamálið sé að fjölga jöfnunarsætum – það sé ekki flókið né ósanngjarnt.
Kjarninn 5. maí 2021
Samkvæmt því sem segir í nafnlausum skoðanadálki Morgunblaðsins í dag „gæti orðið bið á því“ að blaðið sendi fulltrúa sinn á fund félaga í BÍ til þess að ræða umdeilda skoðanaauglýsingu Samherja sem beindist gegn fréttamanninum Helga Seljan.
Morgunblaðsmenn ekki spenntir fyrir því að ræða auglýsingu Samherja við félagsmenn BÍ
Í ritstjórnardálki í Morgunblaðinu segir að það „gæti orðið bið á því“ að yfirmenn blaðsins þekkist boð um að mæta á fund félaga í Blaðamannafélaginu til að ræða siðferðileg álitaefni í tengslum við birtingu umdeildrar auglýsingar frá Samherja á mbl.is.
Kjarninn 5. maí 2021
Lilja Rafney Magnúsdóttir, þingmaður VG.
Umræða um málefni innflytjenda gengur fram af þingmanni – Skömm að tala málið niður
Þingmaður Vinstri grænni segir að Íslendingar eigi að sýna þann þroska að geta sinnt útlendingamálum með almennilegum hætti og gera það sem best – „við sem rík þjóð“. Umræða Miðflokksmanna hafi gengið fram af henni í gær.
Kjarninn 5. maí 2021
Þriðjungur fyrstu ferðagjafarinnar fór til tíu fyrirtækja
Nú stendur til að endurnýja ferðagjöf stjórnvalda til að örva eftirspurn innanlands. Rúmur helmingur þeirra sem áttu rétt fyrstu ferðagjöfinni hafa nýtt hana. Á meðal þeirra sem fengu mest í sinn hlut voru eldsneytissalar og skyndibitakeðjur.
Kjarninn 5. maí 2021
Hluti þingliðs Miðflokksins á björtum og fallegum sumardegi fyrr á kjörtímabilinu.
Stillt upp á lista hjá Miðflokknum í öllum kjördæmum
Fimm manna uppstillingarnefndir munu setja saman framboðslista Miðflokksins í öllum kjördæmum landsins fyrir komandi kosningar, en ekki kosið í sæti á lista á félagsfundum. Fylgi flokksins hefur verið í nokkurri lægð að undanförnu.
Kjarninn 5. maí 2021
Meira eftir höfundinnÞórður Snær Júlíusson
Meira úr sama flokkiFréttaskýringar