Eigandi Árvakurs tapaði hundruðum milljóna í fyrra

Hlutdeild eins stærsta eiganda Árvakurs, útgáfufélags Morgunblaðsins, í tapi þess á síðasta ári var 61,8 milljónir króna. Sá eigandi á 16,45 prósent hlut og heildartap samkvæmt því var yfir 400 milljónir króna.

Morgunblaðið
Auglýsing

Þórs­mörk ehf., eign­ar­halds­fé­lagið sem á Árvak­ur, tap­aði um 414 millj­ónum króna á árinu 2018. Árvakur er útgáfu­lega Morg­un­blaðs­ins, mbl.is og K100. Þetta má lesa úr árs­reikn­ingi Hlyns A ehf. eins stærsta eig­anda Þórs­merk­ur. Þar kemur fram að hlut­deild Hlyns A í tapi Þórs­merkur í fyrra hafi verið 61,8 millj­ónir króna. 

Hlynur A er í eigu Guð­bjargar Matth­í­as­dótt­ur, aðal­eig­anda Ísfé­lags­ins, og barna henn­ar. Eina eign Hlyns A í lok síð­asta árs var 16,45 pró­sent hlutur í Þórs­mörk og tapið af rekstri Hlyns A reikn­ast því 16,45 pró­sent af heild­ar­tapi Þórs­merk­ur. Þegar tap Hlyns A er upp­reiknað út frá hlut­deild félags­ins kemur í ljós að heild­ar­tap Þórs­merkur var um 414 millj­ónir króna.

Auglýsing
Hvorki Þór­s­­mörk né Árvak­ur hafa skilað árs­­reikn­ingi fyrir árið 2018, en útgáfu­­fé­lagið er eina eign Þór­s­­merk­­ur. Und­an­farin ár hafa upp­­lýs­ingar í árs­­reikn­ingum félaga sem eiga í Þór­s­­mörk hins vegar sýnt hvert tap Árvak­­urs er. Fyrir árið 2016 og 2017 var t.d. tap Hlyns A vegna hlutar félags­­ins í Þór­s­­mörk í fullu sam­ræmi við það tap sem Árvakur opin­ber­aði þegar árs­­reikn­ingur þess félags var birt­­ur.

Yfir tveggja millj­arða tap á ára­tug

Árvakur hefur glímt við mik­inn halla­­­rekstur á und­an­­­förnum árum og hlut­hafar þess hafa ítrekað þurft að leggja útgáf­unni til fé.

Frá því að nýir eig­endur tóku við rekstr­inum árið 2009 og fram til loka árs 2018 tap­aði félagið um 2,2 millj­­­­örðum króna miðað við ofan­greinda útreikn­inga á tapi Árvak­urs í fyrra. Tapið eykst umtals­vert á milli ára, en Árvakur tap­aði 284 millj­ónum króna árið 2017. 

Kjarn­inn greindi frá því í febr­­úar síð­­ast­liðnum að hlutafé í Þór­s­­mörk, eig­anda Árvak­­urs, hefði verið aukið um 200 millj­­ónir króna þann 21. jan­úar 2019. Auk þess var sam­­­þykktum félags­­­ins breytt á þann veg að stjórn þess er heim­ilt að hækka hluta­­­féð um allt að 400 millj­­­ónir króna til við­­­bótar með útgáfu nýrra hluta. Sú heim­ild gildir til árs­loka 2019.

Davíð Oddsson var ráðinn ritstjóri Morgunblaðsins síðla árs 2009. Hann hefur því gegnt þeirri stöðu í tíu ár í haust. Árið 2016 tók hann sér leyfi frá störfum og bauð sig fram til forseta. Hann hlaut 13,7 prósent atkvæða og var ekki kjörinn. MYND: Birgir Þór HarðarsonKaup­­fé­lag Skag­­firð­inga (KS) og félög tengd Ísfé­lagi Vest­­manna­eyja lögðu til 80 pró­­sent þeirra 200 millj­­óna króna sem settar voru inn í rekstur Árvak­­urs. Alls lögðu þessar tvær blokkir til 160 millj­­ónir króna af millj­ón­unum 200. Þær 40 millj­­ónir króna sem upp á vant­aði dreifð­ust á nokkra smærri hlut­hafa en eng­inn nýr hlut­hafi bætt­ist í hóp­inn við hluta­fjár­­aukn­ing­una. 

Alls tóku fimm skráðir hlut­hafar ekki þátt í hluta­fjár­­aukn­ing­unni og minn­k­aði hlut­­falls­­leg eign þeirra sam­hliða henni. Á meðal þeirra var félagið Ram­ses II ehf., í eigu Eyþórs Arn­alds, odd­vita Sjálf­­stæð­is­­flokks í borg­­ar­­stjórn Reykja­vík­­­ur. Eign­­ar­hlutur Ram­ses hefur skroppið saman úr 22,87 pró­­sentum í 20,05 pró­­sent.  Stundin hefur greint frá því að Eyþór hafi keypt hlut sinn í Árvakri með 325 milljón króna kúlu­láni frá félagi í eigu Sam­herja. Þar hefur meðal ann­­ars komið fram að Eyþór hafi aldrei viljað upp­­lýsa um hvernig hann hafi fjár­­­magnað kaupin á hlutnum og sagt að við­­skiptin væru trún­­að­­ar­­mál.

Flestir minni eig­endur Þór­s­­merkur eru tengdir sjá­v­­­­ar­út­­­­­vegs­­­fyr­ir­tækj­­­um.

Færðu niður hluta­féð um millj­arð

Frá því að nýir eig­endur tóku við Árvakri árið 2009 hafa þeir lagt félag­inu til rúm­­lega 1,6 millj­­arð króna. Þar af nemur fram­lagt hlutafé KS um 324 millj­­ónum króna og fram­lagt hlutafé tveggja félaga sem tengj­­ast Ísfé­lag­inu um 484 millj­­ónum króna. Annað þeirra er áður­nefnt Hlynur A en hitt er Ísfé­lagið sjálft.

Auglýsing
Í maí síð­ast­liðnum var ákveðið að lækka hlutafé í Þórs­mörk  um einn millj­arð króna. Sam­kvæmt til­kynn­ingu til fyr­ir­tækja­skráar var það gert til jöfn­unar á tapi. 

Við það lækk­aði hlutafé Þórs­merkur úr 1,6 millj­arði króna í 606 millj­ónir króna. Það þýðir að eig­endur félags­ins hafa afskrifað millj­arð af því fjár­magni sem þeir settu inn í félag­ið. 

Virði Þórs­merkur hefur farið hratt lækk­andi í bókum Hlyns A síð­ustu ár. Félagið mat eign­­ar­hlut sinn í Þór­s­­mörk á 177,7 millj­­ónir króna í lok árs 2016 á 135 millj­­ónir króna ári síð­ar. Um síð­ustu ára­mót var hlut­ur­inn met­inn á 99,8 millj­ónir króna sem þýðir að heild­­ar­virði Þór­s­­merk­­ur, og þar af leið­andi Árvak­­urs, hefur farið úr um 1.080 millj­­ónum króna í um 606 millj­­ónir króna á einu ári. Það er í sam­ræmi við virði alls hluta­fjár Þórs­merkur eftir að það var lækkað um millj­arð króna í maí. 

Eign­­ar­hald Þór­s­­merkur er eft­ir­far­andi:

  • Ram­ses II ehf., eig­andi Eyþór Lax­­dal Arn­alds, 20,05 pró­­sent
  • Íslenskar sjá­v­­­ar­af­­urðir ehf.,  ­for­sv.m. Sig­­ur­jón Rafns­­son, 20,00 ­pró­­sent
  • Hlyn­ur A ehf., ­for­sv.­mað­ur­ Guð­­björg Matt­h­í­a­s­dótt­ir, 16,45 ­pró­­sent
  • Ísfé­lag Vest­­manna­eyja hf., ­for­sv.­mað­ur­ ­Stefán Frið­­riks­­son, 13,43 ­pró­­sent
  • Legalis s­f., ­for­sv.­mað­ur­ ­Sig­­ur­­björn Magn­ús­­son, 12,37 ­pró­­sent
  • Rammi hf., ­for­sv.­mað­ur­ Ólafur Mart­eins­­son, 6,14 ­pró­­sent
  • Þingey ehf., ­for­sv.­mað­ur­ Að­al­­steinn Ing­­ólfs­­son, 3,59 ­pró­­sent
  • Stál­­skip ehf., ­for­sv.­mað­ur­ Hall­­dór Krist­jáns­­son, 3,08 ­pró­­sent
  • Brekku­hvarf ehf., ­for­sv.­mað­ur­ Ás­­geir Bolli Krist­ins­­son, 2,05 ­pró­­sent
  • Fari ehf., ­for­sv.­mað­ur­ Jón Pálma­­son, 1,54 ­pró­­sent
  • Hrað­fryst­i­­húsið – Gunn­vör hf., ­for­sv.­mað­ur­ Einar Valur Krist­jáns­­son, 1,30 ­pró­­sent

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Í ávarpi sínu fór Katrín yfir þann lærdóm sem hægt er að draga af kórónuveirufaraldrinum, meðal annars að samheldni samfélagsins hafi reynst okkar mestu verðmæti.
Ekki einungis hægt að vísa ábyrgð á launafólk
Katrín Jakobsdóttir segir atvinnulíf og stjórnvöld bera mikla ábyrgð á bráttunni við verðbólguna og að ekki sé hægt að vísa ábyrgðinni eingöngu á launafólk í komandi kjarasamningum.
Kjarninn 20. maí 2022
Ingrid Kuhlman og Bjarni Jónsson
Læknar og hjúkrunarfræðingar styðja dánaraðstoð
Kjarninn 20. maí 2022
Frá utanríkisráðuneytinu við Rauðarárstíg.
Neita að upplýsa um fjölda útgefinna neyðarvegabréfa
Nýlega var reglugerð samþykkt í dómsmálaráðuneyti sem veitir utanríkisráðherra heimild til að óska eftir því að ÚTL gefi út vegabréf til útlendings ef sérstakar ástæður eru fyrir hendi. Utanríkisráðuneytið upplýsir ekki um fjölda útgefinna vegabréfa.
Kjarninn 20. maí 2022
Myndin er fengin úr kerfisáætlun Landsnets 2016-2025. „DC-strengur á Sprengisandsleið hefur jákvæð áhrif á mögulega lengd jarðstrengja á Norðurlandi,“ segir í myndatexta.
Sprengisandskapall „umfangsmikil og dýr“ framkvæmd fyrir „fáa kílómetra“ af jarðstreng í Blöndulínu
Landsnet tekur ekki undir þau sjónarmið Samtaka um náttúruvernd á Norðurlandi að skynsamlegt sé að leggja jarðstreng yfir Sprengisand til að auka möguleika á því að leggja hluta Blöndulínu 3 í jörð.
Kjarninn 20. maí 2022
Hersir Sigurgeirsson
Segir sig frá úttektinni á sölu á hlut ríkisins í Íslandsbanka
Bankasýsla ríkisins sendi bréf til ríkisendurskoðanda með ábendingu um að Hersir Sigurgeirsson hefði sett „like“ á tiltekna færslu á Facebook sem varðaði útboðið. „Ég kann ekki við slíkt eftirlit,“ segir Hersir.
Kjarninn 20. maí 2022
Hvernig gengur að koma úkraínskum flóttabörnum inn í skólakerfið?
Langfæst börn sem flúið hafa stríðið í Úkraínu með foreldrum sínum á síðustu vikum og mánuðum eru komin inn í skólakerfið hér á landi og spila þar inn margir þættir. Samstarf á milli stærstu sveitarfélaganna hefur þó gengið vel.
Kjarninn 20. maí 2022
Jarðskjálftahrinur ollu mikilli hræðslu meðal barna og engar upplýsingar voru veittar til fólksins, sem margt glímir við áfallastreituröskun. Ásbrú er því ekki ákjósanlegasti dvalarstaðurinn fyrir fólk sem flúið hefur stríðsátök, að mati UN Women.
Konur upplifi sig ekki öruggar á Ásbrú – og erfitt að koma óskum á framfæri
UN Women á Íslandi gera alvarlegar athugasemdir við svör Útlendingastofnunar varðandi útbúnað og aðstæður fyrir flóttafólk og umsækjendur um alþjóðlega vernd á Ásbrú.
Kjarninn 20. maí 2022
Myndir af börnum í Austur-Kongó með alvarleg einkenni apabólu.
Fimm staðreyndir um apabólu
Apabóla er orð sem Íslendingar höfðu fæstir heyrt þar til nýverið er tilfelli af þessum sjúkdómi hófu að greinast í Evrópu og Norður-Ameríku. Sjúkdómurinn er hins vegar vel þekktur í fátækustu ríkjum heims þar sem þúsundir sýkjast árlega.
Kjarninn 19. maí 2022
Meira eftir höfundinnÞórður Snær Júlíusson
Meira úr sama flokkiFréttaskýringar