Bræðslan til bjargar

Viðskiptabann Rússa hefur sett mikið strik í reikninginn hjá útgerðarfyrirtækjum hér á landi. Aukin bræðsla hefur þó minnkað slæm áhrif verulega.

makríll-muynd.jpg
Auglýsing

Eins dauði er ann­ars brauð segir mál­tækið og það gæti vel átt við mak­ríl­bannið sem Rússar settu á Íslend­inga. Bræðslu­stöðvar hafa haft nóg að gera í stað­inn. Magn mak­ríls sem farið hefur í bræðslu hefur ríf­lega tvö­fald­ast milli ára, fór úr tæpum nút­ján þús­und tonnum í fyrra en er komið í yfir­ ­fjöru­tíu þús­und tonn í ár. Í sept­em­ber s.l. fór fimm­falt meira magn af mak­ríl í bræðslu en í sama mán­uði í fyrra. Sem hlut­fall af heild­ar­afl­anum hefur það magnið einnig tvö­faldast, fer úr ell­efu pró­sent í fyrra og í 22 pró­sent það sem af er ári.

Heims­mark­aðs­verð á mjöli er aftur á upp­leið eftir að hafa fall­ið ­stöðugt frá ára­mót­um, það hækk­aði um rúmt pró­sent í sept­em­ber eftir að hafa ­lækkað stöðugt frá fyrsta árs­fjórð­ung­i.  Verð á lýsi hefur rokið upp á síð­ustu miss­erum og er komið í yfir 2.500 Banda­ríkja­dali á tonn­ið. Meðal þess sem veldur hækk­andi verði á þessum afurðum eru erf­ið­leik­ar ­með ansjó­su­veiðar í Perú, sem standa undir yfir helm­ingnum af öllu seldu mjöli og lýsi í heim­in­um. Erf­ið­leik­arnir í Perú eru sem fyrr vegna El Nino.  Það spilar einnig inn í dæmið að Per­ú­menn ­setja ansjó­sur í vax­andi mæli í aðra vinnslu, þ.e. til mann­eld­is,  eins og nið­ur­suðu. Einnig má nefna líkur á dræmum loðnu­veiðum í vet­ur. Upp­hafs­kvót­inn innan íslensku lög­sög­unnar er aðeins 44­þús­und tonn og Norð­menn og Rússar hafa ákveðið að engin loðna verði veidd í Barnets­hafi á kom­andi ver­tíð.

Bent hefur verið á hér á kjarn­inn.is að skell­ur­inn af makríl­banni Rússa er snökktum minni en útgerðin hvað hann verða í byrj­un. 

Auglýsing

Kjarn­inn hefur heim­ildir fyrir því að úit­gerðir selj­i frystan mak­ríl á í kringum rétt rúm­lega 1.000 Banda­ríkja­dali á tonnið þessa dag­ana. Þetta er svipað afurða­verð og reikna má með að fáist úr tonn­inu af mak­ríl til­ bræðslu. Fyrr­greindar tölur sýna að skell­ur­inn af mak­ríl­bann­inu er tölu­vert undir tíu millj­örðum króna en ekki yfir 30 millj­örðum eins og sagt var í fyrst­u. SA gaf raunar út álit um að tapið yrði á bil­inu ell­efu til sautján millj­arðar króna þær ­upp­hæðir eru í hærri kant­inum miðað við þró­un­ina á mjöl og lýs­is­mörk­uð­u­m heims­ins í augna­blik­inu.

skip-765x510.jpg

Gríð­ar­leg aukn­ing í mjölvinnslu

Útflutn­ings­verð­mæti mjöls jókst um tæp 90 pró­sent frá ára­mótum og til ágúst­loka m.v. sama tíma­bil í fyrra. Og verð­mæti lýsis jókst um hátt í 30 pró­sent milli ára. Það var loðna sem var helsti bræðslu­fisk­ur­inn á þessu tíma­bili en ­tölur um hlut mak­ríls í bræðslu marg­fald­ast milli ára. Ef svo heldur sem horf­ir eru líkur á að verð­mæti mjöls og lýsis unnið úr mak­ríl á þessu ári nem­i gróf­lega reiknað um fjórð­ungi  til ­þriðj­ungi af heild­inni.

Á vef­síðu Hag­stof­unnar má sjá tölur um útflutn­ings­verð­mæt­i ­mjöls og lýs­is. Þar kemur fram að verð­mæti mjöls­ins nam tæpum 22 millj­örðum króna (fob verð) frá ára­mótum og til ágúst­loka í ár. Til sam­an­burðar nam verð­mæt­ið tæpum 11,6 millj­örðum kr. á sama tíma­bili í fyrra og jókst um 89,4 pró­sent. Verð­mæt­i ­lýsis fór úr tæpum 6 millj­örðum króna og í rúm­lega 7,5 millj­arða króna sem er aukn­ing um 26,7 pró­sent.

Mikil auk­ing á loðnu í bræðslu

Sem fyrr segir er það loðnan sem stendur að mestu leit­i undir þessum tölum þar til í sumar enda meir en þre­fald­að­ist loðnu­afl­inn á fisk­veiða­ár­inu 2014-2015 miðað við fyrra ár. Fór úr rúm­lega 110.000 tonnum og í yfir 350.000 tonn.  At­hygli vekur í töl­u­m ­Fiski­stofu að hlut­fall loðnu til bræðslu fer úr rúm­lega helm­ing í fyrra og í yfir 80% í ár. Það er einkum tvennt sem veldur þessu. Verð á fisk­mjöli var mjög hátt á fyrsta árs­fjórð­ung þessa árs, eða yfir 2.000 doll­urum á tonn­ið, og ­mark­aður fyrir frysta loðnu, einkum í Rúss­landi, var á nið­ur­leið. Ekki verð­ur­ brætt meira af loðnu á þessu ári og því hefur mjöl og lýsi unnið úr mak­ríl ­stöðugt aukið vægi sitt í heild­inni í sum­ar.

Tölur um mark­aðs­verð á mjöli og lýsi mið­ast við fram­leiðsl­una í Perú enda stendur hún undir yfir helm­ing af heims­mark­að­in­um. Þær sýna lýs­is­verðið yfir 2.500 Banda­ríkja­dölum á tonnið og mjöl­verðið yfir 1.500 ­Banda­ríkja­dali. Íslensku afurð­irnar eru verð­mæt­ari vegna hærra prótein­inni­halds og sem þum­al­fing­ur­reglu eru óhætt að bæta 150 til 200 Banda­ríkja­dölum á tonnið til að reikna út íslenska verð­ið.

Auk­ing mak­ríls marg­fald­ast

Tölur um afla sem ráð­stafað er til bræðslu ná til­ sept­em­ber­loka í ár en kjarn­inn.is fékk þær í fram­haldi af fyr­ir­spurn til­ ­Fiski­stofu. Þar kemur greini­lega fram við­brögð útgerð­ar­innar við frétt­unum af því í sumar að Rússar ætl­uðu sér að setja við­skipta­bann á Íslend­inga. Bann­ið var svo form­lega sett á í ágúst.

Eins og áður hefur komið fram var mark­að­ur­inn fyr­ir­ ­ís­lenskar sjáv­ar­af­urðir í Rúss­landi orð­inn þungur áður en bannið skall á. Það ­skýrir senni­lega að stórum hluta mikla hlut­falls­lega aukn­ingu á mjöl og ­lýs­is­vinnslu. Þannig jókst hlut­deild mak­ríls í bræðslu um yfir 200 pró­sent í maí og um 269 pró­sent í júní.  Í sept­em­ber eftir að makríl­bannið skall á fimm­fald­að­ist svo magnið milli ára. 

Það sem af er októ­ber er botn­inn síðan dott­inn úr makríl­bræðsl­unni enda veiðum lokið og enn fæst hærra verð fyrir frystar makríl­af­urðir en þær bræddu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Haukur V. Alfreðsson
Læsi og lífsgæði
Kjarninn 21. janúar 2021
Ursula von der Leyen, forseti framkvæmdastjórnar ESB.
ESB þrýstir á Biden til að setja tæknifyrirtækjunum þröngar skorður
Framkvæmdastjórn Evrópusambandsins fagnaði í gær innsetningu Joe Biden í embætti Bandaríkjaforseta, en hvatti til aukins samstarfs milli ríkjanna við að takmarka vald stóru tæknifyrirtækjanna.
Kjarninn 21. janúar 2021
ESA hefur verið með augun á íslensku leigubílalöggjöfinni allt frá árinu 2017.
ESA boðar samningsbrotamál út af íslensku leigubílalöggjöfinni
Þrátt fyrir að frumvarp um breytingar á lögum liggi fyrir Alþingi sendi Eftirlitsstofnun EFTA íslenskum stjórnvöldum bréf í dag og boðar að mögulega verði farið í mál út af núgildandi lögum, sem brjóti gegn EES-samningnum.
Kjarninn 20. janúar 2021
Joe Biden, forseti Bandaríkjanna, sór embættiseið sinn fyrr í dag.
Biden: „Það verður enginn friður án samheldni“
Joe Biden var svarinn í embætti forseta Bandaríkjanna fyrr í dag. Í innsetningarræðu sinni kallaði hann eftir aukinni samheldni meðal Bandaríkjamanna svo að hægt yrði að takast á við þau erfiðu verkefni sem biðu þjóðarinnar.
Kjarninn 20. janúar 2021
Helgi Hrafn Gunnarsson
Mikið fagnaðarefni að „nýfasistinn og hrottinn Donald Trump“ láti af embætti
Þingflokksformaður Pírata fagnar brotthvarfi Donalds Trump úr embætti Bandaríkjaforseta og bendir á að uppgangur nýfasisma geti átt sér stað ef við gleymum því að það sé mögulegt.
Kjarninn 20. janúar 2021
Frá miðstjórnarfundi hjá Alþýðusambandi Íslands í febrúar árið 2019.
Segja skorta á röksemdir fyrir sölu á hlut ríkisins í Íslandsbanka
Miðstjórn ASÍ mótmælir harðlega áformum um sölu á hlut ríkisins í Íslandsbanka, segir flýti einkenna ferlið og telur að ekki hafi verið færðar fram fullnægjandi röksemdir fyrir sölunni.
Kjarninn 20. janúar 2021
Gosi – ævintýri spýtustráks
Öll viljum við vera alvöru!
Leiklistargagnrýnandi Kjarnans fjallar um sýninguna Gosi – ævintýri spýtustráks sem sýnd er í Borgarleikhúsinu.
Kjarninn 20. janúar 2021
Á nýrri tölfræðisíðu sem sett var í loftið í dag má fylgjast með framgangi bólusetningar gegn COVID-19 hér á landi.
Tæplega 500 manns hafa þegar fengið tvær sprautur
Búið er að gefa rúmlega 40 prósent af Íslendingum yfir 90 ára aldri a.m.k. einn skammt af bóluefni og tæp 13 prósent þeirra sem eru 80-89 ára. Ný tölfræðisíða um bólusetningu hefur verið sett í loftið á vefnum covid.is.
Kjarninn 20. janúar 2021
Meira úr sama flokkiFréttaskýringar
None