Frystingu á sjö milljörðum Skúla Þorvaldssonar ekki lyft, ákært fyrir fjárdrátt

h_01514355-1.jpg
Auglýsing

Hér­aðs­dómur Reykja­víkur hafn­aði á mánu­dag beiðni Skúla Þor­valds­son­ar, sem var stærstu lán­tak­andi Kaup­þings í Lúx­em­borg fyrir hrun og stór hlut­hafi í bank­anum áður en hann hrundi, um að lyfta kyrr­setn­ingu á yfir sjö millj­örðum króna. Fjár­mun­irnir voru kyrr­settir að beiðni sér­staks sak­sókn­ara í tengslum við fjár­drátt­ar- og umboðs­svika­mál sem emb­ættið hefur höfðað gegn Skúla, Hreið­ari Má Sig­urðs­syni, fyrrum for­stjóra Kaup­þings, Magn­úsi Guð­munds­syni, fyrrum for­stjóra Kaup­þings í Lúx­em­borg, og Guðný Örnu Sveins­dótt­ur, fyrrum fjár­mála­stjóra bank­ans. Málið sem um ræðir er kennt við félagið Marple. RÚV greinir frá þessu.

Aðal­með­ferð í mál­inu hefst 7. sept­em­ber næst­kom­andi.

Fjöldi mála enn eftir



Kjarn­inn greindi frá því í júlí 2014 að emb­ætti sér­staks sak­sókn­ara hefði lagt hald á sam­tals 47 millj­ónir evra, um sjö millj­arða króna, í tengslum við rann­sókn á millj­arða króna fjár­drætti tengdum Kaup­þingi. Þetta kom fram í ákærunni í Marp­le-­mál­inu.

Þar eru hin Hreiðar Már, Magnús og Guðný meðal ann­ars ákærð fyrir fjár­drátt. Málið snýst um til­færslu á um átta millj­örðum króna úr sjóðum Kauþings til félags­ins Marple Hold­ing, í eigu Skúla, án þess að lög­mætar við­skipta­legar ákvarð­anir lægju þar að baki. Hin ákærðu eiga yfir höfði sér allt að sex ára fang­elsi verði þau fundin sek.

Auglýsing

Marp­le-­málið var fjórða ákæran sem emb­ætti sér­staks sak­sókn­ara birti þeim Hreið­ari Má og Magn­úsi. Þeir hlutu báðir þunga dóma í eina mál­inu sem hefur verið leitt til lykta til þessa, Al Than­i-­mál­inu. Þar hlaut Hreiðar Már fimm og hálfs árs dóm en Magnús fjög­urra ára dóm. Enn eru nokkur mál í rann­sókn sem tengj­ast Kaup­þingi. Heim­ildir Kjarn­ans herma að meðal þess sem enn er verið að rann­saka séu fleiri mögu­leg fjár­drátt­ar­mál.

Hreiðar Már Sigurðsson, fyrrum forstjóri Kaupþings, er einn sakborninganna í Marple-málinu. Hann hlaut fimm og hálfs árs dóm í Al Thani-málinu. Hreiðar Már hefur verið ákærður í þremur málum til viðbótar við Al Thani-málið. Hreiðar Már Sig­urðs­son, fyrrum for­stjóri Kaup­þings, er einn sak­born­ing­anna í Marp­le-­mál­inu. Hann hlaut fimm og hálfs árs dóm í Al Than­i-­mál­inu. Hreiðar Már hefur verið ákærður í þremur málum til við­bótar við Al Than­i-­mál­ið.

Hið upp­tæka eign rík­is­sjóðs nema aðrir vitji



Í ákærunni í Marp­le-­mál­inu kom fram að fund­ist hafi umtals­verðir fjár­munir í ýmsum erlendum fjár­mála­stofn­unum sem skráðir voru í eigu Skúla Þor­valds­sonar eða félaga hans. Ýmist var um að ræða eigna­söfn eða inn­stæð­ur. Eign­irnar voru frystar að beiðni emb­ættis sér­staks sak­sókn­ara þann 3. júní 2011. Þegar eign­irnar voru síð­ast virtar var virði þeirra 46,7 millj­ónir evra, eða um sjö millj­arðar króna.

Í ákærunni er gerð krafa um að Skúla og félögum hans verði gert að sæta upp­töku á þessum eignum með vísan til 69. greinar almennra hegn­ing­ar­laga. Sam­kvæmt þeirri grein skal hið upp­tæka vera eign rík­is­sjóðs. Þar segir hins vegar einnig: „Hafi ein­hver beðið tjón við brot­ið, skal hann þó eiga for­gang til and­virð­is­ins, ef bætur fást ekki á annan hátt“. Þrotabú Kaup­þings er klár­lega sá aðili sem hefur beðið tjón vegna brots­ins. Þrota­búið hefur hins vegar enn ekki gert til­kall til fjár­mun­anna. Það getur gert slíkt hvenær sem er, meira að segja eftir að dómur er fall­inn í mál­inu, en þangað til verða fjár­mun­irnir í eigu rík­is­sjóðs ef fall­ist verður á upp­töku­kröfu sér­staks sak­sókn­ara.

Kaup­þing gerir raunar kröfu á sak­born­ing­anna sjálfa í mál­inu. Búið fer fram á að Hreiðar Már, Magn­ús, Guðný og Skúli verði dæmd til að greiða því sam­tals um 6,1 millj­arð króna, um 15,7 millj­ónir evra og tæp­lega 3,6 millj­ónir dala.

Millj­arðar milli­færðir á Skúla



Þótt Marple hafi verið í eigu Skúla þá var félagið með skráð aðsetur hjá Kaup­þingi í Lúx­em­borg, starfs­menn þess banka sátu í stjórnum þeirra félaga sem sátu í stjórn þess og Magnús Guð­munds­son, for­stjóri bank­ans, „hafði umsjón með Marple og ann­að­ist fjár­fest­ingar og fjár­sýslu fyrir hönd félags­ins,“ sam­kvæmt ákærunni. Þeim Hreið­ari Má, Magn­úsi og Guð­nýju Örnu er gefið að hafa fært fjár­muni, um átta millj­arða króna, úr sjóðum Kaup­þings til Marple án þess að lög­mætar við­skipta­legar ástæður lægju þar að baki. Þetta bætti fjár­hags­stöðu Marple um sömu upp­hæð.

Í fyrsta kafla ákærunnar eru Hreiðar Már og Guðný Arna ákærð fyrir fjár­drátt en þeir Magnús fyrir hlut­deild í slík­um. Skúli er ákærður aðal­lega fyrir hylm­ingu en til vara fyrir pen­inga­þvætti. Málið snýst um milli­færslu á rúm­lega þremur millj­örðum króna af reikn­ingi Kaup­þings þann 17. des­em­ber 2007 inn á reikn­ing Kaup­þing í Lúx­em­borg sem var síðan færð þann 28. des­em­ber inn á reikn­ing Marple Hold­ing S.A. SPF, sem er í eigu Skúla Þor­valds­son­ar.

Í öðrum kafla hennar eru sömu sakir settar fram gagn­vart sama fólk­inu. Nú snýst málið um tæp­lega 3,1 millj­arða króna milli­færslur sem fór sömu leið um mán­að­ar­mótin jún­í/júli 2008.

Í ákærunni seg­ir: „Ákærðu klæddu ein­hliða fjár­muna­færslur í bún­ing tví­hliða við­skipta milli Kaup­þings hf. og Marple og sköl voru útbúin eftir á sem ætlað var að sýna fram á að við­skipti hefðu átt sér stað[…]Þau gögn sem ákærðu útbjuggu vegna hinna til­búnu við­skipta höfðu þann eina til­gang að leyna hinu rétta eðli fjár­muna­færsln­anna og fela þannig auðg­un­ar­brot­in. Þrátt fyrir ítar­lega leit hafa samn­ing­ar, sem rétt­lætt gætu færsl­urn­ar, ekki fund­ist hjá Kaup­þing­i“.

Gefið að hafa keypt skulda­bréf lang yfir mark­aðsvirði



Í þriðja kafla ákærunnar er þeim Hreið­ari Má og Guð­nýju Örnu gefið af hafa framið umboðs­svik og Magn­úsi gefið að hafa átt hlut­deild í slíkum vegna við­skipta sem áttu sér stað 20. maí 2008. Skúli er ákærður fyrir hylm­ingu og til vara fyrir pen­inga­þvætti. Í þessum hluta eiga Hreiðar Már og Guðný Arna að hafa átt að mis­nota aðstöðu sína með því að láta Kapu­þing kaupa skulda­bréf útgefin af bank­anum sjálfum af Marple á nafn­verði bréf­anna að við­bættum áföllnum vöxtum fyrir um 57,5 millj­ónir evra og 45,4 millj­ónir dala. Sam­kvæmt ákæru var þetta kaup­verð „langt yfir mark­aðs­verði skulda­bréf­anna og ollu Kaup­þingi hf. með því fjár­tjón­i“.

Í ákærunni segir að Magnús hafi, að und­ir­lagi Hreið­ars Más, látið Kaup­þing í Lúx­em­borg kaupa þessi sömu skulda­bréf með miklum afföllum í apríl og maí 2008 en selja þau síðan til Marple á sama verði og þau voru keypt. Þegar Kaup­þing á Íslandi keypti svo skulda­bréfin aftur nokkrum dögum síðar sat mis­mun­ur­inn, hagn­að­ur­inn, eftir í Marp­le, félagi í eigu Skúla sem Magnús stýrði. Alls nam þessi hagn­aður tæpum 2,1 millj­arði króna miðað við gengið í maí 2008.

Hægt er að lesa ákæruna í heild sinni hér.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Viðskipti með hlutabréf lækkuðu um 60 prósent milli ára
Mest viðskipti voru með hlutabréf í Marel í nýliðnum mánuði en flest viðskipti voru með hlutabréf í Icelandair.
Kjarninn 4. ágúst 2020
Þórólfur Guðnason sóttvarnalæknir.
Þórólfur segir „komið að stjórnvöldum“ að taka ákvarðanir
Við þurfum að læra að lifa með kórónuveirunni næstu mánuði og jafnvel ár og því er komið að hafa sjónarmið annarra en sóttvarnalæknis í ákvarðanatöku. „Ég held að það sé komið að stjórnvöldum að koma meira inn í það,“ segir Þórólfur Guðnason.
Kjarninn 4. ágúst 2020
Það verður ekkert Reykjavíkurmaraþon í ár.
Reykjavíkurmaraþoni Íslandsbanka aflýst
Reykjavíkumaraþoni Íslandsbanka, sem fram átti að fara 22. ágúst, hefur verið aflýst. Allar skráningar í hlaupið verða færðar fram um eitt ár, en þeir sem þess óska geta fengið endurgreiðslu.
Kjarninn 4. ágúst 2020
Víðir Reynisson og Þórólfur Guðnason sýna hér hvað tveir metrar eru um það bil langir.
Víðir: Rýmisgreind fólks er mismunandi
Meirihluti þeirra sem sýkst hefur af COVID-19 síðustu daga er ungt fólk. Landlæknir segir engan vilja lenda í því að sýkja aðra og biðlar til ungs fólks og aðstandenda þeirra að skerpa á sóttvarnarreglum.
Kjarninn 4. ágúst 2020
Rannsókn á Lindsor-málinu í Lúxemborg lokið og því vísað til saksóknara
Tæpum tólf árum eftir að aflandsfélagið Lindsor Holding fékk lán frá Kaupþingi til að kaupa verðlítil skuldabréf, meðal annars af starfsmönnum bankans í Lúxemborg, er rannsókn á málinu lokið þar í landi.
Kjarninn 4. ágúst 2020
83 nú með COVID-19
Þrjú ný tilfelli COVID-19 greindust hér á landi í gær, tvö hjá sýkla- og veirufræðideild Landspítala og eitt hjá Íslenskri erfðagreiningu. 83 eru því með virk smit af kórónuveirunni og í einangrun.
Kjarninn 4. ágúst 2020
Ketill Sigurjónsson
Lokun álversins í Tiwai Point og veikleikar stóru íslensku orkufyrirtækjanna
Kjarninn 4. ágúst 2020
Þórólfur Guðnason sóttvarnalæknir.
Þórólfur: Ekki lengur aðeins sóttvarnamál
Baráttan við kórónuveiruna er ekki lengur aðeins sóttvarnamál heldur einnig pólitískt og efnahagslegt. „Það eru fleiri sem þurfa að koma að borðinu,“ segir Þórólfur Guðnason sóttvarnalæknir.
Kjarninn 4. ágúst 2020
Meira eftir höfundinnÞórður Snær Júlíusson
Meira úr sama flokkiFréttaskýringar
None