Hagnaður bankanna frá hruni kominn í 400 milljarða króna

bankar_island.jpg
Auglýsing

Stóru við­skipta­bank­arnir þrír, Arion banki, Íslands­banki og Lands­bank­inn högn­uð­ust sam­tals um 26,7 millj­arða króna á fyrstu þremur mán­uðum árs­ins í ár. Það er rúmum tíu millj­örðum króna meira en á sama tíma­bili í fyrra. Rúmur helm­ingur þess hagn­aðar varð hjá Arion banka. Þetta kemur fram í upp­gjörum bank­anna þriggja fyrir fyrsta árs­fjórð­ung sem birt voru í þess­ari viku.

Alls hafa bank­arnir þrír því hagn­ast um 397,3 millj­arða króna frá því að þeir voru búnir til úr inn­stæðum Íslend­inga og eignum föllnu bank­anna Kaup­þings, Glitnis og Lands­banka Íslands haustið 2008.

Sem fyrr er uppi­staðan í hagn­aði bank­anna tekjur af öðrum rekstri en grunn­rekstri. Þar skiptir virð­is­breyt­ing á hluta­bréfa­eign mestu máli.

Auglýsing

 

Mikil hækkun á virði hluta­bréfa

Arion banki hagn­að­ist um 14,9 millj­arða króna á fyrsta árs­fjórð­ungi árs­ins 2015, eða um 165 millj­ónir króna á dag að með­al­tali. Hagn­aður bank­ans á sama tíma í fyrra var 2,9 millj­arðar króna. Hann fimm­fald­að­ist því á milli ára.

Hagn­að­ur­inn er að lang­mestu leyti til­kom­inn vegna ein­skipt­is­at­burða á borð við skrán­ingu og sölu bank­ans á hlutum í fast­eigna­fé­lag­inu Reitum og alþjóða­lega drykkja­fram­leið­and­anum Refresco Ger­ber. Alls nam hagn­aður vegna þessa liðs 7,5 millj­örðum króna, en hann er ekki sund­ur­liður niður á ein­stakar eign­ir. Ljóst má þó vera að skrán­ingu Refresco í Hollandi skiptir þarna mestu máli. Til sam­an­burðar má nefna að sami lið­ur, hagn­aður af fjár­fest­ing­um, skil­aði Arion banka 334 millj­ónum króna á fyrstu þremur mán­uðum árs­ins 2014.

Tekju­lið­ur­inn hefur því meira en tutt­ugu­fald­ast á milli ára. Hagn­aður af reglu­legri starf­semi á tíma­bil­inu nam fjórum millj­örðum króna sam­an­borið við 1,7 millj­arða á sama tíma­bili 2014 og heild­ar­eignir námu 1.004,3 millj­örðum króna sam­an­borið við 933,7 millj­arða króna í árs­lok 2014. Eig­in­fjár­hlut­fall Arion banka í lok mars var 23,9 pró­sent. Vaxta- og þókn­ana­tekjur Arion banka voru 9,6 millj­arða króna á tíma­bil­inu og eig­in­fjár­hlut­fall bank­ans er 23,9 pró­sent.

Hefur hagn­ast mest allra frá hruni

Hagn­aður Lands­bank­ans á fyrsta árs­fjórð­ungi 2015 var 6,4 millj­arðar króna eftir skatta. Það er 2,1 millj­arði krónum meiri hagn­aður en á sama tíma­bili í fyrra. Íslenska ríkið á Lands­bank­ann að mestu, en lítil hlutur er í eigu starfs­manna hans. Aðrar rekstr­ar­tekjur bank­ans en af grunn­rekstri á árs­fjórð­ungnum voru um fimm millj­arða króna. Þær voru að miklum hluta til komnar vegna auk­ins hagn­aðar af hluta­bréf­um. Lands­bank­inn á hlut í nokkuð mörgum skráðum félög­um. Þau eru Reg­inn, Reit­ir, Mar­el, N1, Voda­fone og Nýherji.

Vaxta- og þjón­ustu­tekjur bank­ans voru um 8,9 millj­arðar króna og eig­in­fjár­hlut­fallið er 26,7 pró­sent. Lands­bank­inn er áfram með mesta mark­aðs­hlut­deild í nýjum íbúða­lán­um. Á fyrsta fjórð­ungi juk­ust þau veru­lega og námu ný lán 12,8 millj­örðum króna, en voru 8,5 millj­arðar á sama tíma á síð­asta ári. Lands­bank­inn bætti líka lang­mestu við sig af íbúða­lánum allra á síð­asta ári. Alls juk­ust íbúða­lán bank­ans til ein­stak­linga þá um 39 millj­arða króna.



Sá eini sem græddi minna en í fyrra



Ís­lands­banki hagn­að­ist um 5,4 millj­arða króna á árs­fjórð­ungn­um. Hann er eini bank­inn sem skilar minni hagn­aði en hann gerði á sama tíma í fyrra, þegar bank­inn græddi 8,4 millj­arða króna. Ástæðan er ein­fald­lega sú að tekjur af ein­skipt­isliðum á borð við hagnað af aflagðri starf­semi var mun meiri þá en nú.

Alls námu rekstr­ar­tekjur bank­ans ell­efu millj­örðum króna og mun­aði þar mest um vaxta- og þókn­ana­tekjur sem sam­tals námu um níu millj­örðum króna. Það eru um 83 pró­sent af rekstr­ar­tekjum hans. Fjár­muna­tekjur eru þó eftir sem áður stór tekju­liður hjá bank­an­um, en þær voru 1,7 millj­arður króna á fyrstu þremur mán­uðum árs­ins. Eig­in­fjár­hlut­fall ‚Is­lands­banka er 28,4 pró­sent.

Í upp­gjörstil­kynn­ingu bank­ans kemur fram að mikil aukn­ing hafi orðið í nýjum hús­næð­is­lánum hjá hon­um. Miðað við sama tíma­bil í fyrra nemur aukn­ingin tæpum 60 pró­sent­um.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Samtal við samfélagið – English
Samtal við samfélagið – English
Samtal við samfélagið – Climate Strikes and Societal Responsibility
Kjarninn 22. október 2019
Samtal við samfélagið – English
Samtal við samfélagið – English
Samtal við samfélagið – Women in prison
Kjarninn 21. október 2019
Curio hlaut Nýsköpunarverðlaunin
Elliði Hreinsson er framkvæmdastjóri og stofnandi Curio.
Kjarninn 21. október 2019
Ef ég væri VG þá myndi ég láta mig hverfa
Björn Leví Gunnarsson, þingmaður Pírata, gagnrýndi stjórnvöld fyrir stefnuleysi í málefnum fjármálakerfisins og mögulega sölu á eignarhlutum í ríkisbönkunum.
Kjarninn 21. október 2019
Samkvæmisleikur að geta til um stefnu stjórnvalda í bankamálum
Oddný Harðardóttir, þingmaður Samfylkingarinnar, var málshefjandi umræðu um sölu á ríkisbönkunum. Bjarni Benediktsson, fjármála- og efnahagsráðherra, minnti hana á að hún hefði mælt fyrir frumvarpi sem ráðherra um sölu á bönkum.
Kjarninn 21. október 2019
Jón Grétar Guðjónsson
Ekki láta góða kreppu fara til spillis – nýttu hana sem tækifæri
Kjarninn 21. október 2019
Þórður Snær Júlíusson
Það er ekki ósmekklegt að segja satt
Kjarninn 21. október 2019
Sigurður Ingi Jóhannsson
„Sárt og óþolandi að vera bendlaður við þessi spillingarmál“
Samgöngu- og sveitarstjórnarráðherra sést bregða fyrir í nýrri kvikmynd um Panamaskjölin og lögfræðistofuna Mossack Fonseca. Hann segir að eins og honum þyki það sárt og óþolandi að vera bendlaður við þessi spillingarmál þá verði myndinni vart breytt.
Kjarninn 21. október 2019
Meira eftir höfundinnÞórður Snær Júlíusson
Meira úr sama flokkiFréttaskýringar
None