Hreiðar Már, Sigurður og Magnús ákærðir á ný

000_ParVef.jpg
Auglýsing

Emb­ætti sér­staks sak­sókn­ara hefur ákært Hreiðar Má Sig­urðs­son, Sig­urð Ein­ars­son og Magnús Guð­munds­son, fyrrum stjórn­endur Kaup­þings, vegna kaupa á skulda­bréfu tengdum skulda­trygg­ing­ar­á­lagi Kaup­þings  og lán­veit­inga vegna þeirra kaupa. Grunur leikur á umboðs­svik og hlut­deild í slíku brot­i.  Ákær­urnar voru birtar mönn­unum þremur í vik­unni og málið verður þing­fest 11. júní næst­kom­andi. Þetta er þriðja ákæran sem emb­ættið birtir mönn­unum þrem­ur. Þeir hafa þegar hlotið dóm í svoköll­uðu Al-T­hani máli.

Í aðdrag­anda falls Kaup­þings veitti bank­inn lán til nokk­urra við­skipta­manna sinna vegna fjár­fest­inga í afleiðu­samn­ing­um, skulda­bréf­um, tengdum skulda­trygg­ing­ar­á­lagi Kaup­þings. Tjón Kaup­þings vegna lán­anna er að minnsta kosti 510 millj­ónir evra, sam­kvæmt gæslu­varð­halds­úr­skurði yfir  Magn­úsi Guð­munds­syni frá árinu 2010, en málið hefur verið til rann­sóknar árum sam­an.

Gerum þetta, „ekki spurn­ing“



Í byrjun febr­úar 2008 fékk Kaup­þing þýska stór­bank­ann Deutsche Bank sér til ráð­gjafar um hvernig bank­inn gæti haft áhrif á síhækk­andi skulda­trygg­ing­ar­á­lag á sig. Sum­arið eftir sendi starfs­maður Deutsche Bank hug­mynd um við­skipti með láns­hæf­istengd skulda­bréf sem hann taldi að gætu hjálpað til við þetta. Í skýrslu rann­sókn­ar­nefndar Alþingis segir að „í tölvu­bréfum sem gengu á milli Sig­urðar Ein­ars­sonar og Hreið­ars Más Sig­urðs­sonar í fram­hald­inu komu þeir sér saman um að ekki þurfti að fá líf­eyr­is­sjóði með í planið en að þetta skuli þeir gera „ekki spurn­ing“.

Alls var skulda­trygg­ingin sem um ræðir 750 millj­ónir evra, sem á þeim tíma var á bil­inu 80-90 millj­arðar króna, en væri í dag um 117 millj­arðar króna. Í skýrslu rann­sókn­ar­nefndar Alþingis seg­ir:„Í upp­hafi var ætl­unin að þrjú félög tækju þátt í þessu en þau voru í eigu sex ein­stak­linga sem voru í miklum við­skiptum við Kaup­þing. Þessi þrjú félög áttu að kaupa láns­hæf­istengd skulda­bréf að nafn­virði 125 millj­ónir evra hvert, með trygg­ingu upp á 250 millj­ónir hvert. Svo virð­ist þó sem við­skiptin hafi ekki átt sér stað við eitt félagið þegar á hólm­inn var kom­ið. Eig­endur tveggja félaga fengu 130 millj­ónir evra að láni frá Kaup­þingi í Lúx­em­borg. 125 millj­ónir evra voru eig­in­fjár­fram­lag til félag­anna en 5 millj­ónir evra gengu til greiðslu þókn­unar til Deutsche Bank. Þar sem samn­ing­ur­inn var 250 millj­óna evra virði þá fengu félögin 125 millj­ónir evra að láni frá Deutsche Bank og var lánið með ákvæði um gjald­fell­ingu ef skulda­trygg­ing­ar­á­lag færi upp fyrir ákveðin mörk.“

Auglýsing

Vild­ar­við­skipta­vinir gátu grætt, en aldrei tapað



Frá 29. ágúst til 8. októ­ber 2008 lán­aði Kaup­þing alls 510 millj­ónir evra, sem í dag eru tæp­lega 80 millj­arðar króna, í þessi skulda­trygg­inga­við­skipti. Ekk­ert eigið fé var lagt í við­skiptin heldur voru þau að fullu fjár­mögnuð af Kaup­þingi. Félögin sem fengu lánin hétu Tren­vis Limited, Holly Beach S.A.,Charbon Capi­tal LTd. og Harlow Equities S.A. Þau félög lán­uðu 250 millj­ónir evra til félag­anna Chesterfi­eld United Inc. og Partridge Mana­gement Group til að þau gætu keypt skulda­bréf tengd skulda­trygg­ing­ar­á­lagi Kaup­þings. Auk þess lán­aði Kaup­þing 250 millj­ónir evra til Chesterfi­eld og Partridge til að mæta veð­köllum frá Deutsche Bank vegna kaupanna.  Öll umrædd félög voru eign­ar­laus og eig­endur þeirra voru vild­ar­við­skipta­vinir Kaup­þings, sem hefðu grætt ef við­skiptin hefðu skilað arði en gátu aldrei tapað krónu. Þeir voru Skúli Þor­valds­son, Ólafur Ólafs­son, Kevin Stan­ford og Karen Mil­len og Ant­on­i­ous Yer­olemou. Auk þess stóð til að hinn nú þekkti Sjeik Al-T­hani myndi líka taka þátt í sams­konar við­skipt­um. Ekk­ert varð af þeim við­skiptum annað en að félagið Brooks, í eigu Al-T­hani, fékk 50 millj­ónir dala lán­að­ar.

Hreiðar Már Sig­urðs­son sagði við skýrslu­töku hjá rann­sókn­ar­nefnd Alþingis „að það hefði ekki verið neitt nema hagn­að­ar­von hjá við­skipta­vinum bank­ans sem seldu þessar skulda­trygg­ing­ar, það er ef bank­inn færi í greiðslu­þrot þá væri hagn­aður núll en ef hann væri enn í rekstri í októ­ber 2013 þá myndu þessir við­skipta­vinir hagn­ast. Því til við­bótar sagði Hreið­ar: "Ja, þetta var, við töldum að þetta væri þess virði að gera þetta, eins og ég segi, við töldum að við værum að nota fjár­muni bank­ans á ágæt­legan hátt, fá ágætis tekjur af þeim fjár­mun­um.Við töldum að það væri mik­il­vægt að athuga hvort þessi mark­aður væri raun­veru­legur eða ekki og við töldum að þetta væri gott fyrir þessa við­skipta­vini, sem voru stórir við­skipta­vinir og borg­uðu okkur fullar þókn­anir og skuld­uðu okkur nátt­úru­lega pen­inga, svo það að staða þeirra mundi batna væri gott fyrir bank­ann."

Síð­ustu lánin veitt eftir gild­is­töku neyð­ar­laga og veit­ing neyð­ar­láns



Í áður­nefndum gæslu­varð­halds­úr­skurði yfir Magn­úsi Guð­munds­syni kemur fram að sér­stakur sak­sókn­ari telji „að umræddar lán­veit­ingar hafi falið í sér mjög mikla fjár­tjóns­hættu fyrir Kaup­þing banka hf. Gríð­ar­lega háar fjár­hæðir hafi verið lán­aðar eign­ar­lausum félögum til afar áhættu­samra við­skipta og hags­munum hlut­hafa og kröfu­hafa með því stefnt í stór­fellda hættu. Síð­ustu lán­veit­ing­arnar hafi átt sér stað eftir gild­is­töku neyð­ar­lag­anna og veit­ingu Seðla­banka Íslands á 500.000.000 EUR neyð­ar­láni til Kaup­þings banka hf.“

Við rann­sókn máls­ins hafi komið fram upp­lýs­ingar um að æðstu stjórn­endur Kaup­þings, þeir Sig­urður Ein­ars­son, starf­andi stjórn­ar­for­mað­ur, Hreiðar Már Sig­urðs­son, for­stjóri, og Magnús Guð­munds­son, for­stjóri Kaup­þings í Lúx­em­borg, hefðu tekið ákvarð­anir um umræddar lán­veit­ingar og við­skipti. Þeir hafa nú verið ákærðir vegna þeirra. Þetta er þriðja ákæran sem mönn­unum þremur er birt vegna verka þeirra fyrir Kaup­þing fyrir hrun.  Auk þess eru fleiri mál á hendur þeim enn í rann­sókn.

Í des­em­ber síð­ast­liðnum var Hreiðar Már dæmdur í fimm og hálfs árs fang­elsi í Al-T­hani mál­inu svo­kall­aða. Sig­urður hlaut fimm ára dóm í sama máli og Magnús þriggja ára dóm. Dómnum var áfrýjað til Hæsta­rétt­ar. Auk þess eru menn­irnir þrír allir á meðal þeirra lyk­il­starfs­manna Kaup­þings sem hafa verið ákærðir fyrir umfangs­mikla mark­aðs­mis­notkun á tíma­bil­inu 1. nóv­em­ber 2007 til 8. októ­ber 2008.

 

 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Rauða kjötið: Áætlunin sem á að bjarga Boris
Pólitísk framtíð Boris Johnson er um margt óljós eftir að hann baðst afsökunar á að hafa verið viðstaddur garðveislu í Downingstræti í maí 2020 þegar útgöngubann vegna COVID-19 var í gildi. „Rauða kjötið“ nefnist áætlun sem á að halda Johnson í embætti.
Kjarninn 17. janúar 2022
Þórhildur Sunna Ævarsdóttir þingmaður Pírata.
Spurði forsætisráðherra út í bréfið til Kára
Þingmaður Pírata spurði forsætisráðherra á þingi í dag hver tilgangurinn með bréfi hennar til forstjóra ÍE hefði verið og hvers vegna hún tjáði sig um afstöðu sína gagnvart úrskurði Persónuverndar við forstjóra fyrirtækisins sem úrskurðurinn fjallaði um.
Kjarninn 17. janúar 2022
Mun meira kynbundið ofbeldi í útgöngubanni
Þrátt fyrir að útgöngubann auki verulega líkur á ofbeldi gagnvart konum og transfólki hefur málaflokkurinn fengið lítið sem ekkert fjármagn í aðgerðum stjórnvalda víða um heim til að bregðast við afleiðingar heimsfaraldursins.
Kjarninn 17. janúar 2022
Heimild til að slíta félögum sett í lög 2016 – Fyrsta tilkynning send út 2022
Fyrir helgi sendi Skatturinn í fyrsta sinn út tilkynningar til 58 félaga sem hafa ekki skilað inn ársreikningum þar sem boðuð eru slit á þeim. Lögin voru sett árið 2016 en ráðherra undirritaði ekki reglugerð sem virkjaði slitaákvæðið fyrr í haust.
Kjarninn 17. janúar 2022
Umfjallanir um liprunarbréf Jakobs Frímanns og „Karlmennskuspjallið“ ekki brot á siðareglum
Hvorki DV né 24.is brutu gegn siðareglum Blaðamannafélags Íslands með umfjöllunum sínum um Jakob Frímann Magnússon annars vegar og „Karlmennskuspjallið“ hins vegar.
Kjarninn 17. janúar 2022
Greiðslubyrðin svipuð og fyrir faraldurinn
Í kjölfar mikilla vaxtalækkana hjá Seðlabankanum lækkuðu afborganir af húsnæðislánum til muna. Þessi lækkun er nú að miklu leyti gengin til baka, þar sem bæði húsnæðisverð og vextir hafa hækkað á undanförnum mánuðum.
Kjarninn 17. janúar 2022
Ármann Kr. Ólafsson hefur verið oddviti Sjálfstæðisflokksins í Kópavogi og bæjarstjóri frá árinu 2012.
Ármann ætlar ekki að gefa kost á sér til endurkjörs í Kópavogi
Ármann Kr. Ólafsson oddviti Sjálfstæðisflokksins og bæjarstjóri í Kópavogi frá árinu 2012 ætlar ekki að sækjast eftir endurkjöri í sveitarstjórnarkosningunum í maí.
Kjarninn 17. janúar 2022
Það að skipa stjórn yfir Landspítala var á meðal mála sem stjórnarflokkarnir náðu saman um í nýjum stjórnarsáttmála.
Sjö manna stjórn yfir Landspítala verði skipuð til tveggja ára í senn
Skipunartími stjórnarmanna í nýrri stjórn Landspítala verður einungis tvö ár, samkvæmt nýjum frumvarpsdrögum. Talið er mikilvægt að hægt verði að skipa ört í stjórnina fólk sem hefur sérþekkingu á þeim verkefnum sem Landspítali tekst á við hverju sinni.
Kjarninn 17. janúar 2022
Meira eftir höfundinnÞórður Snær Júlíusson
Meira úr sama flokkiFréttaskýringar
None