Kaup- og söluréttur Landsbankans í Húsasmiðjunni metinn á 225 milljónir króna

husaplusblar_himinn_03-1.jpg
Auglýsing

Félag í eigu Lands­bank­ans hefur eign­fært kaup- og sölu­rétt sinn í félagi um rekstur Húsa­smiðj­unnar á 225 millj­ónir króna. Félag­ið, Holta­vegur 10 ehf., seldi rekstur Húsa­smiðj­unnar til Bygma Gruppen A/S fyrir 760 millj­ónir króna í byrjun árs 2012. Sam­hliða söl­unni hélt félagið eftir 30 pró­sent kaup­rétti í félagi Bygma um rekstur Húsa­smiðj­unn­ar. Sá rétt­ur, ásamt sölu­rétt á hlutn­um, er nú met­inn á 225 millj­ónir króna í bókum félags­ins. Þetta kemur fram í árs­reikn­ingi Holta­vegs 10 ehf. fyrir árið 2014 sem skilað var inn til árs­reikn­ing­ar­skráar í vik­unni.

Um tólf millj­arða króna afskriftir



Lands­bank­inn tók yfir Húsa­smiðj­una í októ­ber 2009. Þá var allt hlutafé afskrifað og bank­inn breytti 10,2 millj­örðum króna af skuldum í nýtt hluta­fé. Um var að ræða 70 pró­sent af öllum vaxta­ber­andi skuldum Húsa­smiðj­unnar við lána­stofn­an­ir. Fyr­ir­tæk­inu var síðan komið fyrir innan Vestia ehf. sem var síðar selt til Fram­taks­sjóðs Íslands (FSÍ). Í jan­úar 2012 breytti Lands­bank­inn einum millj­arði króna til við­bótar af skuldum Húsa­smiðj­unnar í nýtt hlutafé og við það eign­að­ist Hömlur ehf., félag í eigu bank­ans, eign­ar­hlut í fyr­ir­tæk­in­u. Það keypti síðar hlut FSÍ og átti þá Holta­veg 10 að öllu leyti.

Rekstur fyr­ir­tæk­is­ins var loks seldur til danska bygg­ing­ar­vöruris­ans Bygma í upp­hafi árs 2012 fyrir 760 millj­ónir króna auk þess sem Bygma tók yfir 2,5 millj­arða króna skuld­ir. Sam­hliða var nafni gömlu Húsa­smiðj­unnar breytt í Holta­veg 10 ehf. og tölu­vert af draugum for­tíðar skildir eftir þar inni. Á meðal þess var mögu­leg end­ur­á­lagn­ing skatta og mögu­lega sam­keppn­is­sekt. Þessir draugar hafa kostað félagið skild­ing­inn. Á und­an­förnum árum hefur Holta­vegur 10 greitt rúman millj­arð króna í end­ur­á­lagn­ingu skatta og vegna sam­keppn­is­sekt­ar. Því hafa allar eignir félags­ins, að með­töldu sölu­and­virð­inu vegna rekst­urs Húsa­smiðj­unn­ar, farið í að greiða skatta og sekt­ir.

Landsbankinn er endanlegur eigandi Holtavegs 10 ehf. Bankinn á því kaup- og sölurétt á 30 prosent hlut í Húsasmiðjunni. Lands­bank­inn er end­an­legur eig­andi Holta­vegs 10 ehf. Bank­inn á því kaup- og sölu­rétt á 30 pros­ent hlut í Húsa­smiðj­unn­i.

Auglýsing

Sölu­and­virðið allt í skatta og sektir



Fyrsta stóra áfallið reið yfir í lok árs 2011 þegar emb­ætti rík­is­skatt­stjóra til­kynnti að Húsa­smiðjan skuld­aði rúm­lega 700 millj­ónir króna í skatta vegna svo­kall­aðs öfugs sam­runa sem fyrrum eig­endur hennar höfðu ráð­ist í. Í slíkum sam­runa felst að eign­ar­halds­fé­lag er sett á fót og það kaupir rekstr­ar­fé­lag með láns­fé. Eign­ar­halds­fé­lagið er síðan látið renna inn í rekstr­ar­fé­lagið og þar með er skuld­unum sem stofnað var til við kaupin komið inn í rekst­ur­inn sem þær voru not­aðar til að kaupa.

Til­kynn­ing um end­ur­á­lagn­ingu skatt­anna kom þegar langt var liðið á sölu­ferli Húsa­smiðj­unn­ar, en Bygma var þá við að kaupa hana. Vegna skatta­vand­kvæð­anna var rekstur Húsa­smiðj­unnar settur yfir á nýja kenni­tölu, 2,5 millj­arðar króna af skuldum hennar líka og nýja kennitalan seld til Bygma fyrir 760 millj­ónir króna.

Eftir í gömlu Húsa­smiðj­unni voru skildar eignir sem voru metnar á 240 millj­ónir króna og kaup­verð­ið, 760 millj­ónir króna. Þetta var meðal ann­ars skilið eftir til að borga skatta­skuld­ina og mögu­lega sekt vegna sam­keppn­is­brota. 2011.

Sam­keppn­is­eft­ir­litið til­kynnti síðan í fyrra­sumar að gamla Húsa­smiðjan  hefði náð sátt við sam­keppn­is­yf­ir­völd sem fól í sér að hún við­ur­kenndi að hafa brotið sam­keppn­is­lög með umfangs­miklu ólög­mætu sam­ráði við Byko. Þar sem gamla Húsa­smiðjan við­ur­kenndi brot sitt og var til­búin að gera sátt tald­i ­Sam­keppn­is­eft­ir­litið rétt­læt­an­legt að leggja á félagið lægri stjórn­valds­sekt en ella. Það var því ákveðið að hún yrði 325 millj­ónir króna. Málið er afrakstur marg­hátt­aðra aðgerða, meðal ann­ars hús­leita og sím­hleranna, sem Sam­keppn­is­eft­ir­litið réðst í vorið 2011 vegna gruns um sam­keppn­is­brot hjá Húsa­smiðj­unni, Byko og Úlf­in­um.

Þessi sekt var greidd á árinu 2014, sam­kvæmt árs­reikn­ingi Holta­vegs 10 ehf.

Vildu end­ur­heimta hluta afskrifta ef betur gengi



Sam­hliða söl­unni á rekstri Húsa­smiðj­unnar til Bygma var gert sam­komu­lag um að Holta­sel 10, félag í eigu rík­is­bank­ans Lands­banka, ætti kaup­rétt á 30 pró­sent hlut í félag­inu sem stofnað var utan um rekst­ur­inn. Hægt er að nýta rétt­inn á tíma­bil­inu 1. maí 2015 til 30. apríl 2020.

Til­gang­ur­inn var sá að gefa Lands­bank­anum tæki­færi til að end­ur­heimta hluta af þeim millj­arða­skuldum gömlu Húsa­smiðj­unnar sem hann hafði afskrifað ef rekst­ur­inn á nýju kenni­töl­unni gengi bet­ur. Útfærslan er bæði með kaup­rétti og kaup­skyldu og því kemur ekki til að Lands­bank­inn, eða félög í hans eigu, eigi þennan tæpa þriðj­ungs­hlut til lang­frama.

Rekstur Húsa­smiðj­unnar hefur ekki verið mjög ábata­samur þessi fyrstu ár eftir að Bygma keypti hann. Árið 2012 tap­aði fyr­ir­tækið 179 millj­ónum króna og árið 2013 175 millj­ónum króna. Fyr­ir­tækið hefur ekki skilað inn árs­reikn­ingi vegna árs­ins 2014.

Í nýbirtum árs­reikn­ingi Holta­vegs 10 er þessi kaup- og sölu­réttur eign­færður í fyrsta sinn og sagður 225 milljón króna virði. Verð­mið­inn miðar við 18 pró­sent ávöxt­un­ar­kröfu.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Rósa Björk Brynjólfsdóttir, þingmaður VG.
Kallar eftir heildstæðri úttekt á starfsháttum og viðskiptaháttum Samherja
Rósa Björk Brynjólfsdóttir, þingmaður VG, segir að enn sé margt mjög óljóst og óskýrt eftir að hafa rætt við sjávarútvegsráðherra á fundi atvinnuveganefndar í gær. Þar á meðal hæfi ráðherra til að byggja upp traust í kjölfar Samherjamálsins.
Kjarninn 21. nóvember 2019
Unnur Gunnarsdóttir, forstjóri Fjármálaeftirlitsins.
FME kallar eftir upplýsingum frá íslenskum bönkum um Samherja
Íslensku bankarnir eiga að upplýsa Fjármálaeftirlitið um það hvernig eftirliti þeirra með viðskiptum við Samherja hafi verið háttað.
Kjarninn 21. nóvember 2019
James Hatuikulipi.
Enn einn „hákarlinn“ fellur – Hatuikulipi segir af sér
Allir þrír áhrifamennirnir í Namibíu sem tryggðu Samherja kvóta á undirverði gegn ætluðum mútugreiðslum hafa nú sagt af sér.
Kjarninn 20. nóvember 2019
Mussila hlýtur Norrænu EdTech verðlaunin
Sprotafyrirtækið Mussila framleiðir hugbúnað sem kennir börnum tónlist í gegnum skapandi umhverfi.
Kjarninn 20. nóvember 2019
Vitundarvarpið
Vitundarvarpið
Vitundarvarpið – Lífið breyttist eftir að Kamilla kynntist kakóinu
Kjarninn 20. nóvember 2019
Lilja Alfreðsdóttir, mennta- og menningarmálaráðherra.
Menntamálaráðuneytið telur sig hafa uppfyllt eftirlitsskyldu sína með RÚV
Mennta- og menningarmálaráðuneytið tekur ekki afstöðu til ábend­ingar Rík­is­end­ur­skoð­unar um að færa eign­ar­hlut rík­is­ins í RÚV til fjár­mála- og efna­hags­ráðu­neyt­is­ins. Ráðu­neytið segir að það sé Alþingis að ákvarða um slíkt.
Kjarninn 20. nóvember 2019
Haukur ráðinn framkvæmdastjóri fjármálastöðugleika hjá Seðlabankanum
Enn hefur ekki verið ráðið í stöðu varaseðlabankastjóra á sviði fjármálastöðugleika.
Kjarninn 20. nóvember 2019
Ásta Svavarsdóttir
Þú ert svo sæt svona réttindalaus
Kjarninn 20. nóvember 2019
Meira eftir höfundinnÞórður Snær Júlíusson
Meira úr sama flokkiFréttaskýringar
None