Mörg bílastæði á borgarlandi ranglega merkt sem einkastæði undir viðskiptavini

Fjölmörg bílastæði sem standa á borgarlandi við Ármúla, Síðumúla og Grensásveg eru merkt sem einkastæði verslana. „Verslanir hafa ekki leyfi til að merkja sér stæði á borgarlandi,“ segir í svari frá Reykjavíkurborg, sem hyggst skoða málið nánar.

Úr Ármúla. Öll stæði framan við húsin sem standa hér á vinstri hönd eru á borgarlandi og því er ekki heimilt að merkja þau sérstaklega sem einkastæði fyrir viðskiptavini verslana.
Úr Ármúla. Öll stæði framan við húsin sem standa hér á vinstri hönd eru á borgarlandi og því er ekki heimilt að merkja þau sérstaklega sem einkastæði fyrir viðskiptavini verslana.
Auglýsing

Bíla­stæða­mál fyrir utan versl­anir í Ármúla urðu að áhuga­verðu frétta­máli fyrir skemmstu, er Morg­un­blaðið sagði frá raunum versl­un­ar­eig­enda við göt­una sem höfðu lent í því dag eftir dag að sá mikli fjöldi fólks sem var á leið í sýna­töku vegna kór­ónu­veirunnar í húsa­kynnum heilsu­gæsl­unnar á Suð­ur­lands­braut 34 legði öku­tækjum sínum beint fyrir framan versl­anir þeirra.

„Fólk keyr­ir bara eins og það vill og legg­ur þar sem það vill,“ sagði einn versl­un­ar­eig­andi í stuttu sam­tali við blaðið 6. jan­úar og minnt­ist á að málið hefði verið rætt í sam­fé­lags­miðla­hópi versl­un­ar­eig­enda í Ármúl­an­um, sem væru orðnir lang­þreyttir á þessu ástandi.

Fyrirsögn úr Morgunblaðinu 6. janúar sl.

Bíla­stæðin sem versl­un­ar­eig­and­inn kvart­aði yfir að væru upp­tekin eru beint fyrir framan Ármúla 42 og eru kyrfi­lega merkt sem einka­stæði húss­ins – ein­ungis fyrir við­skipta­vini í Ármúla 42. Í sam­tali við Kjarn­ann sagði þessi sami versl­un­ar­eig­andi að hún teldi að versl­un­ar­rým­inu fylgdu bíla­stæðin við göt­una, það væru jú slík skilti á hús­inu.

Auglýsing

Raunin er hins vegar sú, sam­kvæmt athugun Kjarn­ans í borg­ar­vefsjá og svörum Reykja­vík­ur­borg við fyr­ir­spurn­um, að umrædd stæði – og fleiri sem standa fyrir framan atvinnu­hús­næði á þessum slóðum í Reykja­vík – eru á borg­ar­landi og eiga að vera öllum aðgengi­leg.

Hús­eig­endur eða rekstr­ar­að­ilar hafa þannig enga heim­ild til að slá eign sinni á þau.

Í Ármúla á þetta við um bíla­stæði með­fram allri þess­ari hlið göt­unnar frá Veg­múla niður að Grens­ás­vegi. Nánar til­tekið eru bíla­stæðin fyrir framan húsa­röð­ina sem nær frá húsi númer 16 til húss númer 44 á borg­ar­landi.

Loftmynd af Ármúla. Eins og sést eru stæðin fyrir framan Ármúla 38, 40 og 42 utan lóðarmarka og standa því á landi Reykjavíkurborgar. Hinum megin við götuna eru stæði í götumyndinni innan lóða. Skjáskot úr borgarvefsjá.

Þrátt fyrir það sést, þegar ferð­ast er eftir göt­unni í götu­sýn á vef Já.is eða á Google Maps, að skilti eru víða sjá­an­leg á húsum eða í gluggum versl­ana – og tjá veg­far­endum að um sé að ræða einka­stæði.

„Aukagatan“ í Ármúla er inni á lóðum

Hinum megin við Ármúl­ann, í húsa­röð­inni sem nær frá húsi 15 niður til húss frá Veg­múla niður að Grens­ás­vegi, eru bíla­stæðin við göt­una hins vegar inni á lóðum húsa, og einnig sú „aukagata“ sem liggur með­fram göt­unni. Ofar í Ármúl­an­um, eða frá húsi númer 1 til húss númer 13, eru bíla­stæði beggja megin við göt­una einnig öll inni á lóð­um.

Á þessum svæðum geta hús­eig­endur því merkt sér einka­stæði alveg eins og þeim lyst­ir, bíla­stæðin við göt­una eru inni á þeirra lóð­um.

Eft­ir­lits­deild muni vænt­an­lega gera könnun

Sam­kvæmt svörum frá Reykja­vík­ur­borg til Kjarn­ans hafa fyr­ir­tæki ekki leyfi til þess að sér­merkja sér bíla­stæði sem eru á borg­ar­landi, heldur eiga slík stæði að vera aðgengi­leg öll­um.

Upp­lýs­inga­full­trúi hjá borg­inni sem kann­aði málið seg­ist ekki þekkja til neinna samn­inga um ann­að, nema í tengslum við bíla­stæði fyrir fatlað fólk.

Svar­inu frá Reykja­vík­ur­borg fylgdu þær upp­lýs­ingar að eft­ir­lits­deild hjá borg­inni myndi vænt­an­lega taka þetta mál fyr­ir, gera könnun og fylgja mál­inu eftir núna á fyrri hluta árs­ins.

Síðu­múli svip­aður og Ármúli

Sam­kvæmt laus­legri athugun Kjarn­ans eru aðstæður í Síðu­múla svip­aðar og í Ármúl­an­um. Öðru megin göt­unnar eru nær öll bíla­stæði sem standa við göt­una á borg­ar­landi, nánar til­tekið í húsa­röðn­inni frá húsi númer 11 og niður að húsi númer 39 sem stendur við horn Síðu­múla og Fells­múla.

Í Síðumúlanum er „aukagatan“ nær öll á borgarlandi og þar með stæðin innan hennar líka. Skjáskot úr borgarvefsjá.

„Aukagatan“ við hlið göt­unnar í Síðu­múl­anum er þannig nær öll á borg­ar­landi og bíla­stæðin innan því lang­flest á landi Reykja­vík­ur­borg­ar, sem þýðir að stæðin eiga að vera aðgengi­leg öll­um.

Þrátt fyrir það eru víða á hús­veggjum skilti þar sem því er jafn­vel hótað að ef aðrir en þeir sem eigi erindi í húsin eigi á hættu að öku­tæki þeirra verði dregin í burtu.

Síðumúli 23. Fyrir framan húsið er og alveg upp að stétt er borgarland, en þó eru bílastæðin merkt eins og þeir sem eigi erindi í húsið megi þar einir leggja. Skjáskot frá Já.is.

Skilti af þess­ari gerð eru meðal ann­ars á hús­inu hér að ofan, sem er númer 23 við Síðu­múla. Það hýsir auk ann­ars skrif­stofur og fund­ar­sal Blaða­manna­fé­lags Íslands.

Vest­ari „aukagatan“ á Grens­ás­vegi er borg­ar­land

Lóðir húsanna að Grensásvegi 8 til 16 enda við mörk gangstétta fyrir framan þau. Bílastæðin eru á borgarlandi. Skjáskot úr borgarvefsjá.

Á Grens­ás­vegi á milli Miklu­brautar og Suð­ur­lands­brautar eru „auka­göt­ur“ undir bíla­stæði beggja megin göt­unn­ar, en ein­ungis gatan sem er vestan megin Grens­ás­veg­ar, á milli húsa 8 til 16, er á borg­ar­landi.

Þar hafa fyr­ir­tæki því í reynd enga heim­ild til þess að merkja sér bíla­stæði fyrir við­skipta­vini fyrir utan dyrn­ar.

Á þetta skilti sem hékk uppi við Grensásveg 14 fyrir nokkrum árum vantaði eitt s. Skjáskot úr Google Street View

Er mynda­vél­ar­bíll Google ók um göt­una í júlí árið 2013 voru þó skilti á nær hverju húsi.

Skeifa, Kringla, Borg­ar­tún, Fiski­slóð

Blaða­maður kann­aði hvernig stöðu þess­ara mála væri háttað á fleiri helstu þjón­ustu- og versl­un­ar­svæðum Reykja­vík­ur­borg­ar.

Nið­ur­staðan af þeirri laus­legu könnun í borg­ar­vefsjá var sú að bíla­stæði sem merkt eru einka­stæði eru sjaldn­ast á borg­ar­landi á öðrum svæðum – nema auð­vitað í mið­borg­inni, þar sem stæði á borg­ar­landi eru gjald­skyld.

Bílastæðin í Borgartúni eru innan lóðarmarka. Og þar er nóg af þeim. Skjáskot úr borgarvefsjá.

Í Skeif­unni virð­ist hvert eitt og ein­asta bíla­stæði vera innan lóð­ar­marka og hið sama á við í Borg­ar­túni og í Kringl­unni, en á þessum þremur svæðum eru sam­an­lagt þús­undir ókeypis bíla­stæða.

Í versl­un­ar- og þjón­ustu­kjarn­anum við Fiski­slóð gegnt Granda­garði eru all­nokkur fyr­ir­tæki með sér­merkt bíla­stæði.

Þau stæði eru inni á lóðum umræddra húsa, eins og sjá má hér að neð­an.

Merkt stæði undir viðskiptavini eru fyrir framan nokkrar verslanir á þessu svæði á Fiskislóð. Þar mega þau líka vera, enda innan lóða viðkomandi fyrirtækja. Skjáskot úr borgarvefsjá.

Bíla­stæði við Suð­ur­lands­braut að hluta á borg­ar­landi

Við þessa yfir­ferð á bíla­stæða­málum við atvinnu­hús­næði í Reykja­vík má svo bæta að bíla­stæðin framan við atvinnu­hús­næði á Suð­ur­lands­braut, allt frá húsi númer 4 og niður að húsi 32, eru að umtals­verðu leyti á borg­ar­landi, eins og sjá má dæmi um hér að neð­an.

Nánar til­tekið á þetta við um allar lóðir sem eru á milli Hilton-hót­els­ins og Orku­reits­ins svo­kall­aða.

Bílastæðin við Suðurlandsbrautina eru einungis að hluta á lóðum húsa sem standa við götuna. Skjáskot úr borgarvefsjá.

Mörg þess­ara bíla­stæða munu vænt­an­lega víkja á næstu árum, sam­fara því að götu­mynd­inni verður breytt með til­komu Borg­ar­línu.

Sam­kvæmt fram­settum til­lögum í frum­draga­skýrslu Borg­ar­línu er áætlað að það borg­ar­land sem nú fer undir bíla­stæði við Suð­ur­lands­braut verði nýtt undir hjóla- og göngu­stíga sem liggja eiga með­fram Suð­ur­lands­braut­inni.

Það er óháð því hvort akreinar undir bíla­um­ferð á Suð­ur­lands­braut verði ein eða tvær í hvora átt­ina, eins og sjá má á skýr­ing­ar­mynd­inni hér að neð­an.

Ný landnýting á Suðurlandsbraut var dregin upp í frumdragaskýrslu Borgarlínu. Mynd: Borgarlína

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands efur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Kristrún Frostadóttir, þingmaður Samfylkingarinnar.
Kristrún íhugar formannsframboð
Kristrún Frostadóttir, þingmaður Samfylkingarinnar, segist „íhuga alvarlega“ að bjóða sig fram til formanns á landsfundi flokksins í október. Logi Einarsson tilkynnti um miðjan júní að hann muni ekki bjóða sig fram að nýju.
Kjarninn 28. júní 2022
„Bleika húsið“, heilsugæsla sem þjónustar konur í Mississippi er eina heilsugæslan í ríkinu sem veitir þungunarrofsþjónustu. Henni verður að öllum líkindum lokað innan nokkurra daga.
Síðustu dagar „bleika hússins“ í Mississippi
Eigandi einu heilsugæslunnar í Mississippi sem veitir þungunarrofsþjónustu ætlar að halda ótrauð áfram, í öðru ríki ef þarf, eftir að Hæstiréttur Bandaríkjanna felldi rétt til þungunarrofs úr gildi.
Kjarninn 27. júní 2022
Á Fossvogsbletti 2 stendur einbýlishús og geymsluhúsnæði.
Borgin steig inn í 140 milljóna fasteignakaup í Fossvogsdal
Borgarráð Reykjavíkurborgar samþykkti á dögunum að nýta forkaupsrétt sinn að fasteignum á Fossvogsbletti 2. Fjárfestingafélag ætlaði að kaupa eignina á 140 milljónir og gengur borgin inn í þau viðskipti.
Kjarninn 27. júní 2022
Sífellt fleiri notendur kjósa að nálgast sjónvarpsþjónustu í gegnum aðrar leiðir en með leigu á myndlykli.
Enn dregst leiga á myndlyklum saman en tekjur vegna sjónvarps halda áfram að aukast
Tekjur fjarskiptafyrirtækja vegna sjónvarpsþjónustu hafa rokið upp á síðustu árum. Þær voru 3,8 milljarðar króna á árinu 2017 en 14,9 milljarðar króna í fyrra. Þorri nýrra tekna í fyrra var vegna sjónvarpsþjónustu.
Kjarninn 27. júní 2022
Hagstofan býst við að hagvöxtur verði enn kröftugri en spáð var í lok vetrar
Hagstofan býst við því að hagvöxtur verði 5,1 prósent á árinu og 2,9 prósent á næsta ári, samkvæmt nýrri þjóðhagsspá. Búist er við því að um 1,6 milljónir ferðamanna sæki landið heim í ár, en fyrri spá gerði ráð fyrir 1,4 milljónum ferðamanna.
Kjarninn 27. júní 2022
Þórdís Kolbrún Reykfjörð Gylfadóttir er utanríkisráðherra.
Telja að upplýsingar um fjölda sérstakra vegabréfa geti skaðað tengsl við önnur ríki
Utanríkisráðuneytið vill ekki segja hversu mörg sérstök vegabréf það hefur gefið út til útlendinga á grundvelli nýlegrar reglugerðar. Það telur ekki hægt að útiloka neikvæð viðbrögð ótilgreindra erlendra stjórnvalda ef þau frétta af vegabréfaútgáfunni.
Kjarninn 27. júní 2022
Meira eftir höfundinnArnar Þór Ingólfsson
Meira úr sama flokkiFréttaskýringar