Seðlabankinn selur félag troðfullt af fasteignum og útlánum sem metin eru á milljarða króna

15367564864-a2c806a43e-z.jpg
Auglýsing

Síð­ast­lið­inn fimmtu­dag aug­lýsti Seðla­banki Íslands dótt­ur­fé­lag sitt Hildu ehf. til sölu. Það fór ekki mikið fyrir aug­lýs­ing­unni, sem birt­ist meðal ann­ars í Við­skipta­blað­inu, og litlar upp­lýs­ingar komu fram í henni um þær eignir sem í félag­inu eru.

Hilda hefur hins vegar leikið stórt hlut­verk í upp­gjöri Seðla­bank­ans við banka­hrunið und­an­farin ár, ásamt móð­ur­fé­lagi sínu Eigna­safni Seðla­banka Íslands (ESÍ). Inn í þessi félög hefur þeim fulln­ustu­eignum og upp­gjörs­samn­ingum sem Seðla­bank­inn hefur leyst til sín verið hrúg­að. Í til­felli Hildu eru aðal­lega um fast­eignir og útlán að ræða, en sam­an­lagt bók­fært virði eign­anna er um 15 millj­arðar króna. Vegna þessa eru félögin tvö oft kölluð "ruslakist­ur" Seðla­bank­ans í hálf­kær­ingi.

Og nú á að selja þetta félag, sem er fullt af eignum sem teknar hafa verið upp í hrunskuld­ir, úr opin­berri eigu til einka­að­ila. Einka­væð­ing er að fara að eiga sér stað.

Auglýsing

Var stofnað utan um rík­is­skuld Sögu



Við banka­hrunið var Seðla­banki Íslands tækni­lega gjald­þrota. Íslenska ríkið tók yfir mörg hund­ruð millj­arða króna skuldir hans og afskrif­aði. Þær kröfur sem urðu til vegna þess­arra skulda voru síðan færðar aftur til Seðla­bank­ans árið 2009 svo hægt væri að end­ur­heimta eitt­hvað af því tapi sem rík­is­sjóður hafði tekið á sig vegna hruns­ins.

Ákveðið var að stofna sér­stakt dótt­ur­fé­lag utan um þessar him­in­háu kröf­ur. Sum­arið 2011 tók ESÍ yfir félag sem heitir Hilda. Það hafði verið sett á fót til að halda utan skuld Saga Capi­tal við rík­is­sjóð, en hann hafði veitt bank­anum 19,6 millj­arða króna fyr­ir­greiðslu í mars 2009. Sú fyr­ir­greiðsla dug­aði ekki til að halda Sögu á lífi og Hilda end­aði í fangi ESÍ.

Síðan þá hefur Hilda leikið stórt hlut­verk í „við­skipt­um“ ESÍ.

Tók við fullt af eignum frá Dróma



Í lok árs 2013 var hluti eigna og skulda hins alræmda félags Dróma hf. (eigna­safns SPRON og Frjálsa fjár­fest­inga­bank­ans) fært til Hildu. Um var að ræða fyr­ir­tækja­lán og fulln­ustu­eignir Dróma, meðal ann­ars það íbúða­hús­næði sem félagið hafði gengið að á starfs­tíma sín­um. Ein­stak­lings­lán Dróma fóru hins vegar til Arion banka.

Við þessa breyt­ingu juk­ust eignir Hildu mik­ið. Allt í einu voru bók­færðar eignir félags­ins metnar á 32,5 millj­arða króna. Stór hluti þeirra voru mynda­legt fast­eigna­safn, en það verður að telj­ast afar óvenju­leg staða fyrir seðla­banka að eiga stórt safn fast­eigna. Kjarn­inn fjall­aði um umsvif Hildu á fast­eigna­mark­aði í apríl 2014. Í þeim kom fram að Hilda héldi á þeim tíma á 350 fast­eign­um,  250 íbúðum og um 100 fast­eignum sem telj­ast til atvinnu­hús­næð­is. Hluti íbúð­anna vöru í útleigu, aðrar voru í sölu­ferli og sumar voru ekki í íbúð­ar­hæfu ástandi. Á þessum tíma var því komin upp sú sér­staka staða að Seðla­banki Íslands var, í gegnum dótt­ur­fé­lag sitt, að selja íbúðir á mark­aði. Í frétta­skýr­ingu Kjarn­ans í apríl 2014 kom enn fremur fram að Hilda kapp­kost­aði að selja eignir ekki of hratt „þar sem slíkt gæti haft mikil áhrif á fast­eigna­mark­að­inn og jafn­vel stuðlað að lækkun fast­eigna­verðs.“

Samkvæmt upplýsingum sem Kjarninn hefur undir höndum skiptast eignir Hildu þannig að í félaginu eru nú 364 fasteignir sem metnar eru á 6,6 milljarða króna, 387 útlán (til 260 lántakenda) og önnur skuldabréf sem metin eru á 5,7 milljarða króna og handbært fé/kröfur upp á 2,9 milljarða króna. Sam­kvæmt upp­lýs­ingum sem Kjarn­inn hefur undir höndum skipt­ast eignir Hildu þannig að í félag­inu eru nú 364 fast­eignir sem metnar eru á 6,6 millj­arða króna, 387 útlán (til 260 lán­tak­enda) og önnur skulda­bréf sem metin eru á 5,7 millj­arða króna og hand­bært fé/­kröfur upp á 2,9 millj­arða króna.

Hund­ruð fast­eigna og millj­arða virði



Ljóst er að Hildu hefur gengið ágæt­lega að selja eignir und­an­farin ár. Um mitt þetta ár voru eignir félags­ins komnar niður í 15,4 millj­arða króna, og höfðu lækkað um 17,1 millj­arð króna á einu og hálfu ári.

Sam­kvæmt upp­lýs­ingum sem Kjarn­inn hefur undir höndum skipt­ast eignir Hildu þannig að í félag­inu eru nú 364 fast­eignir sem metnar eru á 6,6 millj­arða króna, 387 útlán (til 260 lán­tak­enda) og önnur skulda­bréf sem metin eru á 5,7 millj­arða króna og hand­bært fé/­kröfur upp á 2,9 millj­arða króna. Hilda á alls sex dótt­ur­fé­lög og hjá félag­inu starfa 13 manns. Það hagn­að­ist um 1,5 millj­arð króna á fyrstu sex mán­uðum árs­ins og mun­aði þar lang­mestu um hreinar rekstr­ar­tekj­ur, sem eru sala eigna og lána á tíma­bil­inu. Auk þess námu leigu­tekjur 139 millj­ónum króna á fyrstu sex mán­uðum árs­ins.

Þarft að eiga 750 millj­ónir til að taka þátt



Og nú á að selja allt hlutafé Hildu. Í því ferli gengur Seðla­bank­inn út frá því að láns­fjár­mögnun hans til Hildu, alls 12,6 millj­arðar króna, verði greidd upp til við­bótar við greiðslu fyrir hlutafé félags­ins. Því er ljóst að kaup­verðið mun hlaupa á millj­örðum króna og ekki á hvers manns færi að taka þátt í sölu­ferl­inu.

Arion banki sér um söl­una. Sam­kvæmt skil­yrðum sem sett hafa verið fyr­ir  þátt­töku í sölu­ferl­inu þurfa fjár­festar að sýna fram á að þeir eigi að lág­marki 750 millj­ónir króna sem þeir geti nýtt til fjár­fest­ingar í félag­inu til að fá að taka þátt. Stefnt er að því að þeir sem upp­fylla skil­yrði sölu­ferl­is­ins fái afhent frek­ari gögn, svo sem árs­reikn­inga og fjár­festa­kynn­ingu, þann 10. sept­em­ber 2015.

Þótt Hilda selj­ist þá er upp­gjöri Seðla­bank­ans á hrun­inu fjarri því lok­ið. ESÍ er enn í fullu fjöri og eignir félags­ins voru metnar á 209 millj­arða krona um síð­ustu ára­mót. Þeim á enn eftir að koma í verð.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Fylgistap ríkisstjórnarflokkanna minna en nær allra annarra stjórna eftir bankahrun
Einungis ein ríkisstjórn sem setið hefur frá 2009 hefur mælst með meira fylgi tíu mánuðum eftir að hún tók við völdum en hún fékk í kosningunum sem færði henni þau völd. Sú ríkisstjórn beið afhroð í kosningum rúmum þremur árum síðar.
Kjarninn 8. ágúst 2022
Gylfi Zoega er annar höfundur greinar sem birtist í nýjasta tölublaði Vísbendingar.
„Hægt væri að banna Airbnb í þéttbýli þegar skortur er á íbúðarhúsnæði“
Ef fleiri flytja til landsins en frá því verður til flókið samspil hagstærða sem valda breytingum á eftirspurn og/ eða framboði á húsnæði með tilheyrandi verðhækkunum eða lækkunum. Tveir hagfræðingar leggja til að kerfinu verði breytt.
Kjarninn 7. ágúst 2022
Arnar Jónsson leikari áformar að gefa út plötu með eigin upplestri á ljóðum úr ólíkum áttum, sem hann segist vilja veita framhaldslíf.
Landskunnur leikari gefur út ljóðaplötu
„Ljóðið hefur fylgt mér frá því ég var pjakkur fyrir norðan og allar götur síðan,“ segir Arnar Jónsson leikari, sem hefur undanfarin ár safnað saman sínum uppáhaldsljóðum og hyggst nú gefa út eigin upplestur á þeim, bæði á vínyl og rafrænt.
Kjarninn 7. ágúst 2022
Meira eftir höfundinnÞórður Snær Júlíusson
Meira úr sama flokkiFréttaskýringar
None