Skuldir Hótel Sögu niðurfelldar í fyrra og hótelið nú til sölu

saga.jpg
Auglýsing

Til­kynnt var um það í dag að Hótel Saga, sem er í eigu Bænda­sam­taka Íslands, sé til sölu og sagt að mik­ill áhugi fjár­festa sé á að kaupa þetta sögu­fræga hótel við Haga­torg. Hót­elið sjálft er 209 her­bergi en auk þess er ýmis önnur starf­semi í þessu 19 þús­und fer­metra stóra húsi. Þar á meðal eru skrif­stofur Bænda­sam­taka Íslands.

Í til­kynn­ingu þeirra vegna fyr­ir­hug­aðrar sölu á hót­el­inu segir að „sam­hliða miklum vexti í ferða­þjón­ustu hefur rekstur Hótel Sögu gengið vel[...]Nú er rétti tím­inn til að skoða hvort það geti verið hag­fellt fyrir Bænda­sam­tökin að eft­ir­láta sér­hæfðan hót­el­rekstur í hendur aðila sem vilja byggja sig upp á þeim vett­vangi en ávaxta þess í stað eignir sam­tak­anna með öðrum hætt­i“.

Eigið fé var nei­kvætt um 1,8 millj­arða króna



Sam­kvæmt síð­asta birta árs­reikn­ingi Bænda­sam­taka Íslands, fyrir árið 2013, er það hins vegar ofsögum sagt að rekstur Hótel Sögu hafi gengið vel und­an­farin ár. Árið 2009 var eigið fé hót­els­ins nei­kvætt um 1,8 millj­arða króna og vegna mik­illa skulda var virði eigin fjár Bænda­sam­tak­anna fært niður í núll á árinu 2010. Það þýðir að virði eign­ar­hlut­ar­ins var á þeim tíma talið ekk­ert.

Sindri Sigurgeirsson. Sindri Sig­ur­geirs­son.

Auglýsing

Í fyrra gekk Hótel Saga í gegnum fjár­hags­lega end­ur­skipu­lagn­ingu. Kjarn­inn greindi frá því í mars síð­ast­liðnum að Bænda­sam­tökin hefðu lagt Hótel Sögu til 250 millj­ónir króna í nýtt eigið fé gegn því að fá skuldir Hótel Sögu nið­ur­felld­ar. Þetta var á meðal sam­komu­lags­at­riða í þrí­hliða sam­komu­lagi Bænda­sam­tak­anna, Arion banka og Hótel Sögu ehf. um fjár­hags­lega end­ur­skipu­lagn­ingu hót­els­ins. Sindri Sig­ur­geirs­son, for­maður stjórnar Bænda­sam­tak­anna, vildi þá ekki upp­lýsa um hversu miklar skuldir hefðu verið nið­ur­felld­ar. Í til­kynn­ingu sem hann sendi í kjöl­far umfjöll­unar Kjarn­ans sagði Sindri hins vegar að hluta­fjár­hækk­un­unin hafi verið fjár­mögnuð „að stærstum hluta með láns­fé, eða 165 millj­ónir króna, og að hluta með sjálfsafla­fé, eða 85 millj­ónir króna“.

Í skýr­ingum í árs­­reikn­ingnum kemur hins vegar fram að Arion banki hafi leyst til sín allt hlutafé í Hótel Íslandi, sem var einnig í eigu Bænda­­sam­tak­anna, í tengslum við upp­gjörið en það hefur nú verið selt til nýrra eig­enda. Tekið var  fram að víkj­andi lán Bænda­sam­tak­anna til Hótel Sögu hafi verið fellt niður og nýír lána­­samn­ingar gerðir við Arion banka. „Með þessum aðgerðum er sú bið­staða, sem lesa hefur mátt út úr árs­reikn­ingum Bænda­sam­tak­anna und­an­farin ár um Hótel Sögu ehf., að baki.“

Bók­færðu Hótel Sögu á 410 millj­ónir króna



Bænda­sam­tökin fá tekjur meðal ann­ars af fjár­lögum og fá sam­tals 503,5 millj­ónir króna sam­kvæmt fjár­lögum fyrir árið 2015. Í ár fá þau um 492 millj­ónir króna. Fjár­fram­lag Bænda­sam­tak­anna til Hótel Sögu í tengslum við end­ur­skipu­lagn­ing­una nemur því ríf­lega helm­ingi fjár­hæð­ar­innar sem sam­tökin fá úr rík­is­sjóði á þessu ári.

Fjár­fram­lag Bænda­sam­tak­anna til Hótel Sögu í tengslum við end­ur­skipu­lagn­ing­una nemur því ríf­lega helm­ingi fjár­hæð­ar­innar sem sam­tökin fá úr rík­is­sjóði á þessu ári.

Eignir Bænda­sam­tak­anna námu 835,8 millj­ónum króna í lok árs 2013 en heild­ar­skuld­bind­ing­ar, að teknu til­liti til alls geymslu­fjár, þar á meðal fram­leiðslu­tengdra sjóða, nema ríf­lega 990 millj­ón­um.

Bók­fært virði fast­eigna sam­tak­anna nam 263,3 millj­ónum króna í árs­lok 2013. Fast­eigna­mat eign­anna var nokkuð hærra eða sem nemur 346,9 millj­ónum króna. Eign­ar­hlutir í tengdum félögum eru metnir á 490,3 millj­ónir króna sam­kvæmt bók­færðu verði. Þar af vegur Hótel Saga ehf. mest, eða sem nemur ríf­lega 410 millj­ónum króna, það er 160,5  millj­ónir að nafn­virði að við­bættri 250 milljón króna hluta­fjár­aukn­ingu.

Athuga­semd bætt við frétt klukkan 20:30:



Sindri Sig­ur­geirs­son, for­maður stjórnar Bænda­sam­taka Íslands, vill koma athuga­semdum um frétt­ina á fram­færi.

Sindri ­segir að eftir efna­hags­hrunið 2008 hafi  rekstur hót­els­ins þyngst eins og raunin varð með mörg fyr­ir­tæki á land­inu. Í lok árs­ins 2013 hafi verið skrifað undir sam­komu­lag við Arion banka um frá­gang skulda sem fólst í því að Bænda­sam­tökin lögðu Hótel Sögu ehf. til nýtt hlutafé og hluti lang­tíma­skulda voru end­ur­fjár­magn­að­ar. Sam­komu­lagið fól einnig í sér að Bænda­sam­tökin og Hótel Saga fram­seldu hluta­bréf sín í Hótel Íslandi, sem keypt var af Bún­að­ar­bank­anum 1994 eftir að hafa rekið það fyrir bank­ann í tvö ár á und­an. Arion banki seldi svo Hótel Ísland og runnu þeir fjár­munir sem eftir stóðu til þess að lækka skuldir Hótel Sögu, þetta leiddi til þess að ekki kom til afskrifta af hálfu Arion.

Sindri gerir einnig athuga­semd við eft­ir­far­andi í frétt Kjarn­ans: ,,Í skýr­ingum í árs­­reikn­ingnum kemur hins vegar fram að Arion banki hafi leyst til sín allt hlutafé í Hótel Íslandi, sem var einnig í eigu Bænda­­sam­tak­anna, í tengslum við upp­gjörið en það hefur nú verið selt til nýrra eig­enda. Tekið var  fram að víkj­andi lán Bænda­sam­tak­anna til Hótel Íslands hafi verið fellt niður og nýír lána­­samn­ingar gerðir við Arion banka."

Sindri segir þetta rang­t. Bænda­sam­tökin hafi ein­ungis átt 1,25 pró­sent í Hótel Íslandi en Hótel Saga ehf. 98,75% . Það er mik­ill munur þarna á. Auk þess var víkj­andi lán Bænda­sam­tak­anna til Hót­els Sögu en ekki Hót­els Íslands.

Að lokum gerir Sindri athuga­semd við eft­ir­far­and­i: ,,Fjár­fram­lag Bænda­sam­tak­anna til Hótel Sögu í tengslum við end­ur­skipu­lagn­ing­una nemur því ríf­lega helm­ingi fjár­hæð­ar­innar sem sam­tökin fá úr rík­is­sjóði á þessu ári."

Sindri segir að fjar­fram­lög frá rík­inu vegna bún­að­ar­laga­samn­ings renni alls ekki til rekst­urs Bænda­sam­tak­anna og því enn síður til rekstur Hótel Sögu.

Athuga­semdir rit­stjórn­ar: 



Ekki er talað um afskriftir á skuldum Bænda­sam­tak­anna í frétt Kjarn­ans. Þar er talað um nið­ur­felldar skuld­ir, líkt og var gert í frétt Kjarn­ans um málið frá því í mars á þessu ári. Þá gerði Sindri engar athuga­semdir við það orða­lag.

Ef Hótel Ísland er í eigu Hótel Sögu og Hótel Saga er í eigu Bænda­sam­tak­anna, þá voru Bænda­sam­tökin end­an­legur eig­andi Hótel Íslands. Beðist er vel­virð­ingar á því að hafa sagt að víkj­andi lán hafi verið til Hótel Sögu. Það hefur verið leið­rétt.

Bænda­sam­tökin eru á fjár­lögum og hafa tekjur úr rík­is­sjóði, beint og óbeint. Það er stað­reynd. Í frétt Kjarn­ans er ekki með neinum hætti full­yrt að fjár­fram­lög frá rík­inu hafi runnið til rekst­urs Hótel Sögu.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Bjarni hættir sem forstjóri Orkuveitu Reykjavíkur
Forstjóri Orkuveitu Reykjavíkur, Bjarni Bjarnason, óskaði eftir því á fundi stjórnar Orkuveitu Reykjavíkur að láta af störfum sem forstjóri í mars á næsta ári. Þá verða tólf ár liðin síðan Bjarni tók við forstjórastöðunni.
Kjarninn 26. september 2022
Halla Hrund Logadóttir orkumálastjóri.
Orkumálastýra fer spennt til vinnu á hverjum morgni – Ekki bara dökk ský í loftslagsmálum
„Það sem mun koma okkur á leiðarenda og út úr þessu hættuástandi er heitstrenging þess að vinna saman,“ segir Halla Hrund Logadóttir, forstjóri Orkustofnunar. Koma þurfi hlutunum í verk heima fyrir en ekki síður að beita sér í þágu fátækari ríkja.
Kjarninn 26. september 2022
Þjóðhættir
Þjóðhættir
Þjóðhættir – Hættið þessu fikti strákar!
Kjarninn 26. september 2022
Fyrstu meðalhraðamyndavélarnar hér á landi voru settar upp í fyrra. Ávinningurinn af þeim, í formi lægri slysakostnaðar, er sagður geta verið tífaldur á við kostnaðinn við að halda úti kerfunum.
Meðalhraðaeftirlit gæti verið „arðbærasta“ umferðaröryggismálið
Drög að nýrri umferðaröryggisáætlun stjórnvalda hafa verið birt. Þar segir að innleiðing meðalhraðaeftirlits á vegum landsins gæti talist arðbærasta umferðaröryggisframkvæmdin sem völ er á og að innleiðing slíks eftirlits verði forgangsmál næstu árin.
Kjarninn 26. september 2022
Kallað var eftir auknum kaupmætti í kröfugöngu verkalýðsins 1. maí síðastliðinn.
Kaupmáttur hefur rýrnað um 4,2 prósent á þessu ári og hefur ekki verið minni síðan 2020
Í júní síðastliðnum lauk tólf ára samfelldu skeiði þar sem kaupmáttur launa jókst, sé horft til breytinga milli ára. Á síðasta ári hefur kaupmátturinn himns vegar rýrnað um 1,6 prósent og hefur ekki verið minni síðan í lok árs 2020.
Kjarninn 26. september 2022
Guðmundur Ingi Guðbrandsson er félags- og vinnumarkaðsráðherra.
Vill lengja tímabil endurhæfingarlífeyris úr þremur árum í fimm
Stjórnvöld vilja gera fólki kleift að fá greiddan endurhæfingarlífeyri í lengri tíma en nú er gert ráð fyrir í lögum. Tilgangurinn er að reyna að fækka þeim sem fara á örorku og fjölga þeim sem snúa aftur til vinnu.
Kjarninn 26. september 2022
Tæknivarpið
Tæknivarpið
Tæknivarpið - Google Analytics bann og GTA6 myndbroti lekið
Kjarninn 26. september 2022
„Lukkuriddararnir“ í bakgarðinum
Þrír fyrrverandi þingmenn, fjögur erlend stórfyrirtæki, félag í eigu svokallaðs hrunverja og fólk úr sveitum Vesturlands koma við sögu í frásögn Sunnu Óskar Logadóttur af fundi þar sem vindorkufyrirtæki kynntu áform sín.
Kjarninn 26. september 2022
Meira eftir höfundinnÞórður Snær Júlíusson
Meira úr sama flokkiFréttaskýringar
None