Lífið er eins og House of Cards

Salka Margrét Sigurðardóttir er aðstoðarmaður ráðherra internetöryggis í ríkisstjórn Bretlands. Hún sinnir málaflokkum er varða hryðjuverkasamtök eins og ISIS og notkun þeirra á samfélagsmiðlum. Sölku líður eins og hún sé stödd í bíómynd á hverjum degi.

Salka Margrét Sigurðardóttir fyrir utan þinghús Bretlands
Salka Margrét Sigurðardóttir fyrir utan þinghús Bretlands
Auglýsing

Salka Mar­grét Sig­urð­ar­dóttir er 23 ára og eini Íslend­ing­ur­inn sem vinnur fyrir ráð­herra í bresku rík­is­stjórn­inni. Hún var ráðin sem einn þriggja aðstoð­ar­manna ráð­herra inter­net­ör­ygg­is, Joanna Shi­elds bar­ó­nessu, í sept­em­ber síð­ast­liðn­um, þá nýút­skrifuð með masters­gráðu í heim­speki og opin­berri stefnu­mótun frá London School of Economics and Polit­ical Sci­ence. 

Frá Skag­anum í Spila­borg­ina

Salka ólst upp á Akra­nesi og lauk fjöl­braut­ar­skól­anum þar á þremur árum. Hún seg­ist alltaf hafa verið mjög póli­tískt þenkj­andi og ákvað fljótt að flytja sig um set til Reykja­víkur þar sem hún ætl­aði sér stóra hluti. Hún skráði sig í stjórn­mála­fræði í Háskóla Íslands og var virk í stúd­entapóli­tík­inni og félags­líf­inu. En útlönd heill­uðu, svo hún skellti sér til London í frekara nám.  

„Ég hef alltaf verið háð því að prófa eitt­hvað nýtt. Þegar ég lauk nám­inu í London var ég ekki til­búin til að fara heim í þæg­ind­ara­mmann strax, enda er Ísland ekki að bjóða upp á bestu tæki­færin fyrir ungt og nýút­skrif­að, metn­að­ar­fullt fólk. Bretar styðja mjög vel við nýút­skrif­aða stúd­enta. Þeir vilja ungt, öfl­ugt fólk með enga reynslu, öfugt við Ísland,” segir Salka. 

Auglýsing

Salka fékk starfið sem hún sótt­ist eft­ir: Aðstoð­ar­maður ráð­herra í rík­is­stjórn Bret­lands. Hún starfar sem eins konar hlið­vörður á milli Shi­elds, almenn­ings og rest­ar­innar af ráðu­neyt­in­u. 

„Ég sé um dag­bók­ina henn­ar, tölvu­póst­inn, sím­ann og aðrar upp­lýs­ingar sem eru ætl­aðar henni. Ég veg og met hvað er við­eig­andi og hvað ekki, tek við óskum um við­veru hennar og hjálpa henni að velja hvað hún þigg­ur. Svo hjálpa ég henni við ræðu­skrif og sé til þess að hún sé und­ir­búin fyrir alla fundi og við­burð­i,” segir hún. 

Allt í einu komin með líf ráð­herra í hend­urnar

Mikið hefur verið rætt um aðstoð­ar­menn íslensku ráð­herr­anna und­an­farin miss­eri. Bæði hefur fjöldi þeirra verið gagn­rýndur og nú síð­ast var ungur aldur nýjasta aðstoð­ar­manns Gunn­ars Braga Sveins­sonar utan­rík­is­ráð­herra umtals­efni. Sá er 22 ára, ári yngri en Salka. 

Salka segir mik­inn eðl­is­mun vera á milli starfi aðstoð­ar­manna ráð­herra á Bret­landi og Íslandi. Í bresku rík­is­stjórn­inni starfar teymi póli­tískra ráð­gjafa, sem aðstoð­ar­menn hér­lendis sinna lík­a. 

„Hér er þetta allt aðskil­ið. Ráð­gjafar eru póli­tískt ráðnir af flokk­unum sem borgar þeirra laun. Við aðstoð­ar­menn­irnir eru ráðnir til ráðu­neyt­anna sem ópóli­tísk og fylgjum þeim þó að rík­is­stjórnin fari,” segir hún. 

Vinnustaður Sölku. Ráðuneytisbyggingin, DCMS, á 100 Parliament Street.

Salka segir það hafa verið svo­lítið yfir­þyrm­andi í fyrstu að mæta til vinnu á nýjum stað. 

„Allt í einu var ég orðin hluti af þessu stór­merki­lega batt­erí og kom­inn með líf og störf ráð­herra í hend­urn­ar,” segir hún. „Á öðrum vinnu­stöðum þar sem ég hef unnið gerði maður auð­vitað mis­tök eins og all­ir, en ef ég geri mis­tök hér þá er ég kannski búin að flækja heilan dag í lífi ráð­herra. En það er ofboðs­lega gaman í vinn­unni, stór­merki­legt og krefj­andi. Engir tveir dagar eru eins því það ger­ist allt svo hratt. Allt í einu segir for­sæt­is­ráð­herra kannski eitt­hvað og þá verða allir að hlaupa til og allt fer á fullt. Það er engin vissa í neinu. Það er æðis­leg­t,” segir hún. 

Vinna gegn ISIS og radikal­isma 

Shi­elds er ráð­herra í tveimur ráðu­neyt­um; menn­ing­ar­mála­ráðu­neyt­inu og inn­an­rík­is­ráðu­neyt­inu. Hún er sömu­leiðis öld­ung­ar­deild­ar­þing­maður fyrir íhalds­flokk­inn í House of Lords, sem skipað er í. Neðri deild­in, House of Comm­ons, er kosin eftir kjör­dæm­um.

Salka á skrifstofu Shields ráðherra.

Salka segir Shi­elds afar við­kunna­lega og góðan yfir­mann.

„Við vinnum mjög náið saman og erum orðnar góðar vin­kon­ur. Hún er mjög flott kona og ég hef lært gríð­ar­lega mikið af henni. Hún veit hvað hún vill og hvernig á að ná því fram,” segir hún.  

Shi­elds er banda­rísk en var gerð að ráð­herra net­ör­ygg­is­mála í maí síð­ast­liðn­um.  

„Við erum meðal ann­ars að skoða radikal­isma á net­inu. Þá helst hvernig hryðju­verka­sam­tökin ISIS haga sér á sam­fé­lags­miðlum og hvernig þeir fá fólk til liðs við sig til Sýr­lands. Við vinnum náið með for­svars­mönnum sam­fé­lags­miðla til að hjálpa þeim að finna út hvað þeir geta gert til þess að hjálpa til. Það er ljóst að ISIS væri ekki svona öfl­ugt ef það væri ekki fyrir sam­fé­lags­miðl­ana því það eru leið­irnar sem þeir nota til að eiga sam­skipti við fólk í vest­rænum lönd­um. Við skoðum líka hvað rík­is­stjórnin getur gert í sam­starfi við fyr­ir­tæk­in, rann­sökum töl­fræð­ina og hegð­un­ina almennt. Þetta snýst um að halda öllum við borðið og finna út hvernig við getum leyst þetta sam­an,” segir Salka. 

Yfir­maður hjá Google og Face­book

Shi­elds er langt frá því að vera blaut á bak við eyrun á þessu sviði. Áður en hún flutt­ist yfir hafið til Eng­lands og tók við ráð­herra­stöðu starf­aði hún í Sil­icon Val­ley, meðal ann­ars í yfir­manna­stöðum hjá Google og sem fram­kvæmda­stjóri hjá Face­book og stjórn­aði umsvifum fyr­ir­tæk­is­ins í Mið­aust­ur­lönd­um, Evr­ópu og Afr­íku.

Salka segir Shi­elds því meta mik­ils að geta átt í sam­skiptum við stjórn­endur sam­fé­lags­miðl­anna og vinna með þeim að lausn­um. 

Joanna Shields

„Við hugsum ekk­ert mikið um öfga­hyggju og radikal­isma heima á Íslandi. Hér er hryðju­verkaógn álitin helsta sam­fé­lags­hætta nútím­ans og tekin ofboðs­lega alvar­lega. Það var svo­lítið súr­r­eal­ískt að vera lent í miðri hring­iðunni og átta sig á að það er þetta sem skiptir mestu máli í heim­in­um. Það var svo­lítið yfir­þyrm­andi þegar ég átt­aði mig á hvað ég væri með mik­il­vægan mála­flokk í hönd­un­um,” segir Salka. 

Fleiri net­ör­ygg­is­mál eru á borði Shi­elds og eitt það stærsta er öryggi barna á net­inu. Ráðu­neytið leiðir verk­efni sem snýr að eyð­ingu barnaklám­s­mynda á net­inu og hvernig tryggja á öryggi barna á net­inu. Þá er annað stórt verk­efni að fara í gang sem koma á í veg fyrir aðgang barna að klámi og rann­sóknir sem skoða áhrif kláms á börn. 

Stjórn­málin eins og í Scandal

Salka segir það lyg­inni lík­ast hvernig raun­veru­leik­inn er á bak við tjöld­in. 

„Ég hef alltaf haft rosa­lega gaman af póli­tískum sjón­varps­þáttum eins og House of Cards og Scandal. En mér datt aldrei í hug að raun­veru­leik­inn gæti verið svona líkur þessu. Þetta er eig­in­lega alveg eins og í sjón­varps­þætti, bæði á góðan hátt og slæm­an. Öll valda­bar­áttan og dra­mað er raun­veru­legt og svo eru allir óyf­ir­stíg­an­legu ferl­arnir þar sem „Computer says no”,” segir hún. „Þegar svo margt fólk með ólíkar skoð­anir kemur saman þá þarf að ná að búa til stefnu þar sem fólk mæt­ist á miðri leið. Það er mjög áhuga­vert að sjá hvaða leiðir ráð­herrar nota til að ná sínu fram og hve mis­mun­andi þeir eru og sjá inn í hluti sem maður hefur aldrei pælt í.” 

Salka tók skjáskot af þingumræðum sem var sjónvarpað á dögunum, þar sem hún sat og fylgdist með, og birti á Instagramsíðu sinni.

Hvert ein­asta skref útpælt 

Salka er í tölu­verðum sam­skiptum við breska fjöl­miðla í starfi sínu og segir bresku press­una sér­lega óvægna, eins og þekkt er, og aðrir séu mis­mót­tæki­legir eins og geng­ur. Hún vann sjálf sem blaða­maður á DV áður en hún flutt­ist til London, svo hún þekkir hvernig það er að vera þeim megin borðs­ins. 

„Það eru svo ólíkir hags­munir í gangi og það er magnað að sjá hvað fjöl­miðlum tekst að spinna mik­ið. Við vinnum mjög náið með fjöl­miðlum og pössum að þeir fái nægan aðgang að upp­lýs­ing­um. Við erum mikið í sam­skiptum við BBC, Sky og fleiri miðla, en svo er auð­vitað sér fjöl­miðlateymi sem starfar með okkur líka. Ég er hlekk­ur­inn á milli ráð­herra og þess teym­is,” segir hún. „En það er alltaf stra­tegísk ákvörðun hvaða fjöl­miðla maður talar við að hverju sinni, hvaða miðlar eru lík­legir til að spinna málin á ein­hvern veg. Hvert ein­asta skref er útpælt.” 

Salka mætir til vinnu í ráðu­neytið um klukkan 9 að morgni en veit aldrei hvenær hún kemst heim eftir vinnu­dag­inn. Hún fylgir dag­skrá ráð­herra í einu og öllu. Ef Shi­elds þarf að fara í þing­hús­ið, sem er hinum megin við göt­una frá ráðu­neyt­inu, fara þær þang­að. Ef þingið situr fram á kvöld, eins og algengt er, er Salka í vinn­unni fram á kvöld. Svo þarf að ganga úr skugga um að ráð­herr­ann kjósi á þing­inu og oft er tím­inn naumur því aðeins átta mín­útur eru gefnar til að bregð­ast við þegar bjallan hring­ir. 

„Ég tók and­köf þegar ég sá húsin í fyrsta sinn og átt­aði mig á að ég er að vinna í bygg­ing­unum sem ég hafði séð í bíó­myndum og sjón­varps­þátt­um. Ég er nákvæm­lega þar - í miðri hring­iðunni. Ég er að lifa bíó­mynda­líf­i.” 

Palace of Westminster, breska þinghúsið, hvar Salka ver mörgum vinnudögum.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kostnaður við rekstur þjóðkirkjunnar greiðist úr ríkissjóði þar sem kirkjan og ríki eru ekki aðskilin hérlendis.
Prestar ósáttir við tillögu um að hætta að rukka fyrir hjónavígslur, skírnir og útfarir
Lagt hefur verið til að hætt verði að rukka fyrir aukaverk presta. Það þyki fráhrindandi að prestur sem þjónar fólki á gleði- og sorgarstundum sendi viðkomandi síðan reikning. Einkum sé þetta „slæm birtingarmynd þegar um efnalítið fólk er að ræða.“
Kjarninn 18. október 2021
Á meðal íbúða sem Bjarg leigufélag, sem er óhagnaðardrifið, hefur byggt og leigir nú út eru íbúðir við Hallgerðargötu í Laugarneshverfi.
Þeir sem leigja af óhagnaðardrifnum leigufélögum mun ánægðari en aðrir
Uppbygging almennra íbúða í gegnum óhagnaðardrifin leigufélög hefur aukið verulega framboð á húsnæði fyrir fólk með lágar tekjur. Leigjendur í kerfinu eru mun ánægðari en aðrir leigjendur og telja sig búa við meira húsnæðisöryggi.
Kjarninn 18. október 2021
Húsnæði Seðlabanka Íslands
Gagnrýnir skarpa hækkun sveiflujöfnunaraukans
Dósent í fjármálum við Háskóla Íslands segir mikla hækkun á eiginfjárkröfum fjármálafyrirtækja ekki vera í samræmi við eigið áhættumat Seðlabankans og úr takti við helstu samanburðarlönd.
Kjarninn 17. október 2021
Búinn að eyða 500 til 600 klukkustundum samhliða fullri dagvinnu í eldgosið
Ljósmyndabókin „Í návígi við eldgos“ inniheldur 100 tilkomumestu og skemmtilegustu myndirnar úr ferðum Daníels Páls Jónssonar að eldgosinu í Fagradalsfjalli. Hann safnar nú fyrir útgáfu hennar.
Kjarninn 17. október 2021
Þótt ferðamenn séu farnir að heimsækja Ísland í meira magni en í fyrra, og störfum í geiranum hafi samhliða fjölgað, er langur vegur að því að ferðaþjónustan skapi jafn mörg störf og hún gerði fyrir heimsfaraldur.
Langtímaatvinnuleysi 143 prósent meira en það var fyrir kórónuveirufaraldur
Þótt almennt atvinnuleysi sé komið niður í sömu hlutfallstölu og fyrir faraldur þá er atvinnuleysið annars konar nú. Þúsundir eru á tímabundnum ráðningastyrkjum og 44 prósent atvinnulausra hafa verið án vinnu í ár eða lengur.
Kjarninn 17. október 2021
Eiríkur Ragnarsson
Af hverju er aldrei neitt til í IKEA?
Kjarninn 17. október 2021
Karl Gauti Hjaltason er oddviti Miðflokksins í Suðvesturkjördæmi.
„Það er búið að eyðileggja atkvæðin í þessu kjördæmi“
Atkvæðin í kosningunum í Norðvesturkjördæmi „eru því miður ónýt,“ segir Karl Gauti Hjaltason, fyrrverandi sýslumaður og „vafaþingmaður“ Miðflokksins. „Það getur enginn í raun og veru treyst því að ekki hafi verið átt við þessi atkvæði“.
Kjarninn 17. október 2021
Gabby Petito
Verður morðið á Gabby Petito leyst á TikTok?
Margrét Valdimarsdóttir, doktor í afbrotafræði, segir enga ástæðu til að óttast breyttan veruleika við umfjöllun sakamála en mikilvægt sé að að gera greinarmun á sakamálum sem afþreyingu og lögreglurannsókn.
Kjarninn 17. október 2021
Meira úr sama flokkiFólk
None