Karolina Fund: Ákvað að kýla á sólóplötu

jóhann ásmundsson
Auglýsing

Jóhann Ásmunds­son, bassa­leik­ari Mezzof­or­te, er að vinna að fjár­mögnun sóló­plötu með alþjóð­legum hóp með­spil­ara á Karol­ina Fund. Fimmtán ár eru síðan hann gaf út sína fyrstu sóló­plötu So Low. Kjarn­inn hitti Jóhann og tók hann tali.

Hvenær byrj­aðir þú í tón­list?

„Ég byrj­aði frekar ungur í tón­list, ekki á bassa, ég spil­aði á blokk­flautu til að byrja með, sem krakki og var að læra á flautu og flautur alveg þangað til ég var kom­inn á 13 árið mitt. Það lá fyrir mér að verða flautuleik­ari og þá var ég svo hepp­inn að afi minn og amma í Borg­ar­nesi sem eru reyndar bæði far­in, þau gáfu mér bassa, fyrsta bass­ann minn. Það var bróðir hans pabba, frændi minn sem hvatti þau, af því að ég var áhuga­samur um mús­ík. Ég tengdi strax við þetta hljóð­færi og eftir það var ekki aftur snú­ið. Þó ég hefði nót­urnar úr flautuleiknum þá gleymdi ég því bara þegar ég fór að spila á bass­ann því ég var að hlusta á lög og pikka upp og lærði á bass­ann þannig. Seinna þá rifj­aði ég upp nót­urn­ar. Bass­inn kemur mjög frá hjart­anu, mér fannst gaman að spila á bass­ann og svo ágerð­ist það.“

Auglýsing

Þú minn­ist á það að vera búinn að vera í Mezzof­orte frá unga aldri, er eitt­hvað búið að vera á tak­teinum hjá ykkur und­an­far­ið?

„Ég var 15 ára gam­all þegar við byrjum að spila saman árið 1976. Ég var með Gulla Briem í Rétt­ar­holts­skóla, og Eyþór Gunn­ars­son og Frið­rik Karls­son voru saman í Vörðu­skóla. Við kynnt­umst eig­in­lega þegar við vorum að þvæl­ast í hljóð­færa­versl­un­um. Fórum svo að finna okkur æfinga­pláss og byrj­uðum að spila sam­an. Seinna fórum við að spila svona instru­mental tón­list eins og Mezzof­orte og stofnum hljóm­sveit­ina ári síð­ar, sem þýðir að á næsta ári erum við að halda upp á 40 ára afmæli hljóm­sveit­ar­inn­ar. Því verður aldeilis fagnað með pompi og prakt með stór­tón­leikum í Hörpu­.“ 



Þetta er ekki þín fyrsta plötu­út­gáfa, segðu mér aðeins frá So Low.

„Árið 2001 gaf ég út plöt­una So Low, það var mín fyrsta sóló­plata. Í upp­hafi Mezzof­orte tím­ans þá samdi ég svo­lítið sjálfur og með öðr­um. Svo leið ein­hver tími þar sem ég sinnti því lít­ið, en svo kom það aftur til mín að fara að semja og það komu til mín nokkur lög á Mezzof­orte plötu og ég samdi meira en fór inn hjá Mezzof­or­te. Ég þurfti lengi að hugsa mig um hvort ég gæti gert heila plötu sjálfur og svo bara einn dag­inn var ég kom­inn með nógu mikið efni til að geta gefið út disk. Svo er það Ási sonur minn sem hvatti mig að drífa í að gefa út disk og ég ákvað að kýla á það.“ 

Hvernig tón­list er að finna á þess­ari plöt­u? 

„Þetta er instru­mental að mestu leyti, þetta er ekki ólík tón­list og Mezzof­or­te, það sem kall­ast Fusion Music, þ.e. bræðslumús­ík. Þarna er að finna rokk, lat­ín, smooth jazz og funk.“



Eru ein­hverjir fleiri sem koma að plöt­unni? 

„Ég kynnst mikið af tón­list­ar­fólki í gegnum tíð­ina, bæði sem hafa spilað með Mezzof­orte og svona öðrum sem ég hef spilað með á öðrum vett­vangi og hef kynnst og eru tón­list­ar­menn sem að ég held mikið upp á. Johan Oijen Gít­ar­leik­ari og Jónas Wall saxa­fón­leik­ari sem að spilar með Mezzof­orte í dag. Andr­eas Andr­e­as­son einnig saxa­fón­leik­ari frá Stokk­hólmi, þýskur gít­ar­leikar sem hefur einnig spilað með Mezzof­or­te, Bruno Muell­er, annar sænskur gít­ar­leik­ari sem heitir Staffan William Olson mun spila á plöt­unni, norskur trommu­leik­ari sem heitir Ruben Dalen, Ásmundur sonur minn einnig á trommur og margir fleiri góð­ir.“

„Öll platan er tekin upp í Stúdíó Paradís, en það er fjöl­skyldu­fyr­ir­tæki sem við stofn­uðum árið 2012, ég og Sig­rún konan mín og börnin okk­ar. Upp­haf­lega kemur nafnið Para­dís frá Pétri Krist­jáns­syni, bróður Sig­rún­ar. Hann var í hljóm­sveit­inni Para­dís og þaðan kemur nafnið Para­dís á snyrti­stof­una hennar Sig­rúnar og svo nafnið á stúd­íó­ið. Partur af verk­efn­inu er svo disk­ur­inn So Low sem hefur verið upp­seldur í langan tíma og við erum að end­ur­út­gefa hann um leið.“

„Það sem mér finnst skemmti­leg­ast er að spila með öðrum og það sem við höfum í Mezzof­orte er alveg ein­stak. Við tengj­umst svo vel mús­ík­lega og það er alveg æðis­legt þegar það ger­ist. Það er líka það sem mynd­ast á milli tón­list­ar­manna, dínamíkin sem er það sem er áhuga­verð­ast í tón­list.“

Verk­efnið er að finna hér.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Árni Finnsson
Á vonarvöl?
Kjarninn 19. október 2021
Sjókvíareldi á Vestfjörðum.
Framleiðsla í fiskeldi jókst um 169 prósent milli 2016 og 2020
Tekjur fiskeldisfyrirtækja hafa tvöfaldast frá 2016 og útflutningsverðmæti afurða þeirra hafa þrefaldast. Launþegum í geiranum hefur hins vegar ekki fjölgað nálægt því jafn mikið, eða um 32 prósent á sama tímabili.
Kjarninn 19. október 2021
Bensínverð ekki verið hærra síðan 2012
Verðið á heimsmarkaði með olíu hefur margfaldast frá vorinu 2020. Það hefur skilað því að viðmiðunarverð á bensíni á Íslandi hefur einungis einu sinni verið hærra í krónum talið.
Kjarninn 19. október 2021
Svandís Svavarsdóttir heilbrigðisráðherra.
Öllum sóttvarnaraðgerðum innanlands verði aflétt eftir mánuð
Frá og með morgundeginum mega 2.000 manns koma saman, grímuskyldu verður aflétt og opnunartímar skemmtistaða lengjast um klukkustund. Svo er stefnt á afléttingu allra aðgerða eftir fjórar vikur.
Kjarninn 19. október 2021
Þjóðhættir
Þjóðhættir
Þjóðhættir – Íslenskir fjárhundar og endurvinnsla textíls
Kjarninn 19. október 2021
Sjávarútvegurinn greiddi sér 21,5 milljarða króna í arð í fyrra
Hagur sjávarútvegsfyrirtækja landsins, samtala arðgreiðslna og aukins eigin fjár þeirra, hefur vænkast um meira en 500 milljarða króna frá bankahrun. Geirinn greiddi sér meira út í arð í fyrra en hann greiddi í öll opinber gjöld.
Kjarninn 19. október 2021
Ásýnd fyrirhugaðrar uppbyggingar á Orkureitnum séð frá Suðurlandsbraut.
Reitir selja uppbyggingarheimildir á Orkureit á hátt í fjóra milljarða
Félagið Íslenskar fasteignir ehf. mun taka við uppbyggingunni á hinum svokallaða Orkureit á milli Ármúla og Suðurlandsbrautar af Reitum. Áætlaður söluhagnaður Reita af verkefninu er um 1,3 milljarðar króna.
Kjarninn 19. október 2021
Ekki búið að taka ákvörðun um rannsókn á yfirráðum Samherja yfir Síldarvinnslunni
Virði hlutabréfa í Síldarvinnslunni hefur aukist um 50 milljarða króna frá skráningu og um 30 prósent á síðustu vikum. Rúmur helmingur hlutafjár er í eigu Samherja og félaga sem frummat sýndi að færu með sameiginleg yfirráð í Síldarvinnslunni.
Kjarninn 19. október 2021
Meira úr sama flokkiFólk
None