Fillon í þungum sjó

Nýjar upplýsingar um greiðslur til konu François Fillon og dóttur sem eiga sér ekki eðlilegar skýringar eru að valda forsetaframbjóðandanum miklum vandræðum.

François Fillon, frambjóðandi Lýðveldisflokksins. MYND:EPA
Auglýsing

Í tvær vikur hefur varla verið rætt um annað í stjórn­málum í Frakk­landi en greiðslur til eig­in­konu François Fillon, fram­bjóð­anda Repu­blikana­flokks­ins (Les Répu­blicains) fyrir for­seta­kosn­ing­arnar í apríl og maí. Pen­elope Fillon fékk nærri eina milljón evra í laun sem aðstoð­ar­maður eig­in­manns síns en hér í landi tíðkast að þing­menn hafi jafn­vel fleiri en einn aðstoð­ar­mann. Hund­rað þús­und af upp­hæð­inni var greiðsla fyrir vinnu við blað­ið La revue des deux monde sem er í eigu vin­ar Fillons, millj­óna­mær­ings­ins Marc Ladreit de Lacharrière, 32. rík­asta manns lands­ins. Í hvor­ugu til­vik­inu hefur orðið vart við vinnu Pen­elope FillonFrançois Fillon tók þá ákvörðun um síð­ustu helgi að leggja allt á borð­ið, boða til blaða­manna­fund­ar, birta upp­lýs­ingar um banka­reikn­inga og eignir og biðjast af­sök­un­ar á þessu máli til að hreinsa loft­ið.

Eftir blaða­manna­fund­inn á mánu­dag ætl­aði Fillon að taka upp þráð­inn að nýju og blása lífi í kosn­inga­bar­átt­una. Fyrst hélt hann fund með þing­mönnum á þriðju­dag þar sem hann þrum­aði yfir þeim og sagði að það væri ekk­ert val, hann væri fram­bjóð­andi og yrði áfram. Svo fór hann í heim­sókn í verk­smiðju. En síð­degis á þriðju­dag komu fram nýjar upp­lýs­ingar hjá skop­mynda­blað­in­u,  Le Can­ard enchaîné (Öndin hlekkj­aða) sem kom mál­inu fyrst í umræð­una. Þar kemur fram að Pen­elope Fillon hafi fengið 45.000 evrur frá Þjóð­þing­inu þegar hún hætti sem aðstoð­ar­mað­ur eig­in­mans síns. Það voru meðal ann­ars bætur vegna upp­sagn­ar, sem og laun frá Marc Jou­laud sem tók við af Fillon á þingi þegar hann varð ráð­herra 2002, og réði hana að nýju. Fillon segir að þessar upp­hæðir hafi komið fram á blaða­manna­fund­in­um. Hins vegar var ekki sagt eitt orð um það að eig­in­konan hefði verið á tvö­földum launum á þessu tíma­bili, bótum vegna sjálf­krafa starfs­loka, þar sem eig­in­mað­ur­inn var ekki lengur þing­mað­ur, og svo laun frá þeim nýja.  Ekki voru allir á eitt sáttir í verk­smiðj­unni sem Fillon heim­sótti og þótti mörgum illa til fundið hjá honum að koma þang­að. Þar voru konur sem sumar eru með um þús­und evrur í mán­að­ar­laun og því ekki að undra að á hann væri baulað, líkt og víðar í borg­inni Troyes þar sem hann var í heim­sókn. 

Auk Pen­elope Fillon var Marc Jou­laud þing­maður með annan aðstoð­ar­mann á sama tíma, Jeanne Robin­son-Behre. Launa­kjörin voru hins vegar ekki þau sömu, önnur fékk greiddar 6.000 evrur á mán­uði og hin 607 evr­ur. Þetta kom fram í dag­blað­inu Ouest France á mið­viku­dag.

Auglýsing

Tvö af fimm börn­um Fillons hafa dreg­ist inn í umræð­una þar sem þau fengu greiðslur fyrir lög­fræði­að­stoð meðan faðir þeirra var þing­maður í Öld­unga­deild­inni sem í sjálfu sér er ekki ólög­legt. Vanda­málið er bara það að þau voru ekki orðin lög­fræð­ingar á þeim tíma. Í vik­unni kom einnig fram, bæði í Le Monde og Le Can­ard enchaîné, að á meðan dóttir­in, Marie Fillon, var í starfs­þjálfun sem lög­fræð­ingur var hún ráðin í fulla vinnu sem aðstoð­ar­maður pabba síns og gamlir skóla­fé­lagar segj­ast ekki geta ímyndað sér hvernig hún gat sinnt hvort tveggja í einu. Marie og Charles Fillon elstu börn hans voru boðuð til rann­sókn­ar­dóm­ara á fimmtu­dag til að svara fyrir vinnu þeirra fyrir föður sinn.

Kosn­inga­bar­átta Fillons er því enn og aftur farin að snú­ast um að verja það óverj­an­lega. Fram­bjóð­and­inn sem kynnti sig sem von Frakk­lands sem væri með óað­finna­lega for­tíð, sá sem tal­aði um að Frakkar þyrftu að leggja meira á sig og vinna meira, sá sem vill fækka opin­berum starfs­mönnum og svo mætti áfram telja, allt til að koma land­inu á réttan kjöl, hefur ekki lengur hreinan skjöld. Allan þennan tíma virð­ist sem konan hans hafi verið heima, eins og hefur komið fram í fleiri við­tölum við hana, og rakað saman seðl­um. Reyndar hefur komið upp spurn­ing um hvort hún hafi yfir höfuð vitað af þessu. Það er ekk­ert ólög­legt við að ráða eig­in­konu sína sem aðstoð­ar­mann, þó það sé auð­vitað ákveðið sið­ferði­legt van­mat, en það telst vera fjár­dráttur ef hún innir enga vinnu af hendi. Nú hefur einnig komið fram að millj­óna­mær­ing­ur­inn sem réði Pen­elope Fillons í vinnu á tíma­rit­inu La Revue des deux mondes fékk orðu úr hendi Fillons 31. des­em­ber 2010 þegar hann var for­sæt­is­ráð­herra og að versla með orður er litið alvar­legum augum í Frakk­land­i. 

Eftir að Fillon fór úr emb­ætti 2012 og varð þing­maður Par­ísar stofn­aði hann ráð­gjaf­ar­fyr­ir­tæki sem var afskap­lega hljótt um. Á blaða­manna­fund­inum á mánu­dag lagði fram­bjóð­and­inn fram upp­lýs­ingar um að hann hefði unnið fyrir fyr­ir­tæki hins áður­nefnda orðu­þega. Einnig kom þar fram að Fillon hafi fengið 200.000 evrur í ráð­gjafa­laun frá trygg­inga­fyr­ir­tæk­inu AXA en eitt af því sem hann leggur til nú er að hann spara í sjúkra­trygg­inga­kerf­inu með því að opna meira á einka­trygg­ing­ar. Til­viljun eða ekki en það er einmitt eitt af því sem AXA sér­hæfir sig í. Fyrr­ver­andi for­stjóri fyr­ir­tæk­is­ins er nú í kosn­inga­stjórn Fillons og er nefndur sem hugs­an­legt við­skipta­ráð­herra­efni. Hags­muna­á­rekstrar er eitt af því sem kemur upp í hug­ann. 

Fjöl­miðlar töl­uðu í vik­unni um svart tíma­bil hjá Repu­blikönum því Nicolas Sar­kosy, fyrr­ver­andi for­seti, verður vænt­an­lega að svara til saka fyrir ólög­lega fjár­mögnun kosn­inga­bar­áttu sinnar 2012 en hann eyddi tvisvar sinnum leyfi­legri upp­hæð, um 45 millj­ónum evra í stað 22,5, en mál­inu var vísað til dóm­stóla á mánu­dag. Lög­fræð­ing­ar Sar­kozys hafa nú þegar áfrýjað en þetta kemur fram á versta tíma fyrir flokk­inn.

Og lengi getur vont versnað gæti Fillon sagt. Gam­all miðju­mað­ur, François Bayrou, sem hefur þrisvar verið for­seta­fram­bjóð­andi, hugsar sér nú til hreyf­ings en hafði lýst því yfir að hann færi ekki fram ef Alain Juppé yrði fra­mjóð­andi hægri­manna, sem ekki varð. Hann segir ótækt að Fillon dragi sig ekki í hlé og það gætu orðið mik­il­væg pró­sentu­stig sem töp­uð­ust Fillon ef Bayrou færi fram en hann hefur nú fimm pró­sent í skoð­ana­könn­unum án þess að vera í fram­boð­i. 

Fjórar skoð­ana­kann­anir birt­ust í vik­unni um úrslit fyrri umferð­ar­inn­ar, 23. apr­íl, þær sýna allar að Fillon kæm­ist ekki í aðra umferð kosn­ing­anna 7. maí, það gerðu hins vegar Mar­ine Le Pen, sem fitnar eins og púk­inn á fjós­bit­anum eftir að þessi mál komu upp, og Emmanuel Macron. Fillon hefur fallið úr 30 pró­sentum í 18 síðan hann vann for­kosn­ing­arnar í nóv­em­ber á síð­asta ári. 

Pistill­inn birt­ist einnig á vef­­svæði Berg­þórs.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Kristján Þór Júlíusson, sjávarútvegs- og landbúnaðarráðherra.
Kvótaþak óbreytt í tillögum – sem og hvað aðilar þurfi að eiga hvor í öðrum til að teljast tengdir
Lokaskýrsla verkefnastjórnar um bætt eftirlit með fiskveiðiauðlindinni hefur litið dagsins ljós og hefur hún verið afhent Kristjáni Þór Júlíussyni, sjávarútvegsráðherra. Einn stjórnarmeðlimur setur sérstakan fyrirvara við skýrsluna.
Kjarninn 10. júlí 2020
Pottersen
Pottersen
Pottersen – 39. þáttur: Naumlega sloppið!
Kjarninn 10. júlí 2020
Ingimundur Bergmann
Hótelhald, búfjárhald og pólitík
Kjarninn 10. júlí 2020
Páll Matthíasson, forstjóri Landspítalans.
„Allir eru á dekki“ við að tryggja áfram landamæraskimun
Starfsfólk Landspítalans hefur brugðist við „af ótrúlegri snerpu og atorku“ með það að markmiði að tryggja að skimun á landamærum geti haldið áfram eftir 13. júlí. „Allir eru á dekki,“ segir Páll Matthíasson, forstjóri spítalans.
Kjarninn 10. júlí 2020
Skiljum ekkert eftir
Skiljum ekkert eftir
Skiljum ekkert eftir – Börnin
Kjarninn 10. júlí 2020
Félag leikskólakennara skrifar undir nýjan kjarasamning
Þrjú aðildarfélög KÍ hafa skrifað undir kjarasamninga við samninganefnd Sambands íslenskra sveitarfélaga: Félag leikskólakennara, Skólastjórafélag Íslands og Félag stjórnenda leikskóla.
Kjarninn 10. júlí 2020
Farþegaskipið Boreal heldur frá Reykjavíkurhöfn á morgun. Það tekur um 200 farþega en í fyrstu siglingunni verða á bilinu 50 til 60 farþegar sem allir koma með flugi frá París á morgun.
Ekki fást upplýsingar um sóttvarnaráðstafanir frá umboðsaðila Boreal
Fyrsta farþegaskip sumarsins heldur frá Reykjavíkurhöfn á morgun. Starfsfólk skipafélags tjáir sig ekki um sóttvarnaráðstafanir sem gerðar hafa verið vegna farþega sem hyggjast sigla, en þeir koma með flugi frá París á morgun.
Kjarninn 10. júlí 2020
Farandverkamenn í haldi lögreglumanna í lok maí.
„Blaðamennska er ekki glæpur“
Yfirvöld í Malasíu hafa ítrekað yfirheyrt fréttamenn sem fjallað hafa um aðstæður farandverkamanna í landinu í faraldri COVID-19. Hópur fréttamanna Al Jazeera var yfirheyrður í dag vegna heimildarmyndar sem varpar ljósi á harðar aðgerðir gegn verkamönnum.
Kjarninn 10. júlí 2020
Meira úr sama flokkiFólk
None