Gunnar H. Sverr­is­son hefur verið ráð­inn for­stjóri Odda. Hann tekur við starf­inu af Þor­geiri Bald­urs­syni, sem verið hefur for­stjóri Odda og tengdra félaga frá árinu 1983 og starfað hjá fyr­ir­tæk­inu síðan 1960. Staðan var aug­lýst til umsóknar og Gunnar í kjöl­farið ráð­inn.

Kjarn­inn greindi frá því um liðna helgi að Oddi hefði sagt upp tólm starfs­mönnum í hag­ræð­ing­ar­að­gerð­u­m. Oddi er stærsti fram­leið­andi lands­ins á sviði umbúða úr pappír og plasti, ásamt því að veita atvinnu­líf­inu fjöl­breytta prent­þjón­ustu. Oddi hefur um 3.500 við­skipta­vini og 240 starfs­menn á fjórum stöðum í Reykja­vík. Útlit er fyrir að velta fyr­ir­tæk­is­ins muni drag­ast saman á þessu ári miðað við árið í fyrra, en hún mun þó nema um fimm millj­örðum króna

Gunnar er við­skipta­fræð­ingur frá Háskóla Íslands. Hann starf­aði áður sem for­stjóri hjá Íslenskum aðal­verk­tökum (ÍAV) og tengdum félögum 2004-2014. Gunnar var fjár­mála­stjóri ÍAV 1998-2004, for­stöðu­maður stjórn­un­ar­sviðs Kaup­þings 1996-1998 og fjár­mála­stjóri Ármanns­fells 1992-1996. Hann sat í stjórn Plast­prents 1999-2003, en það fyr­ir­tæki var sam­einað Odda árið 2012. 

Krist­inn ehf., félag í eigu Guð­bjargar Matth­í­as­dótt­ur, eig­anda Ísfé­lags­ins, Íslensk/Am­er­íska og stórs hluta Morg­un­blaðs­ins, keypti meiri­hluta hluta­fjár í Kvos, móð­ur­fé­lagi Odda, í nóv­em­ber 2013. Selj­endur voru einkum fjöl­skyldur nokk­urra erf­ingja stofn­enda Odda, og var kaup­verðið sagt trún­að­ar­mál í til­kynn­ingu. Eign­ar­hluti Þor­geirs Bald­urs­son­ar, for­stjóra Kvosar, hélst þó óbreyttur eftir aðkomu Krist­ins. 

.