Lands­bank­inn hagn­að­ist um 12 millj­arða króna á þriðja árs­fjórð­ung­i. Bak­færð var­úð­ar­færsla vegna geng­is­lána til fyr­ir­tækja skýrir 6,8 millj­arða króna af hagn­að­in­um. Þetta kemur fram í til­kynn­ingu frá bank­anum vegna níu mán­aða upp­gjörs rík­is­bank­ans. Alls nemur hagn­aður Lands­bank­ans frá árs­byrjun og út sept­em­ber­mánuð 24,4 millj­örðum króna. Eigið fé hans er nú 252,2 millj­arðar króna.

Íslenska ríkið á Lands­bank­ann að mestu. Sam­kvæmt fjár­laga­frum­varpi árs­ins 2016 stendur til að íslenska ríkið selji 30 pró­sent hlut í Lands­bank­anum á næsta ári. Sam­hliða stendur til að skrá Lands­bank­ann aftur á hluta­bréfa­mark­að, en for­veri hans var skráður þar áður en hann fór á hlið­ina í októ­ber 2008.

Í fjár­laga­frum­varp­inu er reiknað með að um 71 millj­arður króna fáist fyrir 30 pró­sent hlut­inn. Miðað við það verð má ætla að mark­aðsvirði bank­ans sé um 237 millj­arðar króna að mati stjórn­valda. Eigið fé Lands­bank­ans í lok sept­em­ber var 252,2 millj­arðar króna.

Stein­þór Páls­son, banka­stjóri Lands­bank­ans, segir afkom­una á fyrstu níu mán­uðum árs­ins vera góða, og betri en á sama tíma í fyrra. "Arð­semi eig­in­fjár eftir skatta er 13,5% og fjár­hags­legur styrkur bank­ans er mik­ill. Á 3. árs­fjórð­ungi munar mikið um áhrif af dómum Hæsta­réttar í málum nr. 34/2015 og 35/2015 sem vörð­uðu ágrein­ing um geng­is­lán til stærri fyr­ir­tækja. Vegna for­dæm­is­gildis dómanna bak­færir bank­inn var­úð­ar­færslu frá 2012 sem hefur jákvæð afkomu­á­hrif upp á 6,8 millj­arða króna, eftir skatta.

Rekstur bank­ans heldur áfram að batna. Kostn­að­ar­hlut­fall er hag­stætt, eða 45,7%. Tekjur hafa auk­ist vegna vax­andi umsvifa og hag­stæðra aðstæðna í hag­kerf­inu og aðhalds­að­gerðir hafa skilað árangri. Sam­þætt­ing Spari­sjóðs Norð­ur­lands við bank­ann gengur vel.

Fjár­mögnun bank­ans hefur styrkst veru­lega und­an­farið með útgáfu skulda­bréfa á erlendum fjár­mála­mark­aði. Þá hafa inn­lán og útlán auk­ist tölu­vert. Búast má við að nokkuð hægi á útlána­vexti á næstu mán­uðum og að inn­lán minnki í kjöl­far sam­þykkis nauða­samn­inga hinna föllnu fjár­mála­fyr­ir­tækja og skrefa sem verða stigin í átt að afnámi fjár­magns­hafta. Vegna þessa má búast við að efna­hags­reikn­ingur Lands­bank­ans minnki um allt að 10%. Bank­inn leggur mikla áherslu á sterka lausa­fjár­stöðu og er því vel und­ir­bú­inn fyrir þessar breyt­ing­ar.

Við í Lands­bank­anum lítum björtum augum til fram­tíð­ar. Við höfum mótað okkur skýra stefnu sem mun skapa bank­anum enn sterk­ari sam­keppn­is­stöðu, við­skipta­vinum og hlut­höfum til góða.“