Lestur dag­blaða lands­ins stóð í stað á milli sept­em­ber og októ­ber­mán­að­ar. Breyt­ingar á lestr­inum eru það litlar að þær eru langt innan skekkju­marka. Frétta­blað­ið, stærsta dag­blað lands­ins, mælist með 50 pró­sent lestur í ald­urs­hópnum 12-80 ára. Þrátt fyrir að lestur blaðs­ins hafi minnkað hratt síð­ustu ár þá ber það enn höfuð og herðar yfir önnur blöð þegar kemur að lestri. Vert er að taka fram að Frétta­blað­inu er dreift frítt í 90 þús­und ein­tökum sex daga vik­unn­ar. Þetta kemur fram í nýrri prent­miðla­könnun Gallup sem birt var í gær.

Lestur DV og Við­skipta­blaðs­ins hækk­aði lít­il­lega í síð­asta mán­uði en sú hækkun er  innan skekkju­marka. Við­skipta­blaðið er eini prent­mið­ill lands­ins sem virð­ist halda nokkuð stöð­ugum lestri þegar horft er yfir lengra tíma­bil. Sú þróun er í takt við það sem gerst hefur hjá sér­hæfð­ari syllu­miðlum í öðrum lönd­um, t.d. við­skipta­blað­inu Bör­sen í Dan­mörku.

Lækk­andi lestr­ar­tölur

Frétta­tím­inn stendur nán­ast í stað í lestri. Alls lesa 36,4 pró­sent lands­manna á aldr­inum 12-80 ára frí­blað­ið, sem er prentað í 82 þús­und ein­tökum einu sinni í viku og dreift í hús. Blaðið var fyrst með í mæl­ingum Gallup í mars 2011 og mæld­ist þá með tæp­lega 42 pró­sent lest­ur. Síðan þá hefur lest­ur­inn rokkað tölu­vert en Frétta­tím­inn virt­ist á mik­illi sigl­ingu í upp­hafi árs, á sama tíma og aðrir miðlar með stórt upp­lag voru í frjálsu falli. Í mars síð­ast­liðnum mæld­ist lestur hans 40,57 pró­sent. Frétta­tím­inn hefur aldrei mælst með jafn lít­inn lestur og blaðið er að mæl­ast með síð­ast­liðna mán­uð­i. 

Sömu sögu er að segja af Morg­un­blað­inu, stærsta áskrift­ar­blaði lands­ins.  Það mælist nú með 28,2 pró­sent lest­ur. Les­endum Morg­un­blaðs­ins hefur fækkað um 35 pró­sent á sex árum.