Tyrk­nesk yfir­völd segj­ast hafa grandað rúss­neskri orr­ustu­þotu með flug­skeytum eftir að hún flaug inn í tyrk­neska loft­helgi í morg­un. Á Twitter hafa birst mynd­bönd af þot­unni hrapa til jarðar og af því sem talið er vera flug­menn­irnir tveir í fall­hlíf­um. Er þetta í fyrsta sinn sem með­limur NATO á í beinum átökum við Rússa. Frá þessu er meðal ann­ars greint á The Guar­dian.

Varn­ar­mála­ráðu­neyti Rúss­lands segir orr­ustu­þotu sína aldrei hafa farið inn í loft­helgi Tyrkja, það sýni fluggögn. Á meðan Vest­ur­lönd fljúga flug­vélum sínum frá Tyrk­landi til þess að hæfa skot­mörk í Sýr­landi, hafa Rússar flogið frá her­svæði sínu við sýr­lenskar strendur Mið­jarð­ar­hafs­ins. Ráðu­neytið segir þotu sína að öllum lík­indum hafa verið skotna niður með flug­skeyti frá jörðu. Enn sé verið að kanna ástand flug­mann­ana og hvernig þot­unni hafi veirð grand­að. Sam­kvæmt yfir­lýs­ingu frá stjorn­völdum í Tyrk­landi þá flaug þotan inn í loft­helgi lands­ins.

Heim­ildir innan skrif­stofu for­seta Tyrk­lands, Recep Tayyip Erdogan, þá var rúss­neska þotan af SU-24 gerð.

Hér er talið að um flug­menn­ina sé að ræða og að þeir hafi stungið sér úr flug­vél­inni áður en hún féll til jarð­ar:

Þó Banda­ríkin hafi ekki átt þátt í þessu atviki þá er til­efni til að ryfja upp yfir­lýs­ingar bæði Rússa og Branda­ríkja­manna um að jafn­vel þó bæði löndin kasti sprengjum á hið svo­kall­aða Íslamska ríki í Sýr­landi og Írak, þá muni ríkin forð­ast að lenda í beinum átökum eða verða í vegi hvors ann­ars. Ekk­ert sam­starf eða sam­ráð hefur verið milli NATO-­ríkj­anna og Rúss­lands um loft­árás­irn­ar. Eftir hryðju­verka­árás­irnar í París fyrir rúmri viku hafa frétta­skýrendur hins vegar gert að því skóna að hugs­an­lega væri verið að und­ir­búa sam­starf.

Frek­ari fréttir verða færðar þegar þær ber­ast.