Allir stjórn­ar­and­stöðu­flokk­arnir á Alþingi hafa kynnt sam­eig­in­legar til­lögur um breyt­ingu á fjár­lög­um. Í til­lög­unum er lagt til að útgjöld rík­is­sjóðs verði aukin um rúma 16 millj­arða króna á næsta ári. Munar þar mestu um hækkun á örorku- og elli­líf­eyri um 5,3 millj­arða króna, hækkun barna­bóta um 2,4 millj­arða króna, aukin fram­lög vegna fæð­ing­ar­or­lofs um 1,7 millj­arða króna og ýmis verk­efni Lands­spít­al­ans. Stjórn­ar­and­staðan vill fjár­magna til­lög­urnar með hærri veiði­gjöld­um, arði af bönk­um, orku­skatti á stór­iðju og bættu skatta­eft­ir­liti. Þetta kom fram á sam­eig­in­legum frétta­manna­fundi sem Pírat­ar, Vinstri græn, Sam­fylk­ing og Björt fram­tíð héldu í Iðnó í dag. 

Í til­kynn­ingu vegna þessa segir að til­lög­urnar sýni „að mögu­legt er að leggja aðrar áherslur við stjórn lands­ins og nýta bætta afkomu rík­is­sjóðs á sann­gjarn­ari hátt. Áhersla er á bætt kjör almenn­ings­ og þeirra sem lægstar tekjur hafa, á heil­brigð­is­þjón­ustu, menn­ingu og mennta­mál og á fjár­fest­ingar í umhverfi og innviðum sam­fé­lags­ins um allt land. Þannig verði unnið gegn ójöfn­uði á Íslandi og tryggt að aukin hag­sæld skipt­ist á rétt­látan hátt."

Allar til­lög­urn­ar, sem eigi að fjár­magna með auknum tekj­u­m. 

Þær eiga að nást inn, líkt og áður sagði, með hærri veiði­gjöld­um, arði af bönk­um, orku­skatti á stór­iðju og bættu skatt­eft­ir­lit­i. „Þar fyrir utan má minna á að á yfir­stand­andi kjör­tíma­bili hefur stjórn­ar­meiri­hlut­inn ­tekið fjöl­margar ákvarð­anir um lækkun tekna sem nemur tugum millj­arða. Þar má ­nefna lækkun veiði­gjalds, afnám auð­legð­ar­skatts, lækkun á tekju­skatti bet­ur ­stæðra, afnám syk­ur­skatts, auk þess að heykj­ast á alvöru gjald­töku af ­ferða­mönn­um. Breyt­ingar á þessum ákvörð­unum í heild eða hluta myndu geta skap­að gríð­ar­legt við­bót­ar­svig­rúm í rík­is­rekstr­in­um," segir í til­kynn­ing­unni.