Sigmundur Davíð segir Kára fara með ómerkilegt bull og óheiðarlegar ásakanir

sigmundur davíð
Auglýsing

Sig­mundur Davíð Gunn­laugs­son for­sæt­is­ráð­herra segir það meg­i vera öllum ljóst hversu rangt og bein­línis óheið­ar­legt það sé að saka þau ­stjórn­völd sem nú sitji, og hafi for­gangs­raða mest í þágu heil­brigð­is­mála, að vera vilj­andi að svelta heil­brigð­is­kerf­ið. Það að gungu­skapur stjórn­valda ­gagn­vart erlendum kröfu­höfum föllnu bank­anna hafi orðið til þess að ekki séu 150 millj­arðar króna til staðar til að setja í heil­brigð­is­kerfið sé ómerki­leg­t bull.

Þetta kemur fram í aðsendri grein for­sæt­is­ráð­herr­ans í Frétta­blað­inu í dag, þar sem hann svarar grein Kára Stef­áns­sonar, for­stjóra Íslenskrar erfða­grein­ing­ar, sem birt­ist á sama stað í gær. Kári gagn­rýndi rík­is­stjórn­ina harka­lega fyrir fjársvelti gagn­vart heil­brigð­is­þjón­ustu og lin­kind gagn­vart ­kröfu­höfum föllnu bank­anna. Hann sagði lýðnum ljóst að rík­is­stjórnin myndi ekki ­sitja lengur en eitt kjör­tíma­bil og hét því að hann og nokkrir félagar hans ­myndu safna 100 þús­und und­ir­skriftum frá fólki sem myndi heita þess að kjós­a ­rík­is­stjórn­ar­flokk­anna aldrei aftur ef fram­lög til Lands­spít­al­ans yrðu ekki ­auk­in.

Segir Kára hugs­an­lega verð­andi for­seta­fram­bjóð­anda

Í grein sinni, sem ber heitið „Topp­ari Íslands“, rek­ur ­for­sæt­is­ráð­herra sögu af ónafn­greindum manni sem hann segir að hafi ver­ið svo­kall­aður „topp­ari“, og raunar „mesti topp­ari Íslands“. „Eng­inn var betri í við­skiptum en hann en samt var ekki til meiri mann­vin­ur, því hann mátt­i að eigin sögn ekk­ert aumt sjá. Það var líka sama hvaða sögur aðrir gest­ir ­sögðu, alltaf bætti hann um bet­ur. Hann hafði gert merki­legri hluti, séð meira en aðrir og unnið stærri sigra. Hann taldi sig líka alltaf kunna betri brand­ara en hinir og sá því enga ástæðu til að leyfa öðrum að ljúka sínum skemmti­sög­um áður en hann kom með aðra betri.



Í hvert s­inn sem hann tók orðið var það auk þess gert af yfir­læti og gefið til kynna að allir aðrir en hann væru fábján­ar. Þegar reynt var að leið­rétta eina eða tvær af fjöl­mörgum rang­færslum þessa sam­kvæm­is­­ljóns brást hann hinn versti við og ­gerði lítið úr þeim sem dirfð­ust að gera slíkar athuga­semd­ir.“

Auglýsing

Sig­mundur Davíð segir að sér hafi nokkrum sinnum verið hugs­að til topp­ar­ans vegna yfir­lýs­inga Kára Stef­áns­son­ar, sem hann segir ver­a hugs­an­lega verð­andi for­seta­fram­bjóð­anda. Sá bætir stöðugt í og skrifar nú enn eina grein­ina um hvað allir séu vit­laus­ir, stjórn­mála­menn og þjóð­in, og standi illa að mál­um.



Það sem topp­arar þrá umfram allt annað er athygli og því er ég eflaust að veita jákvæða ­styrk­ingu með því að svara slíkum manni. Hann mun sjálf­sagt líta á það sem tæki­færi til að útskýra að nú hafi sann­ast enn betur en áður hversu illa gefn­ir og ill­vilj­aðir stjórn­mála­menn séu. Það er samt ekki hægt að láta það óátalið þegar maður sem tal­inn er gáf­aður á sumum sviðum heldur fram hreinum ósann­ind­um og nýtir um leið veik­indi fólks til sjálfs­upp­hafn­ing­ar.“

For­sæt­is­ráð­herr­ann segir að gangstætt því sem nú sé haldið fram í nýj­ustu grein Kára, sem hann nefnir reyndar aldrei með nafni í grein­inni, ríki „ágæt sam­staða um það bæði meðal almenn­ings og ­stjórn­mála­manna að for­gangs­raða í þágu heil­brigð­is­kerf­is­ins“. Það hafi nú­ver­andi rík­is­stjórn gert í meira mæli en fyrri rík­is­stjórnir og að það sem af sé kjör­tíma­bili hafi fram­lög til Lands­spít­al­ans auk­ist um 30 pró­sent.Fram­lög til spít­al­ans hafa aldrei verið meiri og það ­sama á við um heil­brigð­is­kerfið og vel­ferð­ar­kerfið í heild. Geti sér­fræð­ing­ur­inn toppað það með því að benda á annað vest­rænt ríki sem hefur aukið jafn­mikið við fram­lög til heil­brigð­is­mála á sama tíma­bili (eða nokkru öðru tíma­bili í seinn­i ­tíð) hvet ég hann til að benda á slík dæmi.

Merki­legt að maður sem reki fyr­ir­tæki fari svona frjáls­lega með tölur

Sig­mund­ur Da­víð segir það mega vera öllum ljóst hversu „rangt og bein­línis óheið­ar­legt það er að saka þau stjórn­völd sem hafa for­gangs­raðað mest í þágu heil­brigð­is­mála um að vera vilj­andi að svelta heil­brigð­is­kerf­ið. En slík­ fram­ganga er líka skað­leg því að við þurfum þrátt fyrir allt að ná enn betri ár­angri á sviði heil­brigð­is­mála og við þurfum að vera í aðstöðu til að setj­a enn meira, og miklu meira, fjár­magn í mála­flokk­inn á kom­andi árum og ára­tug­um.



Stjórn­völd verði að geta reitt sig á ráð­gjöf þeirra sem best þekkja til um hvernig hægt sé að leysa úr þeim vanda sem er brýn­astur og fjár­festa á sem árang­urs­rík­astan hátt í heilsu og lífs­gæðum fólks. „Gal­gopa­háttur í bland við rang­færsl­ur hjálpar ekki til við það og enn síður lausnir byggðar á ósann­ind­um.“

For­sæt­is­ráð­herra gerir sér­stakar athuga­semdir við það sem Kári, eða Topp­ar­inn eins og hann er kall­aður í grein­inni, telji gungu­skap ­stjórn­valda gagn­vart kröfu­höfum föllnu bank­anna og ástæðu þess að ekki séu til­ 150 millj­arðar króna til að skella í heil­brigð­is­kerfið á einu bretti. Sú ­full­yrð­ing að upp­gjör slita­búa föllnu bank­anna og losun fjár­magns­hafta skil­i bara 300 millj­örðum króna í rík­is­sjóð en ekki 850, likt og boðað hafi ver­ið, sé  „eitt ómerki­leg­asta bull þeirra sem gremst að stjórn­völdum skuli hafa tek­ist það sem áður var sagt ómögu­legt við losun hafta og upp­gjör bank­anna.“

Því næst segir Sig­mundur Davíð að það sé merki­legt ef mað­ur­ ­sem fari svo frjáls­lega með tölur getur rekið stórt fyr­ir­tæki, og að minnsta ­kosti merki­legt ef hann geti rekið það með hagn­aði. „Þótt losun hafta sé flók­ið ­mál vita flestir sem hafa gefið sér 5 mín­útur eða svo í að kynna sér málið að þetta er ósatt. Stöð­ug­leika­skattur myndi m.v. núver­andi gengi skila um 622 millj­örðum í fjár­fram­lög­um, auk ann­arra ráð­staf­ana, en stöð­ug­leika­fram­lag skilar um 500-600 millj­örðum (og meiru ef með þarf) í formi pen­inga og eigna auk ann­arra ráð­staf­ana upp á nokkur hund­ruð millj­arða sem styrkja stöð­u efna­hags­lífs­ins og rík­is­sjóðs. Sú leið tryggir að fram­lögin verða næg til að takast á við vand­ann, sem þeim er ætlað að leysa, sama hversu stór hann reyn­ist.



Ekki hægt að eyða öllum pen­ing­unum

For­sæt­is­ráð­herra bendir á að ekki sé hægt að nota allt fjár­magnið sem til fellur í fram­kvæmd­ir eða upp­bygg­ingu inn­viða. „Slíkt myndi þýða að verið væri að nota fjár­magn ­sem er til þess ætlað að verja efna­hags­legan stöð­ug­leika, með því að greiða ­niður skuld­ir, í að kynda undir verð­bólgu og óstöð­ug­leika. Með því, hins veg­ar, að nýta fjár­magnið til að greiða niður skuldir og bæta afkomu rík­is­ins og sam­fé­lags­ins til allrar fram­tíðar verður hægt, ár frá­ ári, á sjálf­bæran hátt, að halda áfram að styrkja og efla heil­brigð­is­kerfið og aðrar grunn­stoðir sam­fé­lags­ins.

Maður sem reki fyr­ir­tæki hljóta að gera sér grein fyrir því að ekki sé hægt að reka rík­is­sjóð enda­laust með tapi eða með því að taka bara ­meiri og meiri lán. „Það að eyða fullt af pen­ingum á einu bretti, ýta und­ir­ verð­bólgu og halda svo bara áfram að taka lán bitnar á þeim sem á eftir kom­a, þ.e. kyn­slóðum og þar með talið sjúk­ling­um, fram­tíð­ar­inn­ar.

En topp­arar láta stað­reyndir eða fram­tíð­ina ekki þvæl­ast mikið fyrir sér. Fyrir þá er aðal­at­riðið að vera maður líð­andi stund­ar, sá sem fangar athygl­ina og verð­ur­ vin­sæll meðal trú­gjarnra um sinn. Aðrir geta séð um að fást við afleið­ing­arn­ar.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Djúpu sporin hennar Merkel
Heil kynslóð hefur alist upp með Angelu Merkel á valdastóli. Á sextán ára valdatíma hefur hún fengist við risavaxin vandamál og leyst þau flest en ein krísan stendur eftir og það er einmitt sú sem Merkel-kynslóðin hefur mestar áhyggjur af.
Kjarninn 26. september 2021
Fyrstu tölur á landsvísu, eins og þær voru settar fram í kosningasjónvarpi Stöðvar 2 árið 1991, sýndu mikla yfirburði fjórflokksins. Rótgrónu flokkarnir hafa síðan gefið eftir.
„Fjórflokkurinn“ hefur aðeins einu sinni fengið minna fylgi í alþingiskosningum
Samanlagt fylgi rótgrónustu stjórnmálaafla landsins, fjórflokksins, var 64,2 prósent í kosningunum í gær. Það er ögn lægra hlutfall greiddra atkvæða en í kosningunum 2017, en hærra en árið 2016.
Kjarninn 26. september 2021
Sigurður Ingi Jóhannsson formaður Framsóknar og Bjarni Benediktsson formaður Sjálfstæðisflokks ræða saman aður en kappræður hefjast á RÚV. Mögulega um jafnt vægi atkvæða á milli flokka, en þó ólíklega.
Framsókn græddi þingmann á kostnað Sjálfstæðisflokks vegna atkvæðamisvægis
Vegna misvægis atkvæða á milli flokka fékk Framsóknarflokkurinn einn auka þingmann á kostnað Sjálfstæðisflokksins, ef horft er til fylgis flokkanna á landsvísu. Þetta er í þriðja sinn frá árinu 2013 sem þessi skekkja kemur Framsókn til góða.
Kjarninn 26. september 2021
Formenn flokka sem náðu manni inn á þing, fyrir utan formann Miðflokksins, ræddust við í Silfrinu í morgun.
Bjarni: Ekki mitt fyrsta útspil að gera kröfu um stól forsætisráðherra
Formenn ríkisstjórnarflokkanna þriggja ætla að ræða saman strax í dag enda eðlilegt að hefja samtalið þar, við fólkið „sem við höfum vaðið skafla með og farið í gegnum ólgusjó,“ líkt og formaður Sjálfstæðisflokksins orðaði það.
Kjarninn 26. september 2021
Lenya Rún Tha Karim, frambjóðandi Pírata, er yngsti þingmaður sögunnar sem nær kjöri. Hún verður 22 ára í desember
26 nýliðar taka sæti á þingi
Um þriðjungur þingmanna sem taka sæti á Alþingi eru nýliðar. Stór hluti þeirra býr hins vegar yfir talsverðri þingreynslu en yngsti þingmaður Íslandssögunnar tekur einnig sæti á þingi.
Kjarninn 26. september 2021
Þær voru víst 30 en ekki 33, konurnar sem náðu kjöri. Píratar missa eina konu, Samfylking eina og Vinstri græn eina.
Konur enn færri en karlar á Alþingi
Í morgun leit út fyrir að Alþingi Íslendinga yrði í fyrsta skipti í sögunni skipað fleiri konum en körlum á því kjörtímabili sem nú fer í hönd. Eftir endurtalningu er staðan allt önnur: 30 konur náðu kjöri en 33 karlar.
Kjarninn 26. september 2021
Kosningum lokið: Sigurður Ingi í lykilstöðu til að mynda ríkisstjórn og á nokkra möguleika
Ríkisstjórnin ríghélt í kosningunum í gær og fjölgaði þingmönnum sínum, þrátt fyrir að samanlagt heildarfylgi hennar hafi ekki vaxið mikið. Framsókn og Flokkur fólksins unnu stórsigra en frjálslynda miðjan beið skipbrot.
Kjarninn 26. september 2021
Friðrik Jónsson
Níu áskoranir á nýju kjörtímabili
Kjarninn 26. september 2021
Meira úr sama flokkiInnlent
None