Katrín Jak­obs­dótt­ir, for­maður Vinstri­hreyf­ing­ar­innar græns fram­boðs, úti­lokar enn ekki að bjóða sig fram til for­seta. Hún segir fram­boð þó ekki vera á dag­skrá og finnst erfitt að úti­loka nokkurn skap­aðan hlut, hvort sem um er að ræða for­seta­fram­boð eða nokkuð ann­að.

„Ég hef þetta ekki í hyggju,” und­ir­strikar Katrín í sam­tali við Kjarn­ann. 

Augu margra hafa hvarflað til Katrínar und­an­farin miss­eri í tengslum við kom­andi for­seta­kosn­ing­ar. Hún nýtur til að mynda mests stuðn­ings meðal les­enda Vísis þar sem spurt var hver ætti helst að taka sæti Ólafs Ragn­ars Gríms­son­ar, núver­andi for­seta, á Bessa­stöðum í sum­ar. 

Ólafur Ragnar til­kynnti á nýj­árs­dag að hann ætli ekki að bjóða sig fram til emb­ætt­is­ins í sjötta sinn. Þar sagði hann að óvissan sem var fyrir hendi fyrir fjórum árum, og leiddi til áskor­ana um að hann yrði áfram for­seti, móti ekki lengur stöðu Íslend­inga.



Stjórn­mála­fræð­ingar hafa sagt und­an­farna daga að margt bendi til þess að allt stefni í sögu­legar kosn­ingar þann 25. júní næst­kom­andi, þar sem fram­bjóð­endur kunni að vera fleiri en nokkru sinni áður.