Íslenska fyr­ir­tækið Flor­ealis, sem sér­hæfir sig í þróun og ­mark­að­setn­ingu á skráðum jurta­lyfj­um, hefur tryggt sér 50 milljón króna fjár­mögn­un. Að fjár­fest­ing­unni standa sér­hæfðir fjár­festar úr lyfja­geir­anum auk engla­fjár­festa. Þetta er önnur lota fjár­mögn­unar sem Flor­ealis hefur farið í gegnum því fyr­ir­tækið hafði áður tryggt sér sömu fjár­hæð í frum­fjár­mögn­un snemma árs 2014.

Flor­ealis hét áður Her­beria og tók þátt í Startup Reykja­vík­ hrað­alnum árið 2013. Fyr­ir­tækið sér­hæfir ­sig í þróun og mark­aðs­setn­ingu á skráðum jurta­lyfjum við vægum algeng­um ­sjúk­dóm­um. Jurta­lyf eru við­ur­kennd lyf sem fram­leidd eru úr virkum nátt­úru­efn­um ­sam­kvæmt sömu gæða­stöðlum og hefð­bundin lyf. 

Kjarn­inn fjall­aði um Flor­ealis/Her­beria í umfjöllun sinn­i um Startup Reykja­vík við­skipta­hrað­al­inn árið 2014.

Þetta eru ekki einu gleði­tíð­ind­inn sem Flor­ealis hefur feng­ið að und­an­förnu. Í lok jan­úar hlaut Kol­brún Hrafn­kels­dótt­ir, for­stjóri og ­stofn­andi fyr­ir­tæk­is­ins, Hvatn­ing­ar­verð­laun Félags kvenna í atvinnu­rekstri (F­KA). Í nið­ur­stöðu FKA sagði að Kol­brún væri braut­ryðj­andi á sínu svið­i hér­lendis „og ­fyr­ir­mynd margra ungra kvenna í lyfja­geir­an­um.“