Flestir þingmenn VG sýna Katrínu skilning

Kjarninn spurði alla þingmenn VG álits um mögulegt forsetaframboð formannsins, Katrínar Jakobsdóttur. Flestir flokksmenn segjast sýna henni fullan skilning en eftirsjá verði af henni af Alþingi ef hún ákveði að taka slaginn.

Katrín Jakobsdóttir ætlar að nýta næstu daga til að ákveða hvort hún bjóði sig fram til forseta.
Katrín Jakobsdóttir ætlar að nýta næstu daga til að ákveða hvort hún bjóði sig fram til forseta.
Auglýsing

Katrín Jak­obs­dóttir hefur verið orðuð við for­seta­emb­ættið annað veifið und­an­farið ár. Hún hefur ítrekað mælst sem lang­vin­sæl­asti stjórn­mála­mað­ur­inn á Alþingi, með mest traust og mest per­sónu­fylgi. Flokk­ur­inn henn­ar, Vinstri græn, virð­ist þó ekki ná að nýta sér vin­sældir Katrínar til að afla sér fylgis og hefur hald­ist með í kring um tíu pró­senta fylgi í skoð­ana­könn­unum frá síð­ustu kosn­ing­um. 

Katrín hefur ekki viljað svara hvort hún ætli að bjóða sig fram til for­seta Íslands. Stundin birti for­síðu­við­tal við hana í gær þar sem fram kom að hún væri að hugsa málið alvar­lega. Þá var líka birt skoð­ana­könnun blaðs­ins sem leiddi í ljós að lang­flestir virð­ist treysta henni til að sinna emb­ætt­in­u. 

For­mað­ur­inn lét sam­flokks­menn sína vita á mið­viku­dag af skoð­ana­könnun Stund­ar­innar. Kjarn­inn sló á þráð­inn til þing­manna VG og vara­for­manns­ins og spurði þau álits um mögu­legt for­seta­fram­boð for­manns­ins. 

Auglýsing

Spurt var: Hvaða skoðun hefur þú á mögu­legu for­seta­fram­boði Katrínar Jak­obs­dótt­ur? 

Bjarkey Olsen Gunn­ars­dótt­ir: „Þetta er auð­vitað alfarið hennar ákvörð­un. En það verður vissu­lega mikil eft­ir­sjá af henni ef hún ákveður að fara út póli­tík, ver­andi sá stjórn­mála­maður sem hún er og hvað hún getur gert. En það kemur alltaf maður í manns stað og Katrín á að gera nákvæm­lega það sem hana langar til að ger­a.”

Björn Valur Gísla­son (vara­for­maður og utan þings): „Ég held að fólk af hennar kali­beri gæti end­ur­heimt for­seta­emb­ættið eftir það sem undan er geng­ið. Katrín getur gert hvað sem hún vill. Hvað sem hún gerir og hvað sem hún tekur sér fyrir hendur mun fara henni vel. Hún nýtur míns stuðn­ings í hverju sem hún tekur sér fyrir hend­ur. En auð­vitað verður mikil eft­ir­sjá af henni af Alþingi ef hún tekur þessa ákvörð­un.” 

Lilja Raf­ney Magn­ús­dótt­ir: „Ef hún ákveður að gera þetta mun ég sakna hennar gíf­ur­lega, en ég mundi virða val henn­ar. Hún á fyrst og fremst að svara þessu sjálf frá innstu hjartarótum og taka ákvörðun út frá því - ekki vænt­an­legum hags­munum flokks­ins. Hún á að vera frjáls en ekki skuld­bundin flokkn­um.”

Stein­grímur J. Sig­fús­son: „Ég tjái mig ekk­ert um það fyrr en ég hef heyrt í Katrínu eða nið­ur­staða hennar liggur fyr­ir. Ég ætla ekk­ert að trufla hana í því sem hún er að hug­leiða þessa dag­ana.” 

Stein­unn Þóra Árna­dótt­ir: „Ég styð hana í því sem hún ger­ir. Auð­vitað eft­ir­sjá af henni af þingi, hún er svo öfl­ugur stjórn­mála­mað­ur. En hún yrði líka rosa­lega flottur for­set­i.” 

Svan­dís Svav­ars­dóttir (þing­flokks­for­mað­ur­): „Hún á að ákveða þetta alveg sjálf og mér finnst ekki tíma­bært að kommenta á þetta.” 

Ögmundur Jón­as­son: „Ekk­ert komment.”

Öflugur jarðskjálfti í Bárðarbungu
Nokkur skjálftavirkni hefur verið í eldstöðinni að undanförnu.
Kjarninn 24. febrúar 2019
Segir ríkasta hlutann kerfisbundið nýta sér glufur til að borga ekki skatta
Formaður VR segir að grunnstefið í baráttu verkalýðsfélaganna sé að laga stöðu þeirra sem nái ekki endum saman. Það þurfi kerfisbreytingar og hægt sé að búa til svigrúm til aðgerða með því að koma í veg fyrir 100 milljarða króna skattsvik.
Kjarninn 23. febrúar 2019
Hallgerður Hauksdóttir
Óverjandi herferð gegn hvölum
Kjarninn 23. febrúar 2019
Hæfileikar eru alls staðar en tækifærin ekki
Fjöldi alþjóðlegra samtaka og einstaklinga hefur barist fyrir því að auka fjölbreytni og sýnileika minnihlutahópa innan hugbúnaðar- og tæknigeirans. Ein þeirra er Sheree Atcheson en hún hefur vakið athygli á alþjóðlegum vettvangi fyrir frumkvöðlavinnu.
Kjarninn 23. febrúar 2019
Hefur ekki orðið var við mikla eftirspurn eftir íslenskum stjórnendum á alþjóðavettvangi
Ragnar Þór Ingólfsson, formaður VR, segir verkalýðsfélögin geta bent á hinar miklu hækkanir sem ráðamenn og bankastjórar hafi tekið sér þegar þeir ræða við sína félagsmenn um átök á vinnumarkaði.
Kjarninn 23. febrúar 2019
Klikkið
Klikkið
Réttindi fatlaðs fólks - Viðtal við Sigurjón Unnar Sveinsson
Kjarninn 23. febrúar 2019
„Líkamar intersex fólks eru ekki mistök sem þarf að leiðrétta“
Samtökin Amnesty International skora á íslensk stjórnvöld að tryggja og vernda jafna meðferð einstaklinga með ódæmigerð líffræðileg kyneinkenni, bæði í lögum og framkvæmd. Yfir 68 börn fæðast hér á landi með ódæmigerð kyneinkenni á hverju ári.
Kjarninn 23. febrúar 2019
Óútskýrt hvers vegna aðalfundi Íslandspósts var frestað
Íslandspóstur er í eigu ríkisins, en rekstur fyrirtækisins hefur gengið erfiðlega að undanförnu.
Kjarninn 23. febrúar 2019
Meira úr sama flokkiInnlent
None