Jóhanna María Sig­munds­dótt­ir, þing­maður Fram­sókn­ar­flokks, segir að verið sé að gera auknar kröfur á sauð­fjár­bændur í nýjum búvöru­samn­ingum varð­andi land­nýt­ingu. Hún hefur óskað eftir upp­lýs­ingum frá  sam­flokks­konu sinni, Sig­rúnu Magn­ús­dótt­ur, umhverf­is- og auð­linda­ráð­herra, um stefnu­mál rík­is­ins varð­andi land­græðslu. 

Jóhanna María seg­ist í sam­tali við Kjarn­ann hafa óskað eftir upp­lýs­ing­unum í ljósi nýrra samn­ings­draga sem snúa að sauð­fjár­rækt í búvöru­samn­ing­un­um.

„Það er lögð mikil áhersla á land­nýt­inga­þátt­inn í gæða­stýr­ing­unni, það er að segja að bændur þurfa að upp­fylla alls kyns skil­yrði til að fá borg­að. Það er lögð þyngri áhersla á að bændur séu með land í lagi og að féð gangi ekki á land­ið,” segir Jóhanna Mar­ía. „Ég vil fá að vita hvort þau verk­efni sem eru nú til staðar séu að skila nægi­lega miklum árangri til að það sé raun­hæft að setja þessar kröfur á bændur á mót­i.”

Auknar kröfur á bændur

Jóhanna María vill fá að vita hver skil­grein­ingin á land­græðslu sé, hversu mörg félög og sam­tök eru á Íslandi um mál­efni land­græðslu, hversu mörg land­græðslu­verk­efni séu í gangi, hvaða stofnun fari með rann­sóknir er varða land­græðslu, hvað ríkið leggi til af fjár­munum til land­græðslu á ári og í hvaða far­vegi ráð­herr­ann telji land­græðslu vera og hvaða stefna sé höfð að leið­ar­ljósi. 

Að hennar mati hefur stefnan verið sæmi­leg. 

„Það er komið inn á þetta í land­nýt­ing­ar­á­ætl­un­inni og Ísland hefur verið að reyna að marka sér stefnu í þessum mál­u­m,” segir hún. „En ég óskaði eftir þessum upp­lýs­ingum til að við getum haft betra yfir­lit þegar við erum að gera auknar kröfur til bænda.”

Nýr land­græðslu­stjóri óskast

Í síð­ustu viku aug­lýsti umhverf­is- og auð­linda­ráðu­neytið laust emb­ætti land­græðslu­stjóra. Í aug­lýs­ing­unni segir að verið sé að end­ur­skoða lög um land­græðslu í ráðu­neytinnu, meðal ann­ars um starf­semi stofn­un­ar­innar með það að mark­miði að efla starf við gróð­ur- og jarð­vegs­vernd, upp­græðslu og sjálf­bæra land­nýt­ingu og hvers­konar fram­kvæmdir því tengdu. Nýr land­græðslu­stjóri mun fá það verk­efni að vinna að fram­fylgd breyt­inga komi til þeirra, í sam­ráði við umhverfis og auð­linda­ráðu­neyt­ið.