Ölgerð Egils Skalla­gríms­sonar er komin í form­legt sölu­ferli. Óskað hefur eftir til­boðum í fyr­ir­tækið frá inn­lendum og erlendum fjár­fest­um. Frá þessu er greint í Morg­un­blað­inu í dag.

Ölgerðin er einn stærsti  gos- og áfeng­is­fram­leið­andi á Íslandi, ásamt helsta keppi­nauti sínum Víf­il­felli. Auk þess er Ölgerðin ein stærsta heild­sala lands­ins með mat­væli og ýmsa sér­vöru.Ár­leg velta fyr­ir­tæk­is­ins er um 20 millj­arðar króna og starfs­menn um 330 tals­ins. Á rekstr­ar­ár­inu sem lauk í febr­úar 2015 var EBIT­DA-hagn­aður Ölgerð­ar­inn­ar, hagn­aður fyrir fjár­magns­gjöld, skatta og afskrift­ir, 1,6 millj­arðar króna. Hreinn hagn­aður hennar var um 200 millj­ónir króna.

Þetta þýðir að fyr­ir­huguð skrán­ing Ölgerð­ar­innar í Kaup­höll­ina, sem hefur verið til umræðu um þó nokk­urt skeið, verður ekki að veru­leika, að minnsta kosti um sinn. Í Morg­un­blað­inu er sagt frá því að eftir að núver­andi eig­endur Ölgerð­ar­innar sögðu frá skrán­ing­ar­á­formum sínum í haust hafi komið í ljós mik­ill áhugi fjár­festa á beinum kaup­um. Nú hefur verið ákveðið að fylgja þeim áhuga eftir og hefja form­legt sölu­ferli.

Stærsti eig­andi Ölgerð­ar­innar í dag er Eign­ar­halds­fé­lagið Þor­gerð­ur, sem er í meiri­hluta­eigu fram­taks­sjóðs­ins Auðar I, sem fer með 45 pró­sent eign­ar­hlut. Félag í eigu Októs Ein­ars­son­ar, stjórn­ar­for­manns, og Andra Þórs Guð­munds­son­ar, for­stjóra, á 38 pró­sent hlut og félag í eigu milli­stjórn­enda fyr­ir­tæk­is­ins á um 17 pró­sent hlut.

Ölgerðin fór í gegnum fjár­hags­lega end­ur­skipu­lagn­ingu árið 2010.