Undirskriftasöfnun Kára Stefánsson orðin sú stærsta í Íslandssögunni

Alls hafa hátt í 84 þúsund manns skrifað undir áskorun um að ríkið eyði ellefu prósentum af landsframleiðslu í heilbrigðismál. Það eru fleiri en skrifuðu undir söfnun InDefence 2008.

kári stefánsson
Auglýsing

Und­ir­skrifta­söfnun Kára Stef­áns­son, um að ríkið eyði ell­efu pró­sent af vergri lands­fram­leiðslu í heil­brigð­is­mál, er orðin stærsta und­ir­skrifta­söfnun Íslands­sög­unn­ar. Alls hafa 83.659 manns skrifað undir söfnun Kára, sem fer fram á síð­unni end­ur­reisn­.is. Það eru rúm­lega 300 fleiri en skrif­uðu undir und­ir­skrifta­söfnun InDefence-hóps­ins gegn ákvörðun Breta um að beita hryðju­verka­lögum gegn Íslandi árið 2008, en 83.353 skrif­uðu undir hana. Þegar horft er til und­ir­skrifta­safn­anna vegna inn­lendra mál­efna var lang­fjöl­mennsta und­ir­skrifta­söfnun sem staðið hafði verið fyrir hingað til um að halda Reykja­vík­ur­flug­velli í Vatns­mýr­inni og hún hét Hjartað í Vatns­mýr­inni. Undir hana skrif­uðu tæp­lega 70 þús­und manns, eða 69.809 manns, árið 2013. Áskorun Kára um end­ur­reisn heil­brigð­is­kerf­is­ins er orðin miklu umfangs­meiri en hún.

Hópur lista­manna gerði nýverið nýja útgáfu af lag­inu Sam­ferða eftir Magnús Eiríks­son og gaf út til stuðn­ings áskorun Kára. Mynd­bandið við lagið má sjá hér að neð­an.

Auglýsing

Ætl­aði að safna 100 þús­und und­ir­skriftum

Und­ir­skrifta­söfnun Kára var hleypt af stokk­unum 22. jan­ú­ar. Kári boð­aði und­ir­skrift­ar­söfn­un­ina í des­em­ber síð­ast­liðnum í kjöl­far rit­deilu sem hann átti við Sig­mund Davíð Gunn­laugs­son for­sæt­is­ráð­herra. Í aðdrag­anda þess hafði Kári sagt að hann, og nokkrir aðr­ir, ætl­uðu að safna 100 þús­und und­ir­skriftum gegn sitj­andi rík­is­stjórn. 

Í til­kynn­ingu frá Kára vegna þessa sagði að und­ir­skrifta­söfn­unin sé til stuðn­ings kröf­unni um end­ur­reisn heil­brigð­is­kerf­is­ins. Þar var eft­ir­far­andi haft eftir Kára: „Heil­brigð­is­kerfi er einn af horn­steinum nútíma­sam­fé­lags og sýnir vilja þess til þess að hlúa að þeim sem eru sjúkir og meidd­ir. Gott heil­brigð­is­kerfi end­ur­speglar sjálf­sagða sam­hygð en lélegt heil­brigð­is­kerfi  óá­sætt­an­legan kulda gagn­vart þeim sem eru hjálpar þurfi. Það er okkar mat að á síð­asta ald­ar­fjórð­ungi hafi stjórn­völd vannært íslenskt heil­brigð­is­kerfi, að  því marki að það sé ekki lengur þess megn­ugt að sinna hlut­verki sínu sem skyldi.

Vill hand­járna næstu rík­is­stjórn

Kári sagði frá því í Morg­un­út­varpi Rásar 2 þann 21. des­em­ber síð­ast­lið­inn að hann ætl­aði að sér að safna und­ir­skriftum frá þjóð­inni sem nota á til að „hand­járna næstu rík­is­stjórn þannig að hún verði að setja það fé í heil­brigð­is­málin sem eðli­legt má telj­ast." Hann segir Íslend­inga nú eyða 8,7 pró­sent af vergri þjóð­ar­fram­leiðslu til heil­brigð­is­mála en með­al­talið í lönd­unum í kringum okkur sé rúm­lega tíu pró­sent. Við erum lítil þjóð þannig að það er lík­legt að kostn­aður við heil­brigð­is­þjón­ustu á nef hvert sé tölu­vert meiri hér en á meðal stærri þjóð­anna. Þannig að ég held að það sé ekk­ert óeðli­legt að við stefnum að því að við eyddum í kringum 11 pró­sent af vergri þjóð­ar­fram­leiðslu til heil­brigð­is­mála."

Í gær var birt mynd af nýrri bráðabirgðaaðstöðu Landsspítalans, sem er í rými ætluðu sjúkrabílum, á Facebook-síðu hans. Kári sagð­ist hafa verið að forma með sér, með hjálp góðra manna, hug­mynd að und­ir­skrifta­söfn­un­inni og velti fyrir sér hvort ekki sé mögu­legt að ná meiri­hluta þjóð­ar­innar til að skrifa undir hana. „Og það sem ég er raun­veru­lega að segja er að það er kom­inn tími til þess að beita beinu lýð­ræði í mála­flokki eins og þess­um. Beina lýð­ræðið er mögu­leiki í dag með net­að­gangi. Ég held að það sé hægt að ná til fólks­ins í land­inu og gefa því tæki­færi til þess að tjá sig um þennan mála­flokk á til­tölu­lega stuttum tíma. Ekki held ég að það verði þægi­legt fyrir þá sem setj­ast á ráð­herra­stóla næst að stija uppi með und­ir­skrift­ir, við skulum segja 80 pró­sent þjóð­ar­inn­ar. Hvernig í ósköp­unum ættu þeir að hunsa slíkan vilja?"

Aft­ur­enda hinna lof­orða­glöðu

Það vakti gríð­ar­lega athygli þegar Kári skrif­aði grein í Frétta­blaðið 10. des­em­ber síð­ast­lið­inn þar sem hann hót­aði að safan 100 þús­und und­ir­skriftum gegn sitj­andi rík­is­stjórn. Í grein­inni sagði Kári m.a.: Það er orðið lýðum ljóst að rík­is­stjórn Sig­mundar Dav­íðs mun ekki sitja lengur en sem nemur kjör­tíma­bil­inu. Ástæðan er marg­þætt og það á við hér eins og segir í Geir­mund­ar­sögu Helj­ar­skinns að: „það renna margir orsaka­lækir að einum ósi örlaga.“ Rýnum nú í þau spjöld í sögu rík­is­stjórn­ar­innar sem gera það að verkum að það er búið að skammta henni þá daga sem hún mun telja.“

Kári sagði að við það ástand sem er við lýði í heil­brigð­is­málum þjóð­ar­innar verði ekki lengur búið. Þess vegna vilji hann láta fjár­laga­nefnd Alþingis vita að ef hún breytir ekki fyr­ir­liggj­andi fjár­laga­frum­varpi fyrir árið 2016 á þann veg að mun meira fari til Lands­spít­al­ans en stefnt er að „munum við nokkrir félagar safna 100.000 und­ir­skriftum undir plagg sem hvetur lands­menn til þess að kjósa aldrei aftur þá stjórn­mála­flokka sem standa að þess­ari rík­is­stjórn vegna þess kulda og afskipta­leysis sem hún sýnir sjúkum og meiddum í okkar sam­fé­lagi. Söfn­unin verður létt verk og löð­ur­mann­legt. Þjóð­inni ofbýð­ur.“

Í grein­inni setti Kári fram harða og ítar­lega gagn­rýni á fram­göngu rík­is­stjórn­ar­innar gagn­vart heil­brigð­is­kerf­inu og segir að hún hafi lofað því í aðdrag­anda síð­ustu kosn­inga að styðja betur við það. Nú æxl­uð­ust mál þannig að aft­ur­endar hinna lof­orða­glöðu hafa vermt valda­stóla í tvö og hálft ár en heil­brigð­is­kerfið er í engu minna rusli en áður og það horfir ekki til bóta nema síður sé.“

Myndin er frá mótmælunum í Hong Kong í júní.
Evrópuþingið gagnrýnir aðstæður í Hong Kong
Bæði yfirvöld í Hong Kong og Beijing hafa gagnrýnt Evrópuþingið fyrir ályktunina og segja hana vera hræsni af hálfu þingsins.
Kjarninn 19. júlí 2019
Skora á Almenna innheimtu ehf. að hætta innheimtu á ólöglegum lánum
Fyrir liggur að vextir á smálánum eru margfalt hærri en heimilt er samkvæmt lögum, en þrátt fyrir það eru lántakendur enn krafðir um endurgreiðslu á ólöglegum vöxtum af innheimtufyrirtækinu Almenn innheimta ehf..
Kjarninn 19. júlí 2019
Birna Lárusdóttir
Viljum við fara aftur á byrjunarreit?
Kjarninn 19. júlí 2019
Húsavík á kortið í alþjóðlegu strandhreinsunarátaki
Húsavík heimsækja árlega yfir 100 þúsund ferðamenn í þeim tilgangi að skoða hvali. Ferðaþjónustufyrirtæki á svæðinu sameinuðust í átaki í að hreins strandlengjuna, og vel tókst til.
Kjarninn 19. júlí 2019
Sjálfstæðisflokkur ekki mælst minni frá hruni – Miðjan í andstöðunni nú stærri en stjórnin
Fylgi Sjálfstæðisflokksins hefur ekki mælst lægra frá hruni, samanlagt fylgi ríkisstjórnarflokkanna hefur ekki mælst lægra á kjörtímabilinu og frjálslynda miðjublokkin er nú stærri en ríkisstjórnin.
Kjarninn 19. júlí 2019
Fylgi Miðflokks hærra en Vinstri grænna
Fylgi Miðflokksins eykst verulega á milli mánaða og mælist nú 14,4 prósent. Fylgi flokksins mælist nú hærra en bæði Vinstri grænna og Samfylkingarinnar.
Kjarninn 19. júlí 2019
Tæknivarpið
Tæknivarpið
Tæknivarpið – Apple Pay og Enski Boltinn í boði fyrir alla
Kjarninn 19. júlí 2019
Þota ALC flogin til Evrópu
Bandaríska flugleigufélagið ALC hefur átt í deilum við Isavia um þotuna. Isavia vildi kyrrsetja vélina til að tryggja greiðslur upp í tveggja milljarða króna skuldir WOW air.
Kjarninn 19. júlí 2019
Meira úr sama flokkiFréttaskýringar
None